រាជធានីភ្នំពេញ ៖ សេវាកម្មផ្ទះសំណាក់ទ្វារនាគដូចគ្នាដែរ ក្នុងខណ្ឌតែមួយនៅរាជធានីភ្នំពេញ បើទោះបីជាមានការភ័យខ្លាចនូវជំងឺកូវីដ១៩ ទោះបីមានការណែនាំកុំឱ្យចេញពីផ្ទះបើគ្មានការចាំបាច់… កុំឱ្យមានការប្រមូលផ្ដុំ… នៅផ្ទះឈ្នះកូវីដ…ក្ដី ប៉ុន្តែបំរាមនោះវាគ្មានអ្វីធំជាងចេញពីផ្ទះនាំស្រីស្នេហ៍ទៅកៀងទាទៅឋានទេវលោកឡើយ ។…
រាជធានីភ្នំពេញ ៖ សេវាកម្មផ្ទះសំណាក់ទ្វារនាគដូចគ្នាដែរ ក្នុងខណ្ឌតែមួយនៅរាជធានីភ្នំពេញ បើទោះបីជាមានការភ័យខ្លាចនូវជំងឺកូវីដ១៩ ទោះបីមានការណែនាំកុំឱ្យចេញពីផ្ទះបើគ្មានការចាំបាច់… កុំឱ្យមានការប្រមូលផ្ដុំ… នៅផ្ទះឈ្នះកូវីដ…ក្ដី ប៉ុន្តែបំរាមនោះវាគ្មានអ្វីធំជាងចេញពីផ្ទះនាំស្រីស្នេហ៍ទៅកៀងទាទៅឋានទេវលោកឡើយ ។
បានជាមានគេអះអាងដូច្នោះ ពីព្រោះបានឃើញថា នៅតាមបណ្តាផ្ទះសំណាក់ខ្លះ បែរជាមានភ្ញៀវនាំស្រីស្នេហ៍ចូលដេកកាន់តែច្រើនខុសពីធម្មតា និងមួយចំនួនទៀតថយចុះតិចតួច ក្នុងពេលដែលរាជរដ្ឋាភិបាលបានប្រកាសបិទជាបណ្តោះអាសន្ននូវអាជីកម្មមួយចំនួន មានដូចជា កាស៊ីណូ មណ្ឌលកម្សាន្ត ក្លឹប ម៉ាស្សា ខារ៉ាអូខេ នានា ព្រោះតែបញ្ហារាំងខ្ទប់ការរីករាលដាលជំងឺកូវីដ១៩ ។
គេង្កេតឃើញថា នៅតាមបណ្តាផ្ទះសំណាក់មួយចំនួននៅក្នុងរាជធានីភ្នំពេញរបស់យើង នៅតែបើកជាធម្មតា អត់មានប៉ះពាល់ដល់បំរាមទេ ដោយមានកន្លែងខ្លះមានភ្ញៀវចូលដេកកាន់តែច្រើនឡើងខុសពីពេលធម្មតា និងមួយចំនួនទៀត ក៏មានការថយចុះស្ងាត់ជាងពេលមុនៗ ផងដែរ។ នេះបើយោងទៅតាមការរៀបរាប់ប្រាប់ ពីបុគ្គលិកមេការដែលបម្រើការនៅតាមផ្ទះសំណាក់មួយចំនួន ដែលមានទីតាំងនៅក្នុងភូមិសាស្ត្រខណ្ឌចំការមន និងខណ្ឌបឹងកេងកង នៅព្រឹកថ្ងៃទី៦ ខែឧសភា ឆ្នាំ២០២០នេះ ។
ជួបជាមួយកោះសន្តិភាព មេការផ្ទះសំណាក់មួយកន្លែង នៅក្នុងសង្កាត់ទួលទំពូងទី២ បានប្រាប់ឱ្យដឹងថា ក្នុងពេលដែលមាននូវ ជំងឺកូវីដ១៩កើតឡើងនោះ ឃើញថានៅក្នុងផ្ទះសំណាក់របស់លោក មានភ្ញៀវកើនឡើងយ៉ាងច្រើនខុសពីពេលធម្មតា ទាំងថ្ងៃនិងពេលយប់មិនដាច់ភ្ញៀវឡើយ ជាពិសេសភាគច្រើនសុទ្ធតែជា«តាតាជាអ្នកមានលុយ យកស្រីក្មេងចូលមកដេក»។
គាត់ថា កាលពីពេលមុនផ្ទះសំណាក់របស់លោកមានភ្ញៀវចេញចូលមកដេកច្រើនជាប្រចាំដែរ តែមិនដូចអំឡុងពេលដែលកំពុងតែមានការភ្ញាក់ផ្អើលរឿងជំងឺកូវីដ១៩នោះទេ ទំនងជាមកពីតាមហាងខារ៉ាអូខេ ឬក្លឹបកំសាន្តដែលមានបង្កប់បន្ទប់ឡេម ត្រូវបានគេបិទ ហើយនារីៗភាគច្រើនគ្មានការងារធ្វើក៏បបួលតាតាដែលនៅជាម៉ុួចាស់ទៅ រិតសរសៃលេងទៅកុំឱ្យភ្លេច។
មេការដដែលបានបន្តទៀតថា ក្នុងអំឡុងពេលដែលកើតមាននូវជំងឺកូវីដ១៩នេះ ផ្ទះសំណាក់របស់លោកមានប្រដាប់ស្ទង់វាស់កំដៅទៅលើភ្ញៀវគ្រប់ៗគ្នា ដែលបានចូលមកដេក និងមានទឹកអាល់កុលប្រើលាងដៃសំរាប់ភ្ញៀវដែលចូលមកស្នាក់នៅក្នុងរយះមួយភ្លែតៗនិងពេញមួយថ្ងៃផងដែរ រួមគ្នាធ្វើអនាម័យសម្លាប់មេរោគ ។
បុរសជាមេការផ្ទះសំណាក់មួយកន្លែងទៀត ដែលមានទីតាំង នៅក្នុងសង្កាត់ផ្សារដើមថ្កូវ បានប្រាប់ឱ្យដឹងថា កាលពីមុនពេលកើតមានជំងឺកូវីដ១៩ នៅផ្ទះសំណាក់របស់លោក គឺមានភ្ញៀវចូលមកដេកច្រើនណាស់ ច្រើនតែចាស់ៗនាំស្រីក្មេង ។ លុះដល់ពេលជំងឺនេះផ្ទុះឡើង ចំនួនភ្ញៀវដែលចូលមកដេកមានការថយចុះខ្លាំង គឺនៅមានតិចតួចមួយៗប៉ុណ្ណោះ មិនអត់ម៉ួយទេ ។ ការថយចុះភ្ញៀវចូលមកដេកក្នុងផ្ទះសំណាក់នេះដែរ គឺកើតឡើងដោយសារតែហាងខារ៉ាអូខេត្រូវបានគេបិទ បើហាងខារ៉ាអូខេនៅបើកវិញម្ល៉េះនឹងមានភ្ញៀវចូលមកដេកច្រើន ដូចកាលពីមិនទាន់កើតមានជំងឺកូវីដ១៩នេះ ។ គាត់ថាមកដល់នឹងពេលនេះ ក៏នៅមិនទាន់មានភ្ញៀវដូចដើមវិញនៅឡើយទេ ។
គួរបញ្ជាក់ថា ក្នុងអំឡុងពេលផ្ទុះកើតមានឡើងនូវជំងឺកូវីដ១៩នេះ តាមបណ្តាកន្លែងកំសាន្ត ក្លឹប ម៉ាស្សា ហាងខារ៉ាអូខេ និងអាជីវកម្មមួយចំនួនផ្សេងៗទៀត នៅទូទាំងប្រទេស ត្រូវបានបិទទ្វារអាជីវកម្មជាបណ្តោះអាសន្ន ដើម្បីបង្ការ និងទប់ស្កាត់នូវការរីករាលដាលនៃជំងឺកូវីដ១៩នេះ ។ តែដោយឡែក សម្រាប់អាជីវកម្មផ្ទះសំណាក់ទ្វារនាគ មិនត្រូវបានបិទអាជីវកម្មឡើយ ដោយមានផ្ទះសំណាក់ទ្វារនាគមួយចំនួន មានភ្ញៀវចេញចូលដេកកើនឡើងច្រើន លើសកាលពីពេលមិនទាន់កើតមាននូវជំងឺនេះ ហើយតាមបណ្តាផ្ទះសំណាក់មួយចំនួន ហាក់បីដូចជាស្ងាត់ភ្ញៀវមានចូលមួយៗ ថយចុះច្រើនជាងកាលពីពេលមុនៗផងដែរ ។ បើថាឱ្យអត់សោះគឺគ្មានទេ ព្រោះសរសៃវាកម្រើកបានទាមទារ «កីឡាហាត់លើប្រាណ» ម្យ៉ាងដែរ ៕
ចែករំលែកព័តមាននេះ