គ្មាននរណាចង់ឱ្យសក់ខ្លួនឯងជ្រុះច្រើនមិនឈប់ឡើយ! ថាតើបញ្ហានេះបណ្ដាលមកពីអ្វីខ្លះទៅ? ថ្ងៃនេះវេបសាយសុខភាព យើងនឹងបង្ហាញឱ្យដឹងទម្លាប់មួយចំនួនដែលអាចបង្កបញ្ហាជ្រុះសក់ ៖
១. ស្ត្រេសពេក
ភាពស្ត្រេសរ៉ាំរ៉ៃក៏ជះឥទ្ធិពលដល់សុខភាពសក់បណ្ដាលឱ្យជ្រុះច្រើនមិនឈប់ផងដែរ។ ដូច្នេះដើម្បីជាការប្រសើរចូរព្យាយាមបន្ថយកម្រិតនៃភាពតានតឹងក្នុងអារម្មណ៍របស់អ្នក។
២. ការងូតទឹកក្ដៅ
ការងូតទឹកក្ដៅមិនល្អសម្រាប់សក់ឡើយដោយវាអាចធ្វើឱ្យស្បែកក្បាលស្ងួត ហើយសក់ប្រាកដជាងាយនឹងជ្រុះជាមិនខាន។ សក់ក៏អាចប្រែជាស្ងួត ហើយបែកចុងដោយងាយព្រោះទឹកក្ដៅផងដែរ។ ដូច្នេះកុំងូតទឹកក្ដៅពេក!
៣. ការលេងម៉ូដសក់ដោយប្រើម៉ាស៊ីន
ការប្រើប្រាស់ម៉ាស៊ីនផ្លុំសក់ កៀបសក់ និងមួលរួញអាចបណ្ដាលឱ្យសក់ទទួលរងការខូចខាតបានយ៉ាងងាយ។ ដូច្នេះប្រសិនបើមិនចង់ឱ្យសក់ជ្រុះច្រើន ហើយបែកចុងទេនោះ កុំលេងស្ទាយសក់ដោយប្រើប្រាស់ម៉ាស៊ីនកម្ដៅញឹកញាប់ពេក។
៤. រំលងម៉ោងអាហារ
រំលងម៉ោងអាហារ ឬមិនទទួលទានអាហារព្រោះចង់បានរាងស្លីមស្គមស្អាតឬ0x017d7 ធ្លាប់ដឹងទេថាមិនត្រឹមតែរាងកាយរបស់អ្នកប៉ុណ្ណោះទេដែលស្គម ប៉ុន្តែសក់ក៏ប្រែជាស្ដើងដូចគ្នាដែរ! នោះក៏ព្រោះឬសនៃសក់មិនទទួលបានសារធាតុចិញ្ចឹមគ្រប់គ្រាន់ដើម្បីរក្សាបាននូវសុខភាពល្អរឹងមាំ និងដំណើរការមុខងារបានត្រឹមត្រូវ។ ដូច្នេះជំនួសឱ្យការរំលងមិនទទួលទានអាហារច្រើនព្រោះចង់ស្លីម ចូរជ្រើសរើសរបបអាហារមានសុខភាពល្អសម្បូរទៅដោយសារធាតុចិញ្ចឹមគ្រប់គ្រាន់ដែលសក់និងស្បែកក្បាលត្រូវការ។
៥. ការប្រើប្រាស់ផលិតផលថែរក្សាសក់មានផ្ទុកសារធាតុគីមី
ការប្រើប្រាស់ផលិតផលសម្បូរទៅដោយសារធាតុគីមីមិនត្រឹមតែប៉ះពាល់ដល់ស្បែកក្បាល និងសក់ប៉ុណ្ណោះទេ ប៉ុន្តែក៏ចំពោះសុខភាពផងដែរ! ដូច្នេះដើម្បីជាការប្រសើរ ចូរប្រើប្រាស់ ឬទិញនូវផលិតផលថែរក្សាសក់ប្រភេទណាដែលផ្សំឡើងពីរូបមន្ត និងគ្រឿងផ្សំបែបធម្មជាតិ។
៦. ចងសក់តឹងពេក
ការចងសក់ឡើង ឬបួងសក់តឹងៗពេកយូរទៅក៏អាចបណ្ដាលឱ្យខូចឬសនៃសក់ហើយងាយនឹងជ្រុះ។ ដូច្នេះដើម្បីជាការប្រសើរចូរផ្លាស់ប្ដូរទម្លាប់នេះចេញផង៕
ចែករំលែកព័តមាននេះ