រាជធានីភ្នំពេញ ៖ អភិបាលខេត្តកែបបានអះអាងថា នៅក្នុងទឹកសមុទ្រនៅកែបមិនមានកម្រិតជាតិពុលនោះទេ ដែលចំណុចនេះធ្វើឲ្យអ្នកទេចរណ៍អាចទៅងូតលេងបានសប្បាយ ហើយមិនប៉ះពាល់ដល់សុខភាពនោះទេ ។ ថ្លែងក្នុងសន្នីសីទសារព័ត៌មាន នាព្រឹកថ្ងៃទី៥ ខែឧសភា…
រាជធានីភ្នំពេញ ៖ អភិបាលខេត្តកែបបានអះអាងថា នៅក្នុងទឹកសមុទ្រនៅកែបមិនមានកម្រិតជាតិពុលនោះទេ ដែលចំណុចនេះធ្វើឲ្យអ្នកទេចរណ៍អាចទៅងូតលេងបានសប្បាយ ហើយមិនប៉ះពាល់ដល់សុខភាពនោះទេ ។
ថ្លែងក្នុងសន្នីសីទសារព័ត៌មាន នាព្រឹកថ្ងៃទី៥ ខែឧសភា ឆ្នាំ២០២០ លោក កែន សត្ថា អភិបាលនៃគណៈអភិបាលខេត្តកែបបានបញ្ជាក់យ៉ាងដូច្នេះថា ៖« ក្នុងចំណោមកោះទាំង១៣ នៅកែបមិនមានទឹកដែលមានជាតិពុលនោះទេ ។ ដែលក្នុងតំបន់អាស៊ានបានវាយតម្លៃថា អាកាសធាតុល្អ ខ្យល់បរិសុទ្ធគ្មានជាតិពុល ទឹកសមុទ្រកម្រិតពុលគឺគ្មាន » ។ លោកអភិបាលក៏បានគូសបញ្ជាក់ថា បច្ចុប្បន្ននេះរដ្ឋបាលខេត្តកែបមានម៉ាស៊ីនជាប្រចាំសម្រាប់វាស់កម្រិតខ្យល់ ។ នៅពេលខ្យល់ ឬទឹកមានជាតិពុលនោះម៉ាស៊ីននឹងដឹង ដោយនៅខេត្តកែបកម្រិតខ្យល់ពុលនោះទេ ។
លោកបញ្ជាក់ថា៖«អីញ្ចឹងយើងបានវាស់កម្រិតជាតិពុលក្នុងទឹក និងខ្យល់ជាប្រចាំ ។ ទាំងអស់នេះជាផលិតផលទេសចរណ៍ធម្មជាតិមួយដែលកម្រររកបានជាពិសេសនោះសួនឧស្យានជាតិនៅក្រោមតំបន់រដ្ឋបាលខេត្ត ទាំងរដូវប្រាំង និងរដូវវស្សាខៀវស្រងាត់ ដោយមានជីវៈចម្រុះប្រកបដោយធម្មជាតិ ដែលជាសក្តានុពលសំខាន់ក្នុងការស្រូវយកខ្យល់អាកាសបានល្អធ្វើឲ្យមានអាយុយឺនយូរ» ។
លោកបន្តថា រដ្ឋបាលខេត្តកែបកំពុងពិភាក្សាគម្រោងរៀបចំផែនការក្នុងការរៀបចំវិស័យទេចរណ៍ខេត្តកែប ដោយតំបន់ណាសម្រាប់សាធារណៈ ឆ្នេរខ្សាច់បែបណាទាក់ទាញ ហើយរៀបចំស្ពានទៅកោះទន្សាយរៀបចំធ្វើយ៉ាងណាឲ្យទាក់ទាញភ្ញៀវទេសចរ និងអ្នកវិនិយោគមកច្រើន ។ លោកថា គម្រោងទាំងនេះនឹងដាក់ឆ្លងទៅកាន់គណៈកម្មការអន្តរក្រសួង រួចហើយ ដាក់ ទៅរាជរដ្ឋាភិបាលដើម្បីសម្រេចទើបចាប់ផ្តើមអនុវត្តតែម្តង ។
ជាមួយគ្នានោះដែរ លោកអភិបាលខេត្តបានលើកឡើងចំពោះវិនិយោគទុនជប៉ុននៅទីក្រុងកែប នោះមិនទាន់មានគម្រោងនោះទេ គឺគ្រាន់តែមកសិក្សាអំពីសក្តានុពល ពិសេសនោះវិស័ យឆ្នេរអង្គោល ។ លោកបន្តថា ទោះបីអ្នកវិនិយោគទុនមិនធ្វើក៏ដោយក៏រាជរដ្ឋាភិបាល និងរដ្ឋបាលខេត្ត ផ្តល់ទុនសម្រាប់អភិវឌ្ឍន៍ដែលពេលនេះកំពុងរៀបចំហេដ្ឋរចនាសម្ព័ន្ធផ្លូវ ទៅផ្លូវឆ្នេរអង្គោល ។
ឆ្នេរនេះត្រូវបានប្រជាពលរដ្ឋសហគមន៍មូលដ្ឋានបានផ្តល់ដល់ភ្ញៀវទេសចរជាបណ្តើរៗ ។ នៅខេត្តកែបមានកោះចំនួន១៣ និងឆ្នេរមួយចំនួនបានទាក់ទាញភ្ញៀវទេសចរ ។ លោកបន្តថា រដ្ឋបាលខេត្តកែបបានរៀបចំផ្នែកទេសចរណ៍នៅតាមបណ្តាកោះមួយចំនួន ប៉ុន្តែរហូតដល់ពេលនេះមិនទាន់មាននោះទេ ។
រាជរដ្ឋាភិបាលមិនបានអនុញ្ញាតឲ្យបង្កើតរោងចក្រនៅតំបន់ទេសចរណ៍នោះទេ ពិសេសរោងចក្រដែលមានផ្សែងជាតិពុល ឬជាតិអ្វីដែលខូចខាតបរិស្ថានោះទេ ៕
ចែករំលែកព័តមាននេះ