ការផ្ទុះនៃជំងឺកូវីដ ១៩ បានបង្ខំឲ្យប្រទេសមួយចំនួនបិទដំណើរការផ្នែកខ្លះនៃសេដ្ឋកិច្ច ។ ជាលទ្ធផល មនុស្សត្រូវបង្ខំចិត្តនៅផ្ទះ និងចៀសវាងទីសាធារណៈដែលមានមនុស្សជួបជុំគ្នាច្រើនផងដែរ ។ ក្នុងកំឡុងពេលនេះ មានវិស័យខ្លះកំពុងតែលូតលាស់យ៉ាងខ្លាំងព្រោះតែការផ្លាស់ប្តូរនៃជីវភាពរបស់នៅរបស់មនុស្ស…
ការផ្ទុះនៃជំងឺកូវីដ ១៩ បានបង្ខំឲ្យប្រទេសមួយចំនួនបិទដំណើរការផ្នែកខ្លះនៃសេដ្ឋកិច្ច ។ ជាលទ្ធផល មនុស្សត្រូវបង្ខំចិត្តនៅផ្ទះ និងចៀសវាងទីសាធារណៈដែលមានមនុស្សជួបជុំគ្នាច្រើនផងដែរ ។ ក្នុងកំឡុងពេលនេះ មានវិស័យខ្លះកំពុងតែលូតលាស់យ៉ាងខ្លាំងព្រោះតែការផ្លាស់ប្តូរនៃជីវភាពរបស់នៅរបស់មនុស្ស ។
ការរកលុយពីការលេងហ្គេមបានកើតមានឡើងអស់ប្រមាណ ២០ឆ្នាំមកហើយ ប៉ុន្តែបច្ចុប្បន្ននេះ ចំនួនមនុស្សដែលចូលរួមក្នុងវិស័យនេះបានកើនឡើងយ៉ាងខ្លាំងព្រោះតែមនុស្សជាច្រើនត្រូវបានប្រាប់ឲ្យនៅផ្ទះ ខណៈដែលមនុស្សមួយក្រុមទៀតបានបាត់បង់ការងារព្រោះតែកូវីដ ១៩ ។
GamerSaloon អនុញ្ញាតឲ្យអ្នកលេងហ្គេមប្រកួតគ្នាដើម្បីឈ្នះរង្វាន់ជាលុយ ។ វាជាការប្រកួតនាំមុខគេក្នុងវិស័យនេះតាំងពីត្រូវបានបង្កើតឡើងក្នុងឆ្នាំ ២០០៦ មក ។ GamerSaloon បានផ្តល់រង្វាន់សរុបអស់ ៦៧លានដុល្លារទៅហើយ និងមានអ្នកចូលរួមប្រមាណ ១.៣លាននាក់ឯណោះ ។ ចំនួននេះកំពុងតែបន្តកើនឡើងព្រោះតែកូវីដ ១៩ ផងដែរ ។
លោក ហ្គេប រូប៊ីន (Gabe Rubin) ដែលជានាយកប្រតិបត្តិរបស់ GamerSaloon បានប្រាប់មកថា ព្រោះតែការកម្សាន្តភាគច្រើនបានបិទដំណើរការព្រោះតែកូវីដ ១៩ មនុស្សកំពុងតែរកសកម្មភាពថ្មីៗដើម្បីធ្វើពេលដែរទំនេរ ។ សម្រាប់មនុស្សដែលចូលចិត្តល្បែងស៊ីសង ពួកគេបានងាកមកចាប់អារម្មណ៍ការប្រកួតលេងហ្គេមនេះដែរ ។
លើសពីនេះទៅទៀត លោក រូប៊ីន បានបន្ថែមថា ការលេងហ្គេមបែបនេះមិនមែនជាសកម្មភាពខ្ជះខ្ជាយពេលវេលា ឬជាសកម្មភាពជំនួសការលេងល្បែងស៊ីសងទេ ។ ប៉ុន្តែវាបានក្លាយជាប្រភពចំណូលដ៏ធំសម្រាប់មនុស្សមួយចំនួនប្រសិនបើពួកគេមានជំនាញលេងហ្គេមពិតប្រាកដ ។
លោកបានបន្តទៀតថា ព្រោះតែស្ថានការបច្ចុប្បន្ន និងមនុស្សកាន់តែច្រើនបានបាត់បង់ការងារ លោកគិតថាចំនួនមនុស្សដែលចូលរួមនិងពឹងផ្អែកលើ GamerSaloon និងវេបសាយ និងការប្រកួតលេងហ្គេមដទៃសម្រាប់ប្រាក់ចំណូលនឹងកើនឡើង ៕
ចែករំលែកព័តមាននេះ