រាជធានីភ្នំពេញ ៖ ស្ថិតក្នុងកាលៈទេសៈនៃការរីករាលដាលនៃជំងឺកូវីដ ១៩ ការនាំចូលជ្រូក រស់មកពីប្រទេសជិតខាងមកផ្គត់ផ្គង់ក្នុងស្រុកត្រូវបានកាត់បន្ថយប្រមាណ៧០% ហើយ កម្ពុជាបានអនុញ្ញាតឱ្យមានការនាំចូល ៦ពាន់ក្បាលក្នុងមួយថ្ងៃសម្រាប់បំពេញតម្រូវការ ខណៈបច្ចុប្បន្នកម្ពុជាមានលទ្ធភាពផ្គត់ផ្គង់សាច់ជ្រូកក្នុងស្រុកបានជាង ៨០% ។
លោក តាន់ ប៉ាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយក នៃ អគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម រុក្ខាប្រមាញ់ និង នេសា ទ បានឱ្យដឹងកាលពីថ្ងៃ ៤ខែឧសភា ឆ្នាំ ២០២០នេះថា មកដល់រាល់ថ្ងៃនេះការនាំចូលជ្រូក រស់មកពីប្រទេសជិតខាងយើងបានកាត់បន្ថយនាំចូលប្រមាណ ៧០% ហើយអនុញ្ញាតឱ្យ មាននាំចូលប្រមាណ ៦ពាន់ក្បាលក្នុងមួយថ្ងៃ ហើយប្រៀបធៀបមុនពេលកម្ពុជាមិនទាន់ មានជំងឺកូវីដ ១៩ គឺមានចំនួនច្រើន តែជាក់ស្តែងមានតែ ២ពាន់ ឬ ៣ពាន់ក្បាល ។
បើតាមអគ្គនាយកដ្ឋានសុខភាពសត្វ និងផលិតកម្មសត្វ ឱ្យដឹងថា «នៅពេលកន្លង មកការនាំចូលជ្រូករស់កម្ពុជាអនុញ្ញាតឱ្យនាំចូលជ្រូករស់តែមកពីប្រទេសថៃ ហើយបើតាម ស្ថិតិបច្ចុប្បន្នកម្ពុជាមានកសិដ្ឋានចិញ្ចឹមជ្រូកប្រមាណ ៥៣០កន្លែង និងមានសត្វជ្រូកប្រមា ណ ៣លានក្បាលអាចផ្គត់ផ្គង់តម្រូវការក្នុងស្រុកបានប្រមាណ ៨២%» ។
ពាក់ព័ន្ធនឹងការនាំចូលជ្រូករស់ពីប្រទេសជិតខាងដើម្បីផ្គត់ផ្គង់ក្នុងស្រុកថ្មីៗមានការលើកឡើង ឬផ្សព្វផ្សាយថា ក្រសួងកសិកម្ម រុក្ខាប្រមាញ់ និងនេសាទ បានផ្តល់សិទ្ធិផ្តាច់ មុខដល់ក្រុមហ៊ុនមួយធ្វើការនាំចូលជ្រូករស់ពីប្រទេសថៃ តែការលើកឡើងនេះត្រូវបាន ក្រសួងឆ្លើយតបថា ជាការផ្សព្វផ្សាយព័ត៌មានខុសពីការពិត ។
បើយោងតាមក្រសួងកសិកម្ម រុក្ខាប្រមាញ់ និងនេសាទ ផ្សព្វផ្សាយនៅតាមបណ្តាញ ទំនាក់ទំនងសង្គមរបស់ខ្លួនថ្មីៗនេះថា ក្រសួងកសិកម្ម រុក្ខាប្រមាញ់ និងនេសាទ បាន ពិនិត្យឃើញថា មានសារព័ត៌មានមួយចំនួនបានលើកឡើងថា បច្ចុប្បន្ននេះសមាគមផ្គត់ ផ្គង់ជ្រូកកម្ពុជាបានធ្វើការរាយការណ៍ និងផ្សព្វផ្សាយព័ត៌មានបំផ្លើសខុសពីការពិត ដោយ បានចោទប្រកាន់មកលើក្រសួងថា បានផ្តល់សិទ្ធិផ្តាច់មុខដល់ក្រុមហ៊ុន មួយធ្វើការនាំចូល ជ្រូករស់ពីប្រទេសថៃ មកផ្គត់ផ្គង់នៅទីផ្សារព្រះរាជាណាចក្រកម្ពុជា ។
ក្រសួងគូសបញ្ជាក់ថាករណីនេះក្រសួងសូមធ្វើការបញ្ជាក់ជូនសមាគមផ្គត់ផ្គង់ជ្រូកកម្ពុជា ក៏ដូចជាសារព័ត៌មាន និងសាធារណៈជន៖ ១- យោងតាមអនុសាសន៍ណែនាំរបស់សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កន្លងទៅ ថ្មីៗនេះបានណែនាំដល់ក្រសួងកសិកម្ម រុក្ខាប្រមាញ់ និងនេសាទត្រូវពិនិត្យលទ្ធភាពកាត់ បន្ថយការនាំចូលជាពិសេសបន្លែ និងសាច់សត្វពីប្រទេសជិតខាងជំនួសវិញដោយការ ពង្រឹង និងពង្រីកការដាំដុះ និងចិញ្ចឹមសត្វក្នុងស្រុក ។ បន្ទាប់ពីទទួលបានអនុសាសន៍ណែ នាំដ៏ខ្ពង់ខ្ពស់របស់សម្តេចតេជោ នាយករដ្ឋមន្ត្រី ក្រសួងបានធ្វើបច្ចុប្បន្នភាពនៃតម្រូវការ ក្នុងស្រុក ធៀបនឹងផលិតភាពក្នុងស្រុក និងបរិមាណនៃការនាំចូល ហើយបានសម្រេចកាត់ បន្ថយបរិមាណនៃការនាំចូលជ្រូករស់សរុប ៧០% ពីគ្រប់ក្រុមហ៊ុនដែលទទួលបានការ អនុញ្ញាតនាំចូលទាំងអស់ស្មើៗគ្នា ព្រមទាំងបានពង្រឹងការអនុវត្តច្បាប់ សំដៅទប់ស្កាត់ ចលនាសត្វខុសច្បាប់ ។
២- ដើម្បីចៀសវាងការដឹកជញ្ជូនជ្រូករស់បែបអនាធិបតេយ្យ ព្រមទាំងការបង្ការហា និភ័យនៃការឆ្លងជំងឺពីសត្វទៅសត្វ និងពីសត្វទៅមនុស្ស ពិសេសក្នុងគោលបំណងយ៉ាង មុតមាំក្នុងការថែរក្សាសុខភាពសាធារណៈ និងគ្រប់គ្រងការនាំចូលជ្រូករស់ពីប្រទេសជិត មកផ្គត់ផ្គង់ក្នុងស្រុក ក្រសួងបានធ្វើការណែនាំជាបន្តបន្ទាប់ដល់ក្រុមហ៊ុន ដែលទទួលបាន សិទ្ធិនាំចូលជ្រូករស់ទាំងអស់ ដោយមិនអនុញ្ញាតឱ្យលក់គោលការណ៍បន្តទៅក្រុមហ៊ុន ផ្សេងឡើយ ។ ចំពោះករណីនេះក្រសួងនឹងពិនិត្យ និងចាត់វិធានការតាមនីតិវិធី ។
៣- បច្ចុប្បន្នក្រុមហ៊ុនដែលទទួលបានការអនុញ្ញាតឱ្យនាំចូលជ្រូករស់មានចំនួន ៧ ក្រុមហ៊ុនហើយក្រសួងក៏ពុំទាន់បានលុបគោលការណ៍ក្រុមហ៊ុនចាស់ៗណាមួយនៅឡើយទេ ។ ដោយឡែកចំពោះករណីដែលក្រសួងបានផ្អាកការនាំចូលជ្រូករស់ជាបណ្តោះ អាសន្នរបស់ក្រុមហ៊ុនពីរ ដោយសារក្រុមហ៊ុនទាំងពីរនោះបានប្រព្រឹត្តបទល្មើសម្តងហើយ ម្តងទៀតមិនព្រមរាងចាល ទោះជាសមត្ថកិច្ចជំនាញបានធ្វើការផាកពិន័យ និងធ្វើកិច្ច សន្យាយ៉ាងណាក៏ដោយ ។
ក្រសួងបញ្ជាក់ថា «បន្ទាប់ពីដាក់ចេញនូវវិធានការជាបន្តបន្ទាប់ ក្រសួងបានកត់ សម្គាល់ឃើញថា ចលនាជ្រូករស់ក្នុងពេលបច្ចុប្បន្ន គឺមានស្ថានភាពល្អប្រសើរជាងពេល កន្លងមក ទាំងបរិមានតម្រូវការ និងការផ្គត់ផ្គង់ដែលទាំងអស់នេះបាន ធ្វើឱ្យមានស្ថិរភាព តម្លៃទីផ្សារជ្រូករស់ ហើយអ្នកចិញ្ចឹមសត្វក្នុងស្រុកទាំងលក្ខណៈគ្រួសារ និងពាណិជ្ជកម្ម មានការសាទរយ៉ាងខ្លាំង» ៕
ចែករំលែកព័តមាននេះ