ខេត្តកណ្តាល ៖ គ្រឿងចក្រជាច្រើនគ្រឿងកំពុងសម្រុកធ្វើសកម្មភាពជីកបៀ សម្រាប់ចាប់យកត្រី និងជីកក្រវ៉ាត់ព័ទ្ធព្រំរំលោកយកដីបឹងសាធារណៈរបស់រដ្ឋ (អតីតឡូត៍នេសាទលេខ៥) ត្រង់ចំណុចកណ្តាលបឹងធំ ស្ថិតក្នុងភូមិលេខ៣ និងភូមិលេខ២ ឃុំប្រាសាទ…
ខេត្តកណ្តាល ៖ គ្រឿងចក្រជាច្រើនគ្រឿងកំពុងសម្រុកធ្វើសកម្មភាពជីកបៀ សម្រាប់ចាប់យកត្រី និងជីកក្រវ៉ាត់ព័ទ្ធព្រំរំលោកយកដីបឹងសាធារណៈរបស់រដ្ឋ (អតីតឡូត៍នេសាទលេខ៥) ត្រង់ចំណុចកណ្តាលបឹងធំ ស្ថិតក្នុងភូមិលេខ៣ និងភូមិលេខ២ ឃុំប្រាសាទ ស្រុកស្អាង ខេត្តកណ្តាល រាប់សិបហិកតាគ្រប់គ្រងធ្វើជាកម្មសិទ្ធផ្ទាល់ខ្លួន ។
បើតាមប្រភពបានលួចខ្សឹបបង្ហើបប្រាប់កាលពីរសៀលថ្ងៃទី៦ ឧសភា ថា គ្រឿងចក្រអេស្កាវ៉ាទ័រជាច្រើនគ្រឿង ដែលធ្វើសកម្មភាពជីកបៀប្រឡាយចាប់យកត្រី និងជីកក្រវ៉ាត់ព័ទ្ធព្រំដីយ៉ាងគគ្រឹកគគ្រេង នៅចំកណ្តាលបឹងធំអតីតឡូត៍នេសាទលេខ៥ ទាំងថ្ងៃទាំងយប់នោះ ត្រូវបានគេស្គាល់ម្ចាស់៤នាក់ ១-ឈ្មោះ ជីម ជីក នៅចំណុចទួលព្រែកតាហឹង ២-ឈ្មោះ ទរ ជីកចំណុចបឹងអូជ្រាំ ៣-ឈ្មោះ ហុក ឡេង និង៤-ឈ្មោះ អាឡុង បឹងជ្រាំប្រាំ ។
ប្រភពបន្តទៀតថា ឈ្មោះម្ចាស់គ្រឿងចក្រទាំង៤នាក់ខាងលើនេះ នារដូវទឹកសម្រក់ គឺគេតែងតែសង្កេតឃើញចុះមកធ្វើសកម្មភាពជីកបៀជីកប្រឡាយ និងជីកក្រវ៉ាត់ព័ទ្ធព្រំដី កណ្តាលបឹងធំនេះជារៀងរាលឆ្នាំ ពុំដែលមានអាជ្ញាធរ និងសមត្ថកិច្ច ឫមន្ត្រីជំនាញអង្គភាពស្ថាប័នពាក់ព័ន្ធណាមួយទប់ស្កាត់បង្ក្រាបអោយមានប្រសិទ្ធភាពនោះឡើយ ។
ពាក់ព័ន្ធបញ្ហានេះ លោក ហេង ធារិទ្ធ នាយខណ្ឌរដ្ឋបាលជលផលកណ្តាល បានប្រាប់អោយដឹងតាមទូរស័ព្ទកាលពីថ្ងៃទី៦ ឧសភា ថា លោកជាប់រវល់ ។ ចំណែកលោក ញឹម វណ្ណឌិន អភិបាលស្រុកស្អាងក៏ប្រាប់ថាជាប់រវល់ដែរ ។
ចែករំលែកព័តមាននេះ