រាជធានីភ្នំពេញ ៖ សមាគមពាក់ព័ន្ធនឹងឧស្សាហកម្មជ្រូកពីរហាក់មានទស្សនផ្ទុយគ្នាពីការ ផ្គត់ផ្គង់ជ្រូកនៅក្នុងប្រទេសកម្ពុជា ក្នុងនោះសមាគមអ្នកផ្គត់ផ្គង់ជ្រូក ដែលសំដៅលើអ្នកនាំ ចូលជ្រូកពីបរទេស ហាក់មិនពេញចិត្តចំពោះចំណាត់របស់ក្រសួងដែលស្នើឱ្យរដ្ឋាភិបាល ទប់ស្កាត់ការនាំចូលបែបអាណាធិបតេយ្យ និងត្រូវកំណត់ការនាំចូល…
រាជធានីភ្នំពេញ ៖ សមាគមពាក់ព័ន្ធនឹងឧស្សាហកម្មជ្រូកពីរហាក់មានទស្សនផ្ទុយគ្នាពីការ ផ្គត់ផ្គង់ជ្រូកនៅក្នុងប្រទេសកម្ពុជា ក្នុងនោះសមាគមអ្នកផ្គត់ផ្គង់ជ្រូក ដែលសំដៅលើអ្នកនាំ ចូលជ្រូកពីបរទេស ហាក់មិនពេញចិត្តចំពោះចំណាត់របស់ក្រសួងដែលស្នើឱ្យរដ្ឋាភិបាល ទប់ស្កាត់ការនាំចូលបែបអាណាធិបតេយ្យ និងត្រូវកំណត់ការនាំចូល ដើម្បីទុកលទ្ធភាព ឱ្យអ្នកក្នុងស្រុកចិញ្ចឹមផ្គត់ផ្គង់វិញ ។
យោងតាមលិខិតមួយច្បាប់ដែលសមាគមអ្នកផ្គត់ផ្គង់ជ្រូកផ្ញើទៅកាន់រដ្ឋមន្ត្រីក្រសួងកសិកម្ម ដើម្បីអន្តរាគមន៍បានបង្ហាញការមិនពេញចិត្តចំពោះការមិនផ្ដល់សិទ្ធិនាំចូលជ្រូក ដល់សមាជិកខ្លួនច្រើនដូចមុន ដែលថាការមិនផ្ដល់សិទ្ធិឱ្យបែបនេះនឹងធ្វើឱ្យទីផ្សារជ្រូកនៅ កម្ពុជា មិនមានស្ថេរភាព ហើយវានឹងស្ថិតនៅលើឈ្មួញមួយក្ដាប់តូច ។
ទន្ទឹងនឹងនោះក្រសួងកសិកម្មបានឆ្លើយតបមកវិញថា ការមិនផ្ដល់សិទ្ធិទៅអ្នកនាំ ចូលច្រើន គឺមានហេតុផលមួយចំនួនដែលរួមមាន ដើម្បីចៀសវាងការដឹកជ្រូករស់បែបអា ណាធិបតេយ្យ ព្រមទាំងការបង្ការហានិភ័យនៃការឆ្លងជ្រូកពីសត្វទៅសត្វ និងពីសត្វទៅ មនុស្ស ជាពិសេសក្នុងគោលបំណងយ៉ាងមុតមាំក្នុងការថែរក្សាសុខភាពសាធារណៈ និង គ្រប់គ្រងការនាំចូលជ្រូករស់ពីប្រទេសជិតខាងមកផ្គត់ផ្គង់ក្នុងទីផ្សារក្នុងស្រុក ។ ហើយ ក្រសួងក៏បានណែនាំ ឱ្យក្រុមហ៊ុនទទួលសិទ្ធិពីក្រសួងលក់គោលការណ៍បន្តទៅក្រុមហ៊ុន ផ្សេងទៀតដែរ ។
ក្នុងសេក្ដីឆ្លើយរបស់ក្រសួងមកកាន់សមាគមនេះបានបញ្ជាក់ថា បច្ចុប្បន្នក្រុមហ៊ុន ដែលទទួលបានការអនុញ្ញាតឱ្យនាំចូលជ្រូករស់មានចំនួន ៧ក្រុមហ៊ុន ក្រសួងក៏ពុំទាន់បាន លុបគោលការណ៍ក្រុមហ៊ុនចាស់ៗណាមួយនៅឡើយដែរ ។ ដោយឡែកចំពោះករណី ដែលក្រសួងបានផ្អាកការនាំចូលជ្រូករស់ជាបណ្ដោះអាសន្នរបស់ក្រុមហ៊ុនចំនួនពីរ ដោយ សារតែក្រុមហ៊ុនទាំងពីរនេះបានប្រព្រឹត្តិបទល្មើសម្ដងហើយម្ដងទៀតមិនព្រមរាងចាល ទោះជាសមត្ថកិច្ចជំនាញបានផាកពិនន័យ និងធ្វើកិច្ចសន្យាយ៉ាងណាក៏ដោយ ។
លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា បាន លើកឡើងថា ការនអនុញ្ញាតឱ្យនាំចូលជ្រូកបែបអាណាធិបតេយ្យពីក្រៅប្រទេសមកផ្គត់ ផ្គង់ក្នុងស្រុក វាមិនល្អប្រសើរឡើយសម្រាប់ទីផ្សារជ្រូក ។ លោកបន្តថា៖ «ការនាំចូលមក ច្រើន នឹងសម្លាប់ទីផ្សារជ្រូកក្នុងស្រុក ជាពិសេសអ្នកចិញ្ចឹមជ្រូកក្នុងស្រុក ដូច្នេះ អ្នកនាំ ចូលគួរតែយល់ពីចំណុចនេះហើយទុកឱ្យអ្នកចិញ្ចឹមជ្រូកក្នុងស្រុកផ្គត់ផ្គង់ និងមានឱកាស រស់ផង» ។
លោកបន្តទៀតថា ការនាំចូលជ្រូកពីក្រៅប្រទេសមកច្រើន នឹងធ្វើឱ្យតម្លៃជ្រូកកាន់ តែទាប ហើយនៅពេលដែលតម្លៃជ្រូកថោក សូមកុំយល់ច្រលំថា មានអ្នកទិញបរិភោគ ទៀតឱ្យសោះ ។ នៅពេលដែលជ្រូកអត់មានតម្លៃ អ្នកបរិភោគក៏យល់ថា ប្រាកដជាជ្រូក គ្មានគុណភាពហើយងាកទៅរកទិញសាច់ផ្សេងបរិភោគវិញ ។ ករណីនេះ កម្ពុជាបានជួប ម្ដងរួចមកហើយ គឺជ្រូកបានធា្លក់ថ្លៃខ្លាំងហើយក៏មិនមានអ្នកទិញបរិភោគនៅពេលដែល ជ្រូកមានតម្លៃខ្ពស់ដូចបច្ចុប្បន្ននេះដែរ ។ នៅពេលដែលជ្រូកមានតម្លៃថោក អ្នកនាំចូលក៏ មិនអាចនាំចូលមកបាន អ្នកចិញ្ចឹមក៏មិនអាចលក់ជ្រូកខ្លួនចេញបាន ពេលនោះវិបត្តិជ្រូក នឹងអាចកើតឡើងម្ដងទៀត ដូច្នេះបើសិនជារដ្ឋាភិបាលបានគ្រប់គ្រងការនាំចូលបានត្រឹម ត្រូវ នោះទីផ្សារជ្រូកនឹងមានស្ថេរភាពល្អប្រសើរ និងស្ថិតស្ថេរ ។
លោកបន្ថែមថា បច្ចុប្បន្នកម្ពុជា បាននាំចូលជ្រូកពីប្រទេសថៃតែមួយប្រទេសនេះ ប៉ុណ្ណោះ ដោយមិនមាននាំចូលពីប្រទេសវៀតណាមទៀតនោះទេ ព្រោះតែជ្រូកនៅប្រ ទេសវៀតណាមមានតម្លៃខ្ពស់ជាងជ្រូកនៅក្នុងប្រទេសកម្ពុជា ដូច្នេះត្រូវបង្វែរពីការធ្លាប់ ចូលពីវៀតណាមទៅនាំពីប្រទេសថៃវិញ ដោយក្នុងមួយថ្ងៃត្រូវនាំចូលប្រមាណ ៣០០០ ទៅ ៤០០០ក្បាល ។
លោកបញ្ជាក់ថា បើសិនជាស្ថានភាពទីផ្សារជ្រូកនៅក្នុងប្រទេសកម្ពុជា បានល្អប្រ
សើរ បែបនេះយូរអង្វែងទៀតអ្នកចិញ្ចឹមក្នុងស្រុកអាចនឹងមានលទ្ធភាពក្នុងការផ្គត់ផ្គង់លើទី ផ្សារដោយអាចកាត់បន្ថយបាននូវការនាំចូលពីខាងក្រៅ ហើយបង្កើនផលិតភាពក្នុងស្រុក កាន់តែច្រើន ៕
ចែករំលែកព័តមាននេះ