ខេត្តស្ទឹងត្រែង ៖ បើនិយាយអំពីទំពាំងជារុក្ខជាតិដែលគេសង្កេតឃើញច្រើនដុះក្នុងព្រៃ និងងាយអាចដាំដុះបានផងដែរ ។ ទំពាំងខ្ចីហើយស្រស់ គេយកទៅធ្វើជាបន្លែអន្លក់ និងយកទៅធ្វើម្ហូបដូចជា ស្ល ឆា…
ខេត្តស្ទឹងត្រែង ៖ បើនិយាយអំពីទំពាំងជារុក្ខជាតិដែលគេសង្កេតឃើញច្រើនដុះក្នុងព្រៃ និងងាយអាចដាំដុះបានផងដែរ ។ ទំពាំងខ្ចីហើយស្រស់ គេយកទៅធ្វើជាបន្លែអន្លក់ និងយកទៅធ្វើម្ហូបដូចជា ស្ល ឆា ស្ងោ ហើយអាចយកទៅធ្វើជាផ្អក ឬជ្រក់ដើម្បីទុកឱ្យបានយូរ ម្យ៉ាងទៀតគេអាចយកទៅហាលថ្ងៃធ្វើជាទំពាំងក្រៀមផងដែរ។
ដោយឡែកទំពាំងមួយប្រភេទទៀតឈ្មោះទំពាំងព្រិច ដើមរបស់វាតូចឆ្មារដុះត្រង់ទៅលើខ្លីៗ ធំផុតប៉ុនម្រាមដៃ ជាទំពាំងព្រៃធម្មជាតិ ។ ទំពាំងប្រភេទនេះវាដុះឡើងវិញបន្ទាប់ដើមឬស្សីចាស់ៗត្រូវភ្លើងឆេះហើយធ្លាក់ភ្លៀងកក់ខែ។
ទំពាំងព្រិចនេះគេប្រទះឃើញដុះតាមព្រៃព្រិច ព្រៃរបោះ ក្នុងខេត្តសម្បូរព្រៃឈើដូចជា ខេត្តស្ទឹងត្រែ
ង ខេត្តរតនគិរី ខេត្តមណ្ឌលគិរី ខេត្តក្រចេះ ខេត្តព្រះវិហារ និងឧត្តរមានជ័យជាដើម។
នៅដើមខែវស្សាភ្លាម ធ្វើឱ្យធនធានធម្មជាតិ ជីវៈចម្រុះលូតលាស់ស្រស់បំព្រង ចំណែកដើមទំពាំងព្រិច ដែលកំពុងតែបញ្ចេញបណ្ដូលខ្ចី ត្រូវបានអ្នកស្រុកដើរកាត់ដើម្បីយកមកធ្វើម្ហូបអាហារ ។
ទំពាំងព្រិចនេះមានឱជារសឆ្ងាញ់ អាចយកធ្វើជាម្ហូបមានដូចជា ធ្វើអន្លក់ (ទឹកគ្រឿង) ចុចប្រហុកជាមួយម្ជូរក្រសាំង ស្ងោរទំពាំង ឆា សម្លប្រហើរ សម្លខ្ទិះដូង ខជើងជ្រូក ធ្វើជ្រក់ទំពាំងព្រិច។ល។
ក្រៅពីយកមកធ្វើជាអាហាររបស់មនុស្ស ទំពាំងព្រិចក៏ជាចំណីសម្រាប់សត្វព្រៃដូចជាសត្វទន្សោង សត្វឈ្លូស ជ្រូកព្រៃ។ល។ដែលកំពុងរស់នៅក្នុងតំបន់ដែនជម្រកសត្វព្រៃធម្មជាតិផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ