ខេត្តស្វាយរៀង ៖ ប្រជាពលរដ្ឋភូមិបាក់រនាស់រាប់រយនាក់លើកគ្នាតវ៉ា ដោយចោទថា ឈ្មោះសំ សាវឿនហៅអ៊ុកណន ភេទប្រុស អាយុ៥១ឆ្នាំ មុខរបរជាប្រធានក្រុមហ៊ុន មានទីលំនៅភូមិបាក់នាស់…
ខេត្តស្វាយរៀង ៖ ប្រជាពលរដ្ឋភូមិបាក់រនាស់រាប់រយនាក់លើកគ្នាតវ៉ា ដោយចោទថា ឈ្មោះសំ សាវឿនហៅអ៊ុកណន ភេទប្រុស អាយុ៥១ឆ្នាំ មុខរបរជាប្រធានក្រុមហ៊ុន មានទីលំនៅភូមិបាក់នាស់ សង្កាត់សង្ឃ័រក្រុងស្វាយរៀង បានចាក់ដីលុបអូរសាធារណៈបិទផ្លូវទឹកប្រជាពលរដ្ឋក្នុងភូមិបាក់រនាស់ និងចាក់លុបដីចំណីព្រែកទន្លេវ៉ៃគោធ្វើជាកម្មសិទ្ធិ និងសង់ផ្ទះលើចំណីព្រែក និងជីកស្រះធ្វើខ្យូសដែលអាជ្ញាធរនិយាយថាគ្មានច្បាប់អនុញ្ញាត។
ករណីផ្ទុះការតវ៉ាខាងលើនេះបានកើតឡើងពេញមួយព្រឹកថ្ងៃទី៥ ឧសភា ឆ្នាំ២០២០ នៅភូមិបាក់រនាស់ សង្កាត់សង្ឃ័រ ក្រុងស្វាយរៀង ។
ទាក់ទិននឹងករណីនេះដែរ ចុងបណ្តឹងឈ្មោះសំ សាវឿន ហៅអ៊ុក ណន ភេទប្រុស អាយុ៥១ឆ្នាំ បានឲ្យដឹងថា គាត់បានទិញដីមួយចំនួននៅចំណុចកើតហេតុ ហើយបានសុំច្បាប់អនុញ្ញាតពីអាជ្ញាធរសង្កាត់ដើម្បីធ្វើអភិវឌ្ឍន៍និងសង់លំនៅឋានតាំងពីឆ្នាំ២០១៥ ក៏ប៉ុន្តែចៅសង្កាត់មិនទទួលពាក្យសុំរបស់គាត់(សំសាវឿន) រូបគាត់ក៏បានធ្វើសំណើរសុំទៅសាលាក្រុងស្វាយរៀងទៀត ក៏ប៉ុន្តែពុំមានការឆ្លើយតបពីសាលាក្រុងទើបរូបគាត់សម្រេចចិត្តចាក់ដីលុបអូរសាធារណៈ ដោយគ្រោងដាក់លូទឹកជំនួស ចំណែកដីចំណីព្រែកទន្លេវ៉ៃគោ គាត់ចាក់ធ្វើផ្លូវទុកជាផ្លូវសាធារណៈមិនយកធ្វើជាកម្មសិទ្ធិទេ ហើយចំពោះចំណុចដែលសង់ផ្ទះគឺទិញពីម្ចាស់ដើមគេធ្លាប់ធ្វើស្រែប្រាំង ទើបគាត់ចាក់ដីសង់ផ្ទះនិងធ្វើទំនប់ជីកស្រះធ្វើជាខ្យូសដើម្បីចិញ្ចឹមទានិងត្រី។
បើតាមប្រជាពលរដ្ឋម្នាក់ឈ្មោះហេង ចាន់ ភេទស្រី អាយុ៤៥ឆ្នាំ នៅភូមិកើតហេតុខាងលើបានឲ្យដឹងថា អូរបុរាណនេះមានទំហំទទឹខាងមុខជាប់ថ្នល់ជាតិលេខ១៣ មានទំហំ១២ម៉ែត្រ និងបណ្តោយ១៥០ម៉ែត្រដល់ព្រែកទន្លេវ៉ៃគោ ហើយ៧ទៅ៨ឆ្នាំមកនេះព្រែកទន្លេវ៉ៃគោរាក់ក៏មានប្រជាពលរដ្ឋនាំគ្នាមកចាប់ដីបោះបង្គោលហ៊ុមយក ក៏ប៉ុន្តែអាជ្ញាធរបានទុកជាចំណីព្រែកមិនចេញបណ្ណ័ឲ្យធ្វើជាកម្មសិទ្ធិទេ ។ ព័ត៌មានពិស្តារនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ