រាជធានីភ្នំពេញ ៖ បើទោះបីជាវិស័យជាច្រើន បានរងផលប៉ះពាល់ក្នុងរដូវកាលកូវីដ ១៩ នេះ ក្ដីក៏ប៉ុន្តែសម្រាប់វិស័យសំណង់នៅតែមានដំណើរការ និងមានសកម្មភាពសាងសង់ ដដែល គ្រាន់តែមិនកក្រើកដូចមុន…
រាជធានីភ្នំពេញ ៖ បើទោះបីជាវិស័យជាច្រើន បានរងផលប៉ះពាល់ក្នុងរដូវកាលកូវីដ ១៩ នេះ ក្ដីក៏ប៉ុន្តែសម្រាប់វិស័យសំណង់នៅតែមានដំណើរការ និងមានសកម្មភាពសាងសង់ ដដែល គ្រាន់តែមិនកក្រើកដូចមុន ជាក់ស្ដែងមានភស្តុតាងមួយចំនួនដែលបញ្ជាក់ថា វិស័យនេះនៅតែមានសញ្ញាវិជ្ជាមាន តាមរយៈការផ្គត់ផ្គង់សំណង់នៅតែទទួលបានកំណើន ហើយក្រុមហ៊ុនសាងសង់នៅតែបន្តអភិវឌ្ឍន៍ ។
បើតាមរបាយការណ៍របស់ក្រុមហ៊ុនផ្គត់ផ្គង់សម្ភារសំណង់ដ៏ធំនៅអាស៊ីអាគ្នេយ៍នេះបានឱ្យដឹងថា ក្នុងរយៈពេល ១ត្រីមាសដើមឆ្នាំ ២០២០នេះ ចំណូលដែលបានមកពីការ លក់របស់ខ្លួននៅក្នុងទីផ្សារប្រទេសកម្ពុជា នៅតែមានកំណើនខ្ពស់ជាក់ស្ដែងក្រុមហ៊ុន មួយនេះទទួលចំណូលបានប្រមាណ ៦៧លានដុល្លារអាមេរិកកើនឡើងប្រមាណ ៧ភាគ រយ បើធៀបនឹងរយៈពេលដូចគ្នាកាលពីឆ្នាំ ២០១៩កន្លងទៅ ។ ចំណូលពីការលក់នេះ គឺ បូកបញ្ចូលទាំងការលក់ពីអាជីវកម្មផលិតស៊ីម៉ងត៍ផង និងពីអាជីវកម្មលក់គ្រឿងសំណង់ ផងដែរ ។
បើតាមប្រធាន និងជាអគ្គនាយកប្រតិបត្តិក្រុមហ៊ុនអេស៊ីជី លោក Roongrote Rangsiyopash បានឱ្យដឹងថា ចំណូលពីការលក់របស់ខ្លួនទាំងមូល គឺមានការធ្លាក់ចុះ ប្រមាណ ៦ភាគរយក្នុងត្រីមាសទី ១នៃឆ្នាំ ២០២០នេះក៏ប៉ុន្តែ សម្រាប់ចំណូលពីការលក់ របស់ក្រុមហ៊ុនសំណង់នេះ ប្រចាំកម្ពុជាបែរជាទទួលបានកំណើនប្រមាណ ៧ភាគរយ ។ លោកបន្តថា នៅក្នុងបរិយាកាសដ៏រំជើបរំជួលនេះ សេដ្ឋកិច្ចពិភពលោកកំពុងរងនូវប៉ះពាល់ ពីការឆ្លងរាលដាលនៃវីរុសកូវីដ ១៩ ។
អេសស៊ីជី ក៏ស្ថិតក្នុងចំណោមក្រុមហ៊ុនទាំងឡាយដែរ ដែលបានផ្ដោតកិច្ចខិតខំ ប្រឹងប្រែងរបស់ខ្លួនទៅលើការរក្សាលំនឹងលទ្ធផលប្រតិបត្តិការក្នុងត្រីមាសទី ១ ឆ្នាំ ២០២០ ឲ្យសម្រេចបានប្រហាក់ប្រហែលគ្នានឹងត្រីមាសមុននេះដែរ បើទោះបីជាផលប៉ះពាល់នៃ វីរុសកូវីដ ១៩ មកលើអាជីវកម្មនានាបានកើតឡើងនៅក្នុងខែមីនាក្ដី ។ ទន្ទឹមនឹងនេះ អេសស៊ីជី ក៏ផ្តោតលើការជួយសង្គម ដៃគូ បុគ្គលិក និងក្រុមហ៊ុននានា ដើម្បីឆ្លងកាត់ពេល វេលាលំបាកនេះ ។
ដោយឡែកម្ចាស់ក្រុមហ៊ុនម៉ៅការសំណង់អគារខ្ពស់មួយនៅរាជធានីភ្នំពេញលោក Jia Rou Hua ក៏បាននិយាយផងដែរថា បច្ចុប្បន្ននេះ បើទោះបីជាកម្ពុជាជួបប្រទះនឹងជំងឺ កូវីដ ១៩ ក្ដី តែការសាងសង់គម្រោងអគារដែលខ្លួនបានម៉ៅការនោះ គឺនៅតែបន្តសកម្មភា ពដដែល ដោយបន្តធ្វើទាំងថ្ងៃទាំងយប់ ដើម្បីបញ្ចប់គម្រោងទៅតាមការគ្រោងទុករបស់ ម្ចាស់អគារ ។
លោក ច្រឹក សុខនីម ប្រធានសមាគម អ្នកវាយតម្លៃ និងភ្នាក់ងារអចលនវត្ថុកម្ពុជា បានឱ្យ ដឹងផងដែរថា នៅក្នុងរដូវកាលកូវីដ ១៩ នេះ ផលប៉ះពាល់ទៅលើអចលនទ្រព្យ ចៀសមិនផុតទេ គឺប្រាកដជាមាន ក៏ប៉ុន្តែសម្រាប់វិស័យសំណង់វិញ គឺមានគម្រោងខ្លះបន្ត គម្រោងខ្លះទៀតស្នើសុំផ្អាក ដោយសារតែអត់កម្លាំងពលកម្ម ។លោកបន្តថាគម្រោងដែលមានកំលាំងពលកម្មគ្រប់គ្រាន់គេនៅតែបន្តសាងសង់ ហើយយកកម្មករដដែលៗ មកធ្វើការដោយមិនទទួលយកកម្មករថ្មីៗមកនោះទេ ព្រោះគេ ក៏ខ្លាចឆ្លងកូវីដ ១៩ ដែរ ដូច្នេះគេសុខចិត្តសង់យឺត តែគេមិនឱ្យកម្មករចាស់ៗរបស់គេ ប្រឈមនឹងការឆ្លងជំងឺនេះទេ ។
បើតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានឱ្យ ដឹងផងដែរថា ទោះបីជាកម្ពុជាជួបនឹងជំងឺកូវីដ ១៩ តែការស្នើសុំវិនិយោគលើគម្រោងក្នុង វិស័យ សំណង់ នៅតែមានដដែល មិនខុសពីឆ្នាំមុនៗនោះទេ ៕
ចែករំលែកព័តមាននេះ