ឥឡូវនេះ ប្រព័ន្ធ 5G ឡើងដល់កំពូលភ្នំ ដែលខ្ពស់ជាងគេលើលោក
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា អ្នកឡើងភ្នំ Everest ចាប់ពីពេលនេះតទៅ គឺមិនបាច់ខ្វល់ថា មិនមានអ៊ីនធើរណេតប្រើប្រាស់ទៀតនោះទេ។…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា អ្នកឡើងភ្នំ Everest ចាប់ពីពេលនេះតទៅ គឺមិនបាច់ខ្វល់ថា មិនមានអ៊ីនធើរណេតប្រើប្រាស់ទៀតនោះទេ។…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា អ្នកឡើងភ្នំ Everest ចាប់ពីពេលនេះតទៅ គឺមិនបាច់ខ្វល់ថា មិនមានអ៊ីនធើរណេតប្រើប្រាស់ទៀតនោះទេ។ លើសពីនេះទៅទៀត គេអាចប្រើប្រាស់អ៊ីនធើរណេតល្បឿនកប់ពពក ជាមួយនឹងបច្ចេកវិទ្យាចុងក្រោយ 5G ដែលគេពេលនេះតំឡើងនៅលើកំពូលភ្នំ Everest។
ស្ថានីយ៍ 5G ត្រូវបានគេសាងសង់នៅខាងជើងនៃកំពូលភ្នំ នៅរយៈកម្ពស់ ៦៥០០ម៉ែត្រពីលើនីវ៉ូទឹកសមុទ្រ ដែលអាចចែកចាយការប្រើប្រាស់ 5G បានដល់ទៅចម្ងាយ ៨៨៤៨ម៉ែត្រ។ ស្ថានីយ៍នេះត្រូវបានសាងសង់ឡើងដោយមានជំនួយក្រុមហ៊ុន Huawei ។
ក្រុមហ៊ុនទូរគមនាគមន៍យក្សចិន បានឈានមុខគេខាងបច្ចេកវិទ្យា 5G ដោយបានចុះកិច្ចសន្យាជាមួយក្រុមហ៊ុនប្រព័ន្ធទូរស័ព្ទធំៗទាំងបីរបស់ប្រទេសចិន ដើម្បីបង្កើតបណ្តាញ 5G ទូទាំងប្រទេស។
ជាក់ស្តែងមូលដ្ឋានលើកំពូលភ្នំ Everest ប្រព័ន្ធ 5G គឺអាចបង្ហាញឱ្យឃើញពីឥទ្ធិពលរបស់ក្រុមហ៊ុនបច្ចេកវិទ្យា Huawei ទៅកាន់ប្រទេសដទៃទៀត ដែលមិនចង់សហការជាមួយនឹងក្រុមហ៊ុននេះព្រោះខ្លាច Huawei យកព័ត៌មានឱ្យរដ្ឋាភិបាលចិន។
ជាមួយនឹងល្បឿនដោនឡូតលើសពី ១.៦៦ជីហ្កាប៊ីតក្នុងមួយវិនាទី និង ល្បឿនអាប់ឡូតលើសពី ២១៥មេហ្កាប៊ីតក្នុងមួយវិនាទី នៅលើកំពូលភ្នំខ្ពស់ជាងគេលើលោក ប្រទេសផ្សេងៗទៀតប្រាកដណាស់អាចនឹងមើលឃើញពីគុណប្រយោជន៍របស់បច្ចេកវិទ្យានេះ៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ