ខេត្តកំពត ៖ រោងចក្រផលិតស៊ីម៉ងត៍ចំនួន៤ ក្នុងខេត្តតំពតអាចផលិតស៊ីម៉ងបានប្រមាណជាង៦០លានតោន ក្នុងមួយឆ្នាំសម្រាប់ផ្គត់ផ្គង់ទីផ្សារក្នុងស្រុក ។ នេះបើតាមអភិបាលរងខេត្តកំពត។
ថ្លែងក្នុងសន្និសីទសារព័ត៌មាន នាព្រឹកថ្ងៃទី៨ ខែឧសភា នៅទីស្តីការគណៈរដ្ឋមន្ត្រីលោកតូ លិអភិបាលរងនៃគណៈអភិបាលខេត្តកំពតបានបញ្ជាក់ថា ៖«ខេត្តកំពតពិតជាមានឱកាសដ៏ល្អ ប្រពៃណីពិសេសនោះ ស្ថេរភាពនយោបាយ ដោយបានទទួលបានសមទ្ធិផលធំៗលើការអភិវឌ្ឍលើគ្រប់វិស័យយ៉ាងច្រើនបំផុតក្នុងនោះសមទ្ធិផលធំៗដូចជា រោងចក្រផលិតស៊ីម៉ងត៍ចំនួន៤បានកំពុងដំណើរការដោយបានផលិតស៊ីម៉ង់បានក្នុងមួយឆ្នាំប្រមាណជាង៦០លានតោន វារីអគ្គិសនីកំចាយ មានអនុភាពតម្លើងដោយអនុភាព១៩៤មេហ្គាវ៉ាត់ អាចផលិតអគ្គិសនីក្នុងមួយឆ្នាំបានជាង៤ ពានលានគីឡូវ៉ាត់ម៉ោង»។
លោកបានឲ្យដឹងថា ខេត្តកំពតមានកំពង់ផែសមុទ្រចំនួន៤កន្លែង មានកំពង់ផែន ទេសចរណ៍១កន្លែងកំពុងសាងសង់ បានប្រមាណជាង៤០ភាគ ដែលគ្រោងនឹងបញ្ចប់ នៅពាក់កណ្តាលឆ្នាំ២០២០នេះ ។
ទន្ទឹមនឹងនេះ រមណីយដ្ឋានឋានសួរបូកគោក៏បានទាក់ទាញភ្ញៀវទេសចរណ៍សណ្ឋាគារអារហារដ្ឋាន … សុទ្ធតែបានជួរលើកកម្ពស់ជីវភាពរបស់ប្រជាជនខេត្តកំពតផងដែរ ។
លោកអភិបាលរងបានឲ្យដឹងថា ប្រជាពលរដ្ឋរស់នៅខេត្តកំពតបានប្រកបរបរកស៊ីចឹញ្ចឹមជីវិត សំខាន់មាន គឺកសិកម្ម នេសាទ វារីសិប្បកម្មសមុទ្រ ផលិតកម្ម និងកសិម្មជាដើម ។ វិស័យសក្តានុពលរបស់ខេត្តកំពតមានអំបិល រោងចក្រស៊ីម៉ង់ត៍ វារីអគ្គិសនី សិប្បកម្ម នេសាទ សមុទ្រ និងទេសចរណ៍ ។
លោកអភិបាលរងក៏បានលើកឡើងថា ខេត្តកំពត គឺជាខេត្តមួយកំសត់កាលពីដើម ប៉ុន្តែមកដល់ពេលនេះខេត្តនេះបានក្លាយជាខេត្តមួយល្បី ហើយស្រស់ប្រិមប្រិយ៍ និងជាខេត្តមួយចង់រស់នៅផងដែរ ៕
ចែករំលែកព័តមាននេះ