រយៈពេលជាង២០ថ្ងៃហើយ កម្ពុជាគ្មានឆ្លងជំងឺកូវីដ១៩ថ្មី
- ភ្នំពេញ
រាជធានីភ្នំពេញ ៖ គិតត្រឹមព្រឹកថ្ងៃទី៨ ខែឧសភា ឆ្នាំ២០២០នេះ កម្ពុជាគ្មានអ្នកឆ្លងថ្មី និងគ្មានអ្នកជាសះស្បើយពីជំងឺកូវីដ១៩នោះទេ ។ នេះបើតាមក្រសួងសុខាភិបាល ។…
រាជធានីភ្នំពេញ ៖ គិតត្រឹមព្រឹកថ្ងៃទី៨ ខែឧសភា ឆ្នាំ២០២០នេះ កម្ពុជាគ្មានអ្នកឆ្លងថ្មី និងគ្មានអ្នកជាសះស្បើយពីជំងឺកូវីដ១៩នោះទេ ។ នេះបើតាមក្រសួងសុខាភិបាល ។
យោងតាមការចេញផ្សាយរបស់ក្រសួងសុខាភិបាល នាព្រឹកថ្ងៃទី៨ ខែឧសភា ឆ្នាំ២០២០បានអះអាងគ្មានអ្នកឆ្លងជំងឺកូវីដ១៩ ហើយក៏គ្មានជាសះស្បើយពីជំងឺនេះដែរ ។
ការបញ្ជាក់របស់ក្រសួង ខណៈដែលក្រុមគ្រូពេទ្យបានព្យាបាលអ្នកឆ្លងជំងឺកូវីដ១៩ នេះជាសះស្បើយចំនួន១២០នាក់ ក្នុងចំណោម១២២នាក់ គឺនៅសល់តែ២នាក់ប៉ុណ្ណោះកំពុងសម្រាកព្យាបាលនៅមន្ទីពេទ្យ ។
សូមជម្រាបថា អស់រយៈពេលប្រមាណជាង២០ថ្ងៃមកហើយ កម្ពុជាគ្មានឆ្លងជំងឺកូវីដ១៩ថ្មីនោះទេ តែក្រសួងសុខាភិបាលក៏ដូចជា រាជរដ្ឋាភិបាលនៅតែទទូច និងអំពាវនាវដល់ប្រជាពលរដ្ឋទាំងអស់ត្រូវមានការប្រុងប្រយ័ត្នខ្ពស់ចំពោះសុវត្ថិភាពសុខភាព ពោល គឺធ្វើយ៉ាងណាអនុវត្តវិធានការឲ្យបានម៉ឺងម៉ាត់កុំឲ្យមានឆ្លងជំងឺកូវីដ១៩ នេះឲ្យសោះ ៕
ចែករំលែកព័តមាននេះ