រាជធានីភ្នំពេញ ៖ តារាស្រីកំពុងល្បីឈ្មោះ ដួង ម៉ានិច្ច និងបុរសរាងសង្ហារដូចតួចិនហុងកុង អេឡិច ចាន់ត្រា បានធ្វើឱ្យគេសប្បាយចិត្តក្នុងនាមអ្នកសិល្បៈ ហើយចូលរួមបំផុសចលនាវប្បធម៌ខ្មែរឱ្យត្រដែតឡើង ក្នុងឈុតសម្លៀកបំពាក់បែបបុរាណ ដែលរំលេចដោយតារាស្រីប្រុស១គូនេះ ទាក់ទាញច្រើនសម្រាប់អ្នកតាមដានលើបណ្តាញសង្គម។
បើយោងតាមការរៀបរាប់របស់អេឡិច ក្នុងហ្វេសប៊ុកបានបញ្ជាក់ថា «ការងាថ្ងៃនេះ ជាមួយ កញ្ញា ដួង ម៉ានិច» លើកទី១ ដែលខ្ញុំគ្រងសំលៀកបំពាក់បែបបុរាណ ស្រលាញ់ខ្លាំងណាស់។ (ឈុតស្រី) រាជនីចតុមុខ នេះគឺជាឈុតច្នៃមួយបែបនៅក្នុងរចនាបថចុងសម័យបាយ័នដើមសម័យចតុមុខ គ្រងដោយប្អូនស្រី ដួង ម៉ានិច។ ឈុតមហាបុរស នៅសម័យលង្វែក (ឈុតប្រុស)។
គួរបញ្ជាក់ថា ចាប់តាំងពីពេលចូលក្នុងវិថីសិល្បៈ គេកម្រឃើញតារាចម្រៀង អេឡិច ចាន់ត្រា គ្រងឈុតបុរាណយ៉ាងសង្ហារប្លែកបែបនេះទេ ពោលគឺមួយឈុត ដែលអេឡិច បង្ហោះតាមបណ្តាញទំនាក់ទំនងសង្គម ជាមួយនឹងតួស្រី កញ្ញា ឌួង ម៉ានិច បានធ្វើឱ្យអ្នកគាំទ្ររបស់តារាទាំងពីរដួង លួចសរសើរមិនដាច់មាត់ថា ពួកគេពិតជាគ្រងឈុតបុរាណនោះសាកសមឥតខ្ចោះតែម្តង។
លោកអេឡិច ដែលកាក់កបខាងប្រធានក្រុមច្រៀង តាមមង្គលការ បានឱ្យដឹងថា យើងប្រឡូកសិល្បៈយូរឆ្នាំ មានបងប្អូនស្គាល់ទាំងក្នុង និងក្រៅស្រុក។ ដូចនេះយើងត្រូវតែធ្វើអ្វីដែលបម្រើន័យឱ្យសិល្បៈវិញ។ លោករីករាយដែលបា សហការជាមួយដួង ម៉ានិច្ច កសាងបានរូបភាពល្អៗ ចែកជូនដល់អ្នកគាំទ្រ។ (កែសម្រួលដោយ ៖ បុប្ផា)
ចែករំលែកព័តមាននេះ