ប្រកាសតែងតាំងប្រធានមន្ទីសុខាភិបាលខេត្តបន្ទាយមានជ័យថ្មី
- បន្ទាយមានជ័យ
ខេត្តបន្ទាយមានជ័យ ៖ នាថ្ងៃទី៥ ខែឧសភា ឆ្នាំ២០២០ លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល តំណាងដ៏ខ្ពង់ខ្ពស់របស់លោកសាស្ត្រាចារ្យ…
ខេត្តបន្ទាយមានជ័យ ៖ នាថ្ងៃទី៥ ខែឧសភា ឆ្នាំ២០២០ លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល តំណាងដ៏ខ្ពង់ខ្ពស់របស់លោកសាស្ត្រាចារ្យ…
ខេត្តបន្ទាយមានជ័យ ៖ នាថ្ងៃទី៥ ខែឧសភា ឆ្នាំ២០២០ លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល តំណាងដ៏ខ្ពង់ខ្ពស់របស់លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអញ្ជេីញជាអធិបតីភាពក្នុងពិធីប្រកាសចូលកាន់មុខតំណែងប្រធានមន្ទីសុខាភិបាលខេត្តបន្ទាយមានជ័យថ្មី ដោយតែងតាំងលោកវេជ្ជបណ្ឌិត ឡេ ច័ន្ទសង្វាត អនុប្រធានមន្ទីសុខាភិបាល ជាប្រធានមន្ទីសុខាភិបាលខេត្តបន្ទាយមានជ័យ ជំនួសលោកវេជ្ជបណ្ឌិត កែវ សុភ័ក្ត្រា ដែលត្រូវចូលនិវត្តន៍។ ពិធីនេះក៏មានការអញ្ជើញចូលរួមពីសំណាងលោក លោកជំទាវ សមាជិកព្រឹទ្ធសភា និងរដ្ឋសភា ប្រធានក្រុមប្រឹក្សាខេត្ត អភិបាលខេត្ត មន្ត្រី បុគ្គលិកសុខាភិបាលជុំវិញខេត្តបានចូលរួមផងដែរ ។
ថ្លែងនាឱកាសនោះដែរ លោក អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍កោតសសើរចំពោះមន្ត្រីសុខាភិបាលខេត្តបន្ទាយមានជ័យ បានខិតខំយកចិត្តទុកដាក់ធ្វើការងារបម្រើប្រជាពលរដ្ឋនៅពេលកូវីដ១៩កំពុងរាតត្បាតនៅក្នុងប្រទេស ខិតខំពិនិត្យនិងពន្យាបាលដោយយកចិត្តទុកដាក់ដោយមិនខ្លាចនឿយហត់ឡើយ។ ម្យ៉ាងវិញទៀត ក្រុមការងាររបស់បុគ្គលិកសុខាភិបាលជួរមុខបានខិតខំយ៉ាងយកចិត្តទុកដាក់ខ្លាំក្នុងការចាំទទួលពិនិត្យសុខភាពជូនបងប្អូនពលករដែលទើបត្រឡប់មកពីប្រទេសថៃកាលពីពេលកន្លងទៅ ក៏ដូចជាបច្ចុប្បន្ន ។
លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាលបានមានប្រសាសន៍ថា ៖ ក្រោយពេលប្រកាសតែងតាំងប្រធានមន្ទីសុខាភិបាលខេត្តបន្ទាយមានជ័យថ្មី ដោយប្រធានមន្ទីចាស់ត្រូវបានចូលនិវត្តន៍ ក្រោយពេលទទួលភារកិច្ចថ្មី ត្រូវសហការគ្នាល្អជាមន្ត្រីស្ថាប័នពាក់ព័ន្ធ និងមន្ត្រីក្រោមឱវាទឲ្យបានល្អ។ជាមួយគ្នានោះលោកសាស្ត្រាចារ្យ ក៏បានជម្រុញដល់មន្ត្រីសុខាភិបាល ត្រូវខិតខំយកចិត្តទុកស្របពេលបណ្តាប្រទេសទូទាំងពិភពលោកបាននិងកំពុងរាតត្បាតដោយជំងឺកូវីដ១៩ ដែលរាជរដ្ឋាភិបាលកម្ពុជា ក្រោមការដឹកនាំដោយសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានកំពុងយកចិត្តទុកដាក់យ៉ាងខ្លាំងលើបញ្ហានេះ ដោយបានដាក់វិធានការបង្ការ និងទប់ស្កាត់ពីការរាត្បាតនៃជំងឺកូវីដ១៩។
លោកសាស្ត្រាចារ្យ អេង ហួត ក៏បានបញ្ជាក់បន្ថែមថា ជំងឺកូវីដ-១៩នៅមិនទាន់បានធូរស្រាលឡើយ គឺស្ថិតនៅដំណាក់កាលភ្លើងពណ៌លឿងនៅឡើយ ដូច្នេះសូមប្រុងប្រយ័ត្នឲ្យបានខ្ពស់។ លោកសាស្ត្រាចារ្យរដ្ឋលេខាធិការក្រសួងសុខាភិបាល ក៏បានតឿនរំលឹកដល់មន្ត្រីសុខាភិបាលត្រូវបន្តខិតខំផ្សព្វផ្សាយ ណែនាំដល់បងប្អូនប្រជាពលរដ្ឋនៅមូលដ្ឋានឲ្យមានការយល់ដឹង នឹងត្រូវចូលរួមអនុវត្តន៍វិធានការបង្ការ ទប់ស្កាត់ ប្រយុទ្ធប្រឆាំងទៅនឹងជំងឺកូវីដ១៩ ដោយត្រូវអនាម័យខ្លួនប្រាណ និងលាងសម្អាតដៃជាមួយសាប៊ូ ឬអាកុល និងត្រូវពាក់ម៉ាស់នៅពេលធ្វើដំណើរចេញទៅក្រៅផ្ទះ។ លោកសាស្ត្រាចារ្យបានបន្តថា បើមានបងប្អូនមកពីមកពីក្រៅប្រទស ត្រូវណែនាំឲ្យពួកគាត់នៅដោយឡែករយៈពេល១៤ថ្ងៃសិន ដើម្បីធ្វើការតាមដានស្ថានភាព ហើយបើមានករណីសង្ស័យ សូមទៅមន្ទីរពេទ្យដើម្បីធ្វើការពិនិត្យតាមដានដោយ ដោយក្រុមគ្រូពេទ្យ។
ក្នុងឱកាសខាងលើនេះដែរ លោកសាស្ត្រាចារ្យ អេង ហួត រដ្ឋលេខាធិការក្រសួងសុខាភិបាល ក៏បាននាំយកអំណោយរបស់លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ប្រគល់ជូនក្រុមការងារសុខាភិបាលខេត្តផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ