ការពិនិត្យរបស់សមត្ថកិច្ចពុំរកឃើញទំនិញខូចគុណភាពនោះទេ
- ភ្នំពេញ
រាជធានីភ្នំពេញ ៖ បន្ទាប់ពីសមត្ថកិច្ចត្រួតពិនិត្យឃ្លាំង ស្តុកទំនិញគ្រឿងឧបភោគ បរិភោគ និងភេសជ្ជៈ ដែលជាផលិតផលប្រទេសកូរ៉េ នោះ តំណាងក្រុមហ៊ុន CAMKO…
រាជធានីភ្នំពេញ ៖ បន្ទាប់ពីសមត្ថកិច្ចត្រួតពិនិត្យឃ្លាំង ស្តុកទំនិញគ្រឿងឧបភោគ បរិភោគ និងភេសជ្ជៈ ដែលជាផលិតផលប្រទេសកូរ៉េ នោះ តំណាងក្រុមហ៊ុន CAMKO…
រាជធានីភ្នំពេញ ៖ បន្ទាប់ពីសមត្ថកិច្ចត្រួតពិនិត្យឃ្លាំង ស្តុកទំនិញគ្រឿងឧបភោគ បរិភោគ និងភេសជ្ជៈ ដែលជាផលិតផលប្រទេសកូរ៉េ នោះ តំណាងក្រុមហ៊ុន CAMKO BROTHERS CO, LTD ( CBC) ដែលជាម្ចាស់ ឃ្លាំងបានធ្វើការបំភ្លឺថា នៅក្នុងការត្រួតពិនិត្យរបស់សមត្ថកិច្ចរកពុំឃើញមានទំនិញខូចគុណភាព និងក្លែងបន្លំនោះទេ គិតត្រឹមរសៀលថ្ងៃទី០៥ ខែឧសភា ឆ្នាំ២០២០នេះ ។
តំណាងក្រុមហ៊ុន CBC បានអោយដឹងថា កាលពីព្រឹកថ្ងៃទី៣០ ខែ មេសា ឆ្នាំ ២០២០សមត្ថកិច្ចគណៈកម្មាធិការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម នៃក្រសួងមហាផ្ទៃ បានចុះមកត្រួតពិនិត្យ ឃ្លាំងលេខ១៦៨B ផ្លូវលេខ ១០១៣ ស្ថិតក្នុងភូមិឧកញ៉ា វ៉ាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
អ្នកតំណាងក្រុមហ៊ុនបន្តថា នៅក្នុងការត្រួតពិនិត្យនោះ សមត្ថកិច្ចបានដកហូតផលិតផលមួយចំនួន យកទៅធ្វើតេស្តរកគុណភាពផលិតផល ទៅតាមស្តង់ដាតែប៉ុណ្ណោះ។ នៅក្នុងការត្រួតពិនិត្យនោះ ក្រុមហ៊ុនក៏បានសហការជាមួយសមត្ថកិច្ចផងដែរ។
តំណាងក្រុមហ៊ុន ក៏បានបញ្ជាក់ថា ទំនិញដែលនាំចូលមកពីប្រទេសកូរ៉េ ដែលចែកចាយ នៅតាមផ្សារ និងម៉ាតនានា គឺជាទំនិញនាំចូលត្រឹមត្រូវ មិនមានខូចគុណភាពហួសសុពលភាពនោះទេ ។ ទំនិញរបស់ក្រុមហ៊ុន C B C ជាផលិតផល ដែលមានស្តង់ដា ISO និង HACCP សូមបងប្អូន អតិថិជនទាំងអស់ កុំមានការយល់ច្រឡំ៕
ចែករំលែកព័តមាននេះ