ប្រទេសអេស្ប៉ាញ ៖ អ្នករៀបចំការប្រកួតក្នុងក្របខ័ណ្ឌ La Liga មានគោលបំណងក្នុងការចាប់ផ្តើមលីគរដូវកាលនេះឡើងវិញនៅខែ មិថុនា ដើម្បីធ្វើការបញ្ចប់ការប្រកួតរដូវកាល ដែលបានរងផលប៉ះពាល់ដោយសារវិបត្តិនៃវីរុសកូវីដ-១៩ ខណៈដែលរដ្ឋាភិបាលបានអនុញ្ញាតឲ្យក្លិបវិលត្រឡប់ចូលជំរំហ្វឹកហាត់វិញ…
ប្រទេសអេស្ប៉ាញ ៖ អ្នករៀបចំការប្រកួតក្នុងក្របខ័ណ្ឌ La Liga មានគោលបំណងក្នុងការចាប់ផ្តើមលីគរដូវកាលនេះឡើងវិញនៅខែ មិថុនា ដើម្បីធ្វើការបញ្ចប់ការប្រកួតរដូវកាល ដែលបានរងផលប៉ះពាល់ដោយសារវិបត្តិនៃវីរុសកូវីដ-១៩ ខណៈដែលរដ្ឋាភិបាលបានអនុញ្ញាតឲ្យក្លិបវិលត្រឡប់ចូលជំរំហ្វឹកហាត់វិញ នៅសប្តាហ៍នេះ។
កីឡាករមកពីលីគកំពូលទាំង ២ (La Liga និង Segunda División) នឹងត្រូវបានអនុញ្ញាតឲ្យធ្វើការហ្វឹកហាត់រៀងៗខ្លួនម្នាក់ឯង (Individual) បន្ទាប់ពីមានកិច្ចព្រមព្រៀងជាមួយអាជ្ញាធរកីឡា និងសុខភាពរបស់អេស្ប៉ាញ ដែលធានាសុវត្ថិភាពដល់កីឡាករ និងបុគ្គលិក។ កីឡាករទាំងអស់ នឹងត្រូវតែឆ្លងកាត់ការធ្វើតេស្តមុនពេលពួកគេអាចចូលទៅកន្លែងហ្វឹកហាត់វិញ ។
សូមរំលឹកជូនថា បាល់ទាត់នៅក្នុងប្រទេសអេស្ប៉ាញ ត្រូវបានផ្អាកទាំងស្រុងដោយគ្មានកំណត់កាលពីខែ មីនា ដូចប្រទេសនៅទ្វីបអឺរ៉ុបដទៃទៀតដែរ ដោយសារតែការផ្ទុះឡើងនៃវីរុសកូវីដ-១៩ ដែលបច្ចុប្បន្នបើយោងតាមទិន្នន័យពី Worldometers បានបង្ហាញថា ករណីឆ្លងវីរុសនេះកើនឡើងជាង ៣,៦៤៥,០០០ ករណីនិងមានមនុស្សស្លាប់សរុបចំនួន ២៥២,៣៩០ នាក់ទូទាំងពិភពលោក ។
សេចក្តីថ្លែងការណ៍មួយរបស់ក្របខ័ណ្ឌ La Liga បានឲ្យដឹងថា «វិធានការណ៍ទាំងនេះ នឹងគ្របដណ្តប់លើរយៈពេលប្រមាណ ៤ សប្តាហ៍ដោយចែកជាដំណាក់កាលខុសៗគ្នា ។ រួមជាមួយនឹងការធ្វើតេស្តវេជ្ជសាស្ត្រ ដែលនឹងធ្វើឡើងដោយក្លិបទាំងអស់ មុនពេលការត្រឡប់ទៅរកការហ្វឹកហាត់ ដោយត្រូវបានអនុវត្តលើការហ្វឹកហាត់លក្ខណៈតែម្នាក់ឯង និងជាក្រុមតូចៗ មុនពេលត្រឡប់ទៅរកការប្រកួតលីគឡើងវិញ ដែលតាមការគ្រោងនឹងធ្វើឡើងនៅខែ មិថុនា» ៕
ចែករំលែកព័តមាននេះ