រាជធានីភ្នំពេញ ៖ យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា រយៈពេល៦ថ្ងៃ ការរឹតបន្ដឹងច្បាប់ចរាចរណ៍ផ្លូវគោក ដោយបង្កើនប្រាក់ពិន័យតាមអនុក្រឹត្យលេខ៣៩ នៅទូទាំងប្រទេសកម្ពុជា ពោលគឺថ្ងៃទី១-៦ ខែឧសភា ឆ្នាំ២០២០នេះ នគរបាលចរាចរណ៍ បានផាកពិន័យយានយន្តចំនួន១៧០៣២គ្រឿង ក្នុងនោះម៉ូតូចំនួន៩៩៩៥គ្រឿង និងរថយន្ត៨១៧គ្រឿង ។
ក្នុងរយៈពេល៦ថ្ងៃនេះដែរគេសង្កេតឃើញគ្រោះថ្នាក់ចរាចរណ៍កើតឡើងសរុប៣៦លើក ស្លាប់១៩នាក់ និងរបួស៥០នាក់។
សម្រាប់ថ្ងៃទី៦ ខែឧសភានេះ យានយន្តដែលល្មើសត្រូវបានត្រួតពិនិត្យ និងផាកពិន័យ មាន១៨៤៣គ្រឿង ក្នុងនោះម៉ូតូមាន ១៣៦១គ្រឿង និងរថយន្ត៤៨៣គ្រឿង។
តាមរបាយការណ៍ដដែលបានបញ្ជាក់ថា សម្រាប់ម៉ូតូ បទល្មើសត្រូវបានកត់សម្គាល់ភាគច្រើន គឺអត់មួក បំពានស្លាកសញ្ញា និងអត់ស្លាកលេខ។ សម្រាប់រថយន្តវិញ ពាក់ព័ន្ធនឹងការល្មើសល្បឿន អត់ពាក់ខ្សែក្រវាត់ គ្មានប័ណ្ណបើកបរ និងបើកបរប្រើប្រាស់ទូរស័ព្ទ។
ក្នុងពេលដែលសមត្ថកិច្ចបានធ្វើការផាកពិន័យនេះដែរ គឺប្រជាពលរដ្ឋដែលបានប្រព្រឹត្តបទល្មើសចរាចរណ៍ និងបានទទួលយកនូវកំហុសឆ្គងនេះទាំងអស់គ្នា ៕
ចែករំលែកព័តមាននេះ