ក្របខ័ណ្ឌ Bundesliga ជាលីគដំបូងគេចាប់ផ្តើមការប្រកួតនៅពាក់កណ្តាលខែនេះ
ប្រទេសអាល្លឺម៉ង់ ៖ បើយោងតាមការចុះផ្សាយពី Reuters បានឲ្យដឹងថា ក្របខ័ណ្ឌ Bundesliga គ្រោងនឹងចាប់ផ្តើមការប្រកួតឡើងវិញ នៅថ្ងៃទី ១៥…
ប្រទេសអាល្លឺម៉ង់ ៖ បើយោងតាមការចុះផ្សាយពី Reuters បានឲ្យដឹងថា ក្របខ័ណ្ឌ Bundesliga គ្រោងនឹងចាប់ផ្តើមការប្រកួតឡើងវិញ នៅថ្ងៃទី ១៥…
ប្រទេសអាល្លឺម៉ង់ ៖ បើយោងតាមការចុះផ្សាយពី Reuters បានឲ្យដឹងថា ក្របខ័ណ្ឌ Bundesliga គ្រោងនឹងចាប់ផ្តើមការប្រកួតឡើងវិញ នៅថ្ងៃទី ១៥ ខែ ឧសភា បន្ទាប់ពីទទួលបានភ្លើងខៀវពីរដ្ឋាភិបាល ក្នុងការព្រមព្រៀងលើវិធានការណ៍នានា ដើម្បីបន្ធូរបន្ថយការរឹតបន្តឹងច្បាប់មួយចំនួនទាក់ទិននឹងវីរុសកូវីដ-១៩ ។
ក្របខ័ណ្ឌ Bundesliga នឹងក្លាយជាលីគទី១ ក្នុងចំណោមលីគបាល់ទាត់ធំ ៗ ចំនួន ៥ ក្នុងទ្វីបអឺរ៉ុប ដែលចាប់ផ្តើមលេងឡើងវិញ បន្ទាប់ពីការផ្អាកដែលត្រូវបានគេមើលឃើញថា ស្ទើរតែគ្រប់វិស័យកីឡាទាំងអស់ជុំវិញពិភពលោក ចាប់តាំងពីពាក់កណ្តាលខែ មីនា។
តាមប្រភពព័ត៌មានបានឲ្យដឹងថា អធិការបតីលោកស្រី Angela Merkel បានធ្វើការពិភាក្សាជាមួយរដ្ឋមន្ត្រីនៃរដ្ឋអាល្លឺម៉ង់ចំនួន ១៦ ដើម្បីឯកភាពគ្នាលើការចាប់ផ្តើមការបន្ធូរបន្ថយការរឹតបន្តឹងមួយចំនួន ដែលបានអនុវត្តកន្លងមកសម្រាប់ទប់ស្កាត់ការរីករាលដាលនៃវីរុសកូវីដ-១៩ ។
ក្នុងនោះមានន័យថា ការប្រកួតលីគបាល់ទាត់ក្នុងស្រុក Bundesliga និងលីគលំដាប់ទី២ អាចនឹងចាប់ផ្តើមឡើងវិញ ដោយប្រព្រឹត្តទៅក្រោមលក្ខខណ្ឌតឹងរឹងមួយ ហើយដោយគ្មានអ្នកគាំទ្រនៅក្នុងកីឡដ្ឋាន ។
រំលឹកជូនក្រុមនៅក្របខ័ណ្ឌ Bundesliga បានចាប់ផ្តើមការហ្វឹកហាត់របស់ខ្លួនឡើងវិញ ចាប់តាំងពីពាក់កណ្តាលខែមេសា ដោយបែងចែកជាក្រុមតូចៗ និងស្ថិតក្រោមលក្ខខណ្ឌតឹងរឹង ដែលរួមមានការធ្វើតេស្តយ៉ាងទូលំទូលាយលើកីឡាករ ក្រុមគ្រូបង្វឹក និងបុគ្គលិកពាក់ព័ន្ធទាំងអស់ ។
សម្ព័ន្ធបាល់ទាត់អាល្លឺម៉ង់ (DFL) បានដាក់ចេញផែនការធានាសុវត្ថិភាពសុខភាព សម្រាប់ការប្រកួតដោយមិនមានអ្នកទស្សនាដោយផ្ទាល់ ដែលរាប់បញ្ចូលទាំងការធ្វើតេស្តជាទៀងទាត់លើកីឡាករ ក្រុមគ្រូបង្វឹក និងអ្នកពាក់ព័ន្ធដែលមានវត្តមានលើទីលានប្រកួតផងដែរ ៕
ចែករំលែកព័តមាននេះ