រាជធានីភ្នំពេញ ៖ ពិតជាក្ឌុកក្ឌួល និងគួរឱ្យអាណិតជាពន់ពេកចំពោះអតីតកីឡាករប្រដាល់ជើងចាស់ម្នាក់ឈ្មោះ អាន សុផល បានរងគ្រោះដោយសារត្រូវភ្លើងឆេះពេញខ្លួន ហើយស្ថានភាពអាការៈគឺធ្ងន់ធ្ងរខ្លាំងណាស់ ដោយកំពុងសង្គ្រោះបន្ទាន់ ។ អ្វីដែលសង្វេគថែមទៀតនោះ ក្រុមគ្រួសារក្រីក្រប្រឈមដោយគ្មានប្រាក់កាក់យកមកព្យាបាលជំងឺគាត់បន្តទៀតនោះទេ ។
យោងអាក់ខោនមួយឈ្មោះ (ចេនឡាន ប្រពន្ធខ្ញុំ)បានបង្ហោះសារថា «ខ្ញុំបាទសូមគោរពផ្ញើជូនរូបភាពនេះ ទៅដល់សហពន្ធ័កីឡីប្រដាល់កម្ពុជាទាំងអស់ មេត្តាជួយដល់អតីតកីឡាកប្រដាល់ជើងចាស់ម្នាក់ឈ្មោះអាន សុផល គឺគាត់ត្រូវភ្លើងឆេះយ៉ាងធ្ងន់ធ្ងរពេលនេះ កំពុងចូលសង្គ្រោះបន្ទាន់នៅមន្ទីពេទ្យកាលម៉ែត ។ គ្រួសារក្រីក្រមិនមានលទ្ធភាពគ្រប់គ្រាន់ ដើម្បីរកលុយព្យាបាលគាត់តទៅមុខទៀត គឺត្រូវចំណាយលុយច្រើន អុីចឹងមានតែខ្ញុំបាទ សូមធ្វើការអំពាវនាវទៅដល់សហពន្ធ័កីឡាប្រដាល់មេត្តាជួយដល់គាត់ផងដោយក្តីអាណិតអាសូរ ។ ជាពិសេសខ្ញុំបាទ សូមគោរពផ្ញើរូបភាពនេះ ទៅដល់លោកជំទាវទ្រី ដាណា សូមលោកមេត្តាជួយដល់គាត់ផងគ្រួសាររបស់គាត់ក្រីក្រណាស់មិនមានអ្វីហូបគ្រប់គ្រាន់ទេ ព្រោះតែជីវភាពទើបគាត់ជួបរឿងបែបនេះ សូមជំទាវជួយគាត់ដោយក្តីករុណាផង។ ភ្នំពេញ01/05/2020សូមអគុណ។0978674164»។
យ៉ាងណានោះ តាមរយៈកោះសន្តិភាពក៏សូមចែកចាយដំណឹងនេះផង បើមានសប្បុរសជនណាមានបំណងចង់ជួយឧបត្ថម្ភគាត់ ខណៈគាត់កំពុងសង្គ្រោះបន្ទាន់នៅមន្ទីរពេទ្យកាល់ម៉ែតនេះ។ ហើយកោះសន្តិភាពនឹងមានផ្សាយជូនបន្តទៀតពីស្ថានភាពអាការៈរបស់កីឡាករ អាន សុផល រូបនេះ តើគ្រោះថ្នាក់បានកើតឡើងយ៉ាងដូចម្តេច?
ចែករំលែកព័តមាននេះ