ព្រឹទ្ធាចារ្យឯកទេសរនាតឯក ព្រឿង ព្រួន ទទួលមរណៈហើយ
- ភ្នំពេញ
រាជធានីភ្នំពេញ ៖ លោកព្រឹទ្ធាចារ្យ ព្រឿង ព្រួន បានទទួលមរណភាពហើយកាលពីថ្ងៃទី០៤ ខែឧសភា ឆ្នាំ២០២០ វេលាម៉ោង៩យប់ ដោយសារជំងឺគាំងបេះដូងក្នុងជន្មាយុ៧៣ឆ្នាំ។…
រាជធានីភ្នំពេញ ៖ លោកព្រឹទ្ធាចារ្យ ព្រឿង ព្រួន បានទទួលមរណភាពហើយកាលពីថ្ងៃទី០៤ ខែឧសភា ឆ្នាំ២០២០ វេលាម៉ោង៩យប់ ដោយសារជំងឺគាំងបេះដូងក្នុងជន្មាយុ៧៣ឆ្នាំ។…
រាជធានីភ្នំពេញ ៖ លោកព្រឹទ្ធាចារ្យ ព្រឿង ព្រួន បានទទួលមរណភាពហើយកាលពីថ្ងៃទី០៤ ខែឧសភា ឆ្នាំ២០២០ វេលាម៉ោង៩យប់ ដោយសារជំងឺគាំងបេះដូងក្នុងជន្មាយុ៧៣ឆ្នាំ។ សពរបស់លោក ព្រឹទ្ធចារ្យ ត្រូវបានក្រុមគ្រួសារតម្កល់ធ្វើបុណ្យគេហដ្ឋាន ស្ថិតនៅភូមិឃ្លាំងមឿងត្បូង ឃុំព្រែកអំពិល ស្រុកខ្សាច់កណ្ដាល ខេត្តកណ្ដាល។
ដំណឹងនៃការមរណភាពរបស់លោកព្រឹទ្ធាចារ្យ ព្រឿង ព្រួន នាពេលនេះត្រូវបានគេផ្សព្វផ្សាយ និងចែកចាយពេញបណ្តាញសង្គមហ្វេសប៊ុក ជាមួយនឹងក្តីអាឡោះអាល័យ និងភាពសោកស្តាយជាទីបំផុត ត្បិតលោកគឺជាធនធានសិល្បៈផ្នែកបុរាណដ៏ល្អមួយរូប។
ក្នុងភាពជរាពាធ ជាមួយនឹងការញាំញីដោយសារជំងឺលោកត្រូវបានក្រុមគ្រួសារបញ្ជូនទៅមន្ទីរពេទ្យសង្គ្រោះបន្ទាន់ភ្លាមៗ បន្ទាប់ពីជំងឺរបស់លោកបានធ្វើទុកខ្លាំង ប៉ុន្តែស្ថិតនៅក្នុងដំណាក់កាលធ្ងន់ធ្ងរ ហើយក្រុមគ្រូពេទ្យមិនអាចសង្គ្រោះអាយុជីវិតរូបលោកបានឡើយ។
ជាការកត់សម្គាល់ជាមួយដំណឹងមរណភាពលោកព្រឹទ្ធាចារ្យ ព្រឿង ព្រួន មានកូនសិស្សរបស់លោកជាច្រើនបានបង្ហោះសារសម្តែងការសោកស្តាយ ជាពិសេសផេកវប្បធម៌ខ្មែរក៏បានបង្ហោះសារសម្តែងការសោកស្តាយចំពោះមរណភាពរបស់លោកគ្រូព្រឹទ្ធាចារ្យនេះផងដែរ។
ពួកគេទាំងអស់បានចាត់ទុកការបាត់បង់លោកព្រឹទ្ធាចារ្យ ព្រឿង ព្រួន នាពេលនេះគឺជាការបាត់បង់នូវធនធានមនុស្សក្នុងផ្នែកសិល្បៈបុរាណមួយយ៉ាងសំខាន់ ហើយវាការបាត់បង់ឪពុកដ៏ល្អ បិតាប្រកបដោយព្រហ្មវិហារធម៌ ជីតាដ៏មេត្តា និងលោកគ្រូដ៏ល្អ លោកគ្រូដ៏មានទេពកុសល្យប្រចាំប្រទេសមួយរូបផងដែរ។
គួររំលឹកថា លោកព្រឹទ្ធាចារ្យ ព្រឿង ព្រួន បានចាប់កំណើតនៅឆ្នាំ១៩៦៧ មានភាពល្បីឈ្មោះតាំងពីសម័យសង្គមរាស្ត្រនិយម ខណៈពេលដែលលោកមានស្នាដៃជាច្រើនលើផ្នែកសិល្បៈតន្ត្រីបុរាណទាំងផ្នែកជាតិ និងអន្តរជាតិ រហូតទទួលបានគោរម្យងារ ម៉ឺនសំនៀងថ្នាក់លេខ២ ឯកទេសរនាតឯក ។ ប្រិយមិត្តដែលនិយមទស្សនាកម្មវិធីតន្ត្រីស្រុកស្រែរបស់ស្ថានីយទូរទស្សន៍បាយ័ន និងកម្មវិធីសោភណ្ឌតន្ត្រីរបស់ទូរទស្សន៍ CTN ពិតអាចស្គាល់ព្រឹទ្ធាចារ្យ ព្រឿង ព្រួន ដែលប្រគំក្នុងវង់តន្ត្រីបុរាណកាន់ឧបករណ៍រនាត៕ (កែសម្រួលដោយ ៖ បុប្ផា)
ចែករំលែកព័តមាននេះ