លោកត្រាំ នឹងធ្វើតេស្តរកកូវីដ១៩រាល់ថ្ងៃ ក្រោយមនុស្សជិតខ្លួនឆ្លងជំងឺនេះ
សហអាមេរិក ៖ តាមប្រភពព័ត៌មាន CNN បានឱ្យដឹងថា ប្រធានាធិបតី ដូណាល់ ត្រាំ (Donald Trump)…
សហអាមេរិក ៖ តាមប្រភពព័ត៌មាន CNN បានឱ្យដឹងថា ប្រធានាធិបតី ដូណាល់ ត្រាំ (Donald Trump)…
សហអាមេរិក ៖ តាមប្រភពព័ត៌មាន CNN បានឱ្យដឹងថា ប្រធានាធិបតី ដូណាល់ ត្រាំ (Donald Trump) បាននិយាយថា លោកនឹងធ្វើតេស្តរកកូវីដ១៩ជារៀងរាល់ថ្ងៃមកលើរូបលោក បន្ទាប់ពីរកឃើញថា មនុស្សជិតខ្លួនរបស់លោកដែលជាអ្នករៀបចំម្ហូបនៅសេតវិមានសម្រាប់លោកផ្ទាល់មានជំងឺកូវីដ១៩។
ថ្លែងនៅក្នុងការិយាល័យ Oval Office បន្ទាប់ពីព័ត៌មានអំពីស្ថានភាពរបស់អ្នករៀបចំម្ហូបផ្ទាល់សម្រាប់ប្រធានាធិបតីត្រូវបានគេចុះផ្សាយ លោកត្រាំបានមានប្រសាសន៍ថា លោកនឹងធ្វើតេស្តជារៀងរាល់ថ្ងៃ ក្នុងគោលបំណងរក្សាសុវត្ថិភាព។
លោកបានថ្លែងថា៖ «តើមានអ្វីកើតឡើងនៅចន្លោះពេលដែលអ្នកធ្វើតេស្តភ្លាម និងក្រោយពេលនោះប៉ុន្មានថ្ងៃ? វាមានថ្ងៃដែលនៅចន្លោះនោះ ដែលអ្នករៀបចំម្ហូបសម្រាប់ខ្ញុំខាងលើបានធ្វើតេស្តរួច ហើយនិងពេលដែលគេរកឃើញថា មានជំងឺកូវីដ១៩»។
លោកត្រាំ បាននិយាយថា លោកមានទំនាក់ទំនងផ្ទាល់ខ្លួនតិចតួចណាស់ជាមួយនឹងអ្នករៀបចំម្ហូបខាងលើ ដែលជាសមាជិកយោធាអាមេរិកមួយរូបដែរ។ ជាមួយគ្នានេះដែរ លោកក៏បានលើកទឹកចិត្តដល់ជនជាតិអាមេរិកទាំងមូលថា អាមេរិកទាំងអស់សុទ្ធតែជា «អ្នកចម្បាំង» ដែលអាចតស៊ូពុះពារស្ថានភាពវាយលុករបស់ជំងឺកាចសាហាវនេះ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ