ខេត្តប៉ៃលិន ៖ មកដល់វេលាម៉ោង១០ និង៤៥នាទីព្រឹកថ្ងៃទី០៨ ឧសភា នេះ នាយកក្រុមហ៊ុនហាងម៉ូតូវ័យក្មេង និងមានរូបសម្រស់ស្រស់ស្អាត ដែលមានអាក់ខោនហ្វេសប៊ុក (Kunthea…
ខេត្តប៉ៃលិន ៖ មកដល់វេលាម៉ោង១០ និង៤៥នាទីព្រឹកថ្ងៃទី០៨ ឧសភា នេះ នាយកក្រុមហ៊ុនហាងម៉ូតូវ័យក្មេង និងមានរូបសម្រស់ស្រស់ស្អាត ដែលមានអាក់ខោនហ្វេសប៊ុក (Kunthea Lim) បានរៀបចំដាក់ម៉ូតូ១គ្រឿងនិងមួកសុវត្ថិភាពចំនួន២ តាមរថយន្តឈ្នួល ដើម្បីផ្ញើទៅឱ្យបុរសម្នាក់ឈ្មោះ ដូង វិឆ័យ អាយុ៣៣ឆ្នាំ រស់នៅភូមិទួលខ្ពស់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដែលរូបគេបានខឹងនគរបាលផាកពិន័យជាង១០ម៉ឺនរៀល ក៏ដុតម៉ូតូកាលពីថ្ងៃទី០១ ឧសភា កន្លងទៅ ។
នាយកក្រុមហ៊ុនវ័យក្មេងរូបនេះ ឈ្មោះ លីម គុន្ធា បានឱ្យភ្នាក់ងារសារព័ត៌មានកោះសន្តិភាពដឹងថា ដោយគិតដល់សុខទុក្ខរបស់បុរសខាងលើ ប្អូនស្រីសុខចិត្តចេញថ្លៃឱ្យបុគ្គលិករៀបចំផ្ញើម៉ូតូ១គ្រឿង និងមួកសុវត្ថិភាពចំនួន២ ដាក់តាមរថយន្តឈ្នួលរួចរាល់អស់ហើយ ដើម្បីកុំឱ្យពិបាកឡើងចុះពីខេត្តប៉ៃលិនទៅភ្នំពេញ ព្រោះផ្លូវក៏ឆ្ងាយចំណាយថវិកាក៏អស់ច្រើន និងខាតបង់ពេលវេលា ព្រមទាំងការងារប្រកបរបរចិញ្ចឹមជីវិតសម្រាប់ក្រុមគ្រួសាររបស់គាត់ផងដែរ ។ គួររំលឹកថា ៖ ពិតតើហ៍! នារីស្រស់ស្អាតផ្តល់ម៉ូតូ១គ្រឿងឱ្យបុរសដុតម៉ូតូនៅថ្ងៃនេះ
ចែករំលែកព័តមាននេះ