ADផ្ទាំងផ្សព្វផ្សាយពាណិជ្ជកម្ម

ពេលអ្នកស្រុកដាំអត់មានមន្ត្រីណារារាំង ដល់បានផលលើកគ្នាបំផ្លាញចោល

3 ឆ្នាំ មុន

កំពង់ធំ
០៦ ខែ ឧសភា ឆ្នាំ ២០២០ ម៉ោង ១០:១០

ខេត្តកំពង់ធំ ៖ ប្រជាពលរដ្ឋជាច្រើនគ្រួសារផ្ទុះការតវ៉ាការកាត់ដីស្វាយចន្ទីររបស់ពួកគាត់ចូលក្នុងដីស្ថានីយផ្សព្វផ្សាយ និងស្តារព្រៃឈើឡើងវិញ ។ ប្រជាពលរដ្ឋប្រមាណ១០០គ្រួសារ ផ្ទុះកំហឹងនាំគ្នាតវ៉ាចំពោះការកាត់ដីស្វាយចន្ទីររបស់ពួកគាត់ដែលអាស្រ័យផលជារៀងរាល់ឆ្នាំ អស់រយៈកាលជាច្រើនឆ្នាំមកហើយនោះ ត្រូវបានខាងអធិការដ្ឋានរដ្ឋបាលព្រៃឈើខាងជើងបឹងទន្លេសាប និងអាជ្ញាធរពាក់ព័ន្ធដាក់ដីរបស់ពួកគាត់ចូលទៅក្នុងតំបន់ដីស្ថានីយផ្សព្វផ្សាយ…

ពាក់ព័ន្ធនឹងបញ្ហាខាងលើ មានប្រជាពលរដ្ឋជិត១០០គ្រួសារ ដែលរស់នៅអាស្រ័យផលលើដីដែលមានបញ្ហាខាងលើ បាននាំផ្ទុះការតវ៉ា ដោយមានកាន់រូបថតសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ដង្ហោយរកសម្តេចទាំងពីរ សូមមេត្តាជួយផ្តល់ដីដំណាំស្វាយចន្ទីរប្រមាណជិត៣០០ហិកតា ដែលពួកគាត់ធ្លាប់បានអាស្រ័យផលតាំងពីឆ្នាំ២០០៦ និងឆ្នាំ២០១១ កន្លងមក ដែលប្រជាពលរដ្ឋបានដាំស្រូវ ដំឡូង និងស្វាយចន្ទី រួមជាមួយដំណាំរួមផ្សំផ្សេងៗទៀត តែពេលនេះត្រូវបានខាងអធិការដ្ឋរដ្ឋបាលព្រៃឈើខាងជើងបឹងទន្លេសាប និងអាជ្ញាធរពាក់ព័ន្ធ បានរួមគ្នាកាត់យកដីរបស់ពួកគាត់ដែលធ្លាប់ និងកំពុងតែអាស្រ័យផល ដាក់ចូលទៅក្នុងតំបន់ដីស្ថានីយផ្សព្វផ្សាយ និងស្តាព្រៃឈើឡើងវិញ ដោយប្រើប្រាស់គ្រឿងចក្រកាយក្រវ៉ាត់ព្រំ និងបោះបង្គោល នៅតាមបណ្តាដីស្វាយចន្ទីរ ដែលអាស្រ័យផលរបស់ពួកគាត់ ។

ប្រជាពលរដ្ឋបន្តថា អ្វីដែលពួកគាត់ងឿងឆ្ងល់ថា ហេតុអ្វីរយៈកន្លងមកក្នុងអំឡុងពេលពួកគាត់បង្កបង្កើនផលនៅលើដីនោះ មិនដែលឃើញខាងមន្ត្រីជំនាញទៅហាមឃាត់ពួកគាត់នោះទេ ស្រាប់តែមកដល់ចុងឆ្នាំ២០១៨ រហូតដល់ឆ្នាំ២០២០នេះ ទើមកជូនដំណឹង និងកាប់បំផ្លាញដំណាំ ដែលជាកម្លាំងញើសឈាមរបស់ពួកគាត់ចោលយ៉ាងដូច្នេះ ពួកគាត់រស់នៅទីនោះយ៉ាងលំបាក គ្មានទាំងផ្លូវធ្វើដំណើរ លុះប្រជាពលរដ្ឋធ្វើបានផលហើយ បែជាមកអះអាងថាជាដីព្រៃរិចរឹសសម្រាប់ដាំស្តារព្រៃឈើឡើងវិញទៅវិញ ឬមួយក៏ដីមួយចំនួនដែល កំពុងកាយក្រវាត់យកធ្វើជាកម្មសិទ្ធិរបស់ខ្លួន? ។ ព័ត៌មានពិស្តារមានផ្សាយនៅលើកាសែតកោះសន្តិភាព ៕ (កែសម្រួលដោយ ៖ ធីតា)