អ្នកស្រាវជ្រាវអង់គ្លេសបានរកឃើញបម្រែបម្រួលហ្សែនមេរោគកូវីដ១៩ ប្រមាណជា២០០ ដង ។ ការរកឃើញនេះនឹងជួយដល់ការបង្កើតវ៉ាក់សាំងប្រឆាំងមេរោគនេះ ។
ពួកគេបានកំណត់អត្តសញ្ញាណការផ្លាស់ប្តូរចំនួន ១៩៨ ដែលហាក់ដូចជា បានកើតឡើងដោយឯករាជ្យ ។
លោក ហ្វ្រង់សរ បាលុក ដែលជាអ្នកដឹកនាំការស្រាវជ្រាវបានក្រើនរំលឹកថា មិនមានអ្វីដែលត្រូវបង្ហាញថា វីរុសថ្មីកំពុងផ្លាស់ប្តូរលឿន ឬយឺតជាងការរំពឹងទុកឬថា វាកាន់តែមានគ្រោះថ្នាក់ ។
លោកនិយាយបន្ថែមថា «ការផ្លាស់ប្តូរទាំងនេះជាគោលការណ៍មិនមែនជាអ្វីដែលត្រូវខ្លាចនោះទេ។»
យើងបានកំណត់អត្តសញ្ញាណនៃការផ្លាស់ប្តូរផ្នែកតូចៗដែលហាក់ដូចជា កើតឡើងម្តងហើយម្តងទៀតនៅក្នុងភាពខុសគ្នា ។ វាអាចឆ្លុះបញ្ចាំងពីការបន្សាំខ្លួនទៅនឹងមនុស្ស ។
លោកបានមានប្រសាសន៍ថា «ប៉ុន្តែនៅក្នុងដំណាក់កាលនេះខ្ញុំពិតជាចង់បញ្ជាក់ថា គ្មានភ័ស្តុតាងណាមួយដែលបង្ហាញថា យើងកំពុងមើលឃើញខ្សែដែលសាហាវ ឬឆ្លងច្រើនទេ» ៕
ចែករំលែកព័តមាននេះ