រាជធានីភ្នំពេញ ៖ បន្ទាប់ពីនគបាលចរាចរណ៍ផ្លូវគោកចាប់ផ្តើមអនុវត្តន៍ពង្រឹងច្បាប់ចរាចរណ៍ផ្លូវគោកមកបានទទួលលទ្ធផលជោគជ័យជាកត់សម្គាល់ ។ នេះបើតាមអ្នកនាំពាក្យក្រសួងសាធារណការ និងដឹកជញ្ជូន ។ លោក ហ៊ាង សុទ្ធាយុត្តិ…
រាជធានីភ្នំពេញ ៖ បន្ទាប់ពីនគបាលចរាចរណ៍ផ្លូវគោកចាប់ផ្តើមអនុវត្តន៍ពង្រឹងច្បាប់ចរាចរណ៍ផ្លូវគោកមកបានទទួលលទ្ធផលជោគជ័យជាកត់សម្គាល់ ។ នេះបើតាមអ្នកនាំពាក្យក្រសួងសាធារណការ និងដឹកជញ្ជូន ។
លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូនបានផ្តល់បទសម្ភាសន៍ជាមួយសារព័ត៌មានកោះសន្តិភាពនារសៀលថ្ងៃទី៨ ខែឧសភា ឆ្នាំ២០២០ថា ការពង្រឹងច្បាប់ចរាចរណ៍ផ្លូវគោកថ្មីបានទទួលកាជោគជ័យ ដោយប្រជាពលរដ្ឋភាគច្រើនបានសហការជាមួយរាជរដ្ឋាភិបាល ។
ថ្លែងប្រាប់កោះសន្តិភាពនារសៀល ថ្ងៃទី៨ ខែឧសភា តាមទូរស័ព្ទលោក ហ៊ាង សុទ្ធាយុត្តិ បានបញ្ជាក់ថា ចាប់ពីថ្ងៃទី១ នៃចាប់ផ្តើមអនុវត្តច្បាប់ចរាចរណ៍ គឺថ្ងៃទី១ ខែឧសភា អ្នកដែលមកប្តូរយកប័ណ្ណបើកបរនៅទូទាំងប្រទេស មានប្រមាណ១២៤២ ។ ថ្ងៃទី២ មានចំនួនប្រមាណ ៧៣២ប័ណ្ណ ,ថ្ងៃទី៣ ចំនួនមានចំនួន៦១៩ប័ណ្ណ ថ្ងៃទី៤ មានចំនួន១៨០៦ប័ណ្ណ ថ្ងៃទី៥ មាន ចំនួន១០៩៤៦ប័ណ្ណ ថ្ងៃទី៦ មានចំនួន១០៦៦៦ ហើយថ្ងៃទី៧ បានកំពុងបូកសរុបជាបន្ត បន្ទាប់ទៀត ។
លោកបញ្ជាក់ថាចំនួនតួលេខនេះ បើយើងធ្រៀបធៀបនឹងពេលមិនទាន់ពង្រឹងអនុវត្តច្បាប់ចរាចរណ៍ផ្លូវគោក គឺមានចំនួនប្រមាណ១៧០០នាក់ ដែលចំនួននេះកើត៣ដងនៃចំនួនថ្ងៃដែលមិនទាន់ពង្រឹងច្បាប់ ។ អីញ្ចឹងចំពោះទីកន្លែងសម្រាប់ប្រឡងប័ណ្ណបើកបរវិញ បើពេលធម្មតាប្រឡងមួយដង ប៉ុន្តែពេលនេះប្រឡងដល់ទៅ៣ដងក្នុងមួយថ្ងៃ ។
លោកបន្តថា លៃលកម៉ោងសម្រាប់ប្តូរប័ណ្ណបើកបរនេះត្រូវបានក្រុមការងារខិតខំប្រឹងប្រែងធ្វើការសម្រួលដោយកុំឲ្យពួកគាត់នៅជិតគ្នា ដើម្បីចូលរួមទប់ស្កាត់ការ ឆ្លងជំងឺកូវីដ ១៩ផងដែរ ។ សម្រាប់ការប្រឡងប័ណ្ណបើកបរនេះក្នុងរយៈ ពេលប៉ុន្មានថ្ងៃ នេះមានសណ្តាប់ធ្នាប់ល្អ ដោយសារថ្នាក់ដឹកនាំបានចុះពិនិត្យផ្ទាល់ ដោយមិនឲ្យនៅប្រជ្រៀងគ្នានោះទេ ។
លោកបញ្ជាក់ថា ៖«សេវាផ្តល់ប័ណ្ណយើងអាចធ្វើជូនគាត់បាន ប៉ុន្តែអ្វីដែលសំខាន់ គឺសុវត្ថិភាព អាយុជីវិត សុខភាពពួកគាត់ ដែលត្រូវចូលរួមចំណែកទប់ស្កាត់ការរីករាលដាលជំងឺកូវីដ១៩»។
ជាមួយគ្នានោះដែរ លោកក៏បានលើកឡើងថា សម្រាប់ការប្រឡងយកប័ណ្ណបើកបរវិញ គឺថ្ងៃទី១មានចំនួន៧១៣នាក់ ថ្ងៃទី២និងថ្ងៃទី៣ចំថ្ងៃសៅរអាទិត្យគ្មានការប្រឡង(សូន្យ) ថ្ងៃទី៤ មានចំនួន៨០៨នាក់ ថ្ងៃទី៥ មានចំនួន៧៥០នាក់ ថ្ងៃទី៦ មានចំនួន១០៤នាក់ ។ លោកបន្តថាកម្រិតនៃការប្រឡងយកប័ណ្ណបើកបរនេះមានចំនួនកើនប្រមាណ២ដងនៃថ្ងៃមិនទាន់មានការពង្រឹងច្បាប់ចរាចរណ៍ផ្លូវគោក ។
ទាក់ទិននឹងការរឹតបន្តងច្បាប់ផ្លូវគោកចាប់ពីថ្ងៃទី១ ខែឧសភាកន្លងមកលោក ហ៊ាង សុទ្ធាយុត្តិបានបញ្ជាក់ថាឥរិយាថបរបស់ប្រជាពលរដ្ឋនៅពេលសមត្ថកិច្ចអនុវត្តន៍កាពង្រឹងច្បាប់មានការលើកឡើងជាពីរផ្នែក គឺមានអ្នកសាទរ និងអ្នកមិនសារទ ។ អ្នកសារទ គឺជាអ្នក ដែលបានចូលរួមយល់ដឹងពីច្បាប់ចរាចរណ៍ និងបានជួយផ្សព្វផ្សាយចែករំលែកនូវអ្វីៗដែលល្អ និងគាំទ្រការអនុវត្តរបស់រាជរដ្ឋាភិបាលបានដាក់ចេញនូវគោលការណ៍ការរឹតបណ្តឹងច្បាប់ចរាចរណ៍ ៕
ចែករំលែកព័តមាននេះ