ប្រទេសជប៉ុន៖ នាយករដ្ឋមន្ត្រីជប៉ុនប្រកាស នាថ្ងៃទី៤ឧសភា ពីការពន្យារពេលការប្រកាសអាសន្ននៅទូទាំងប្រទេស រហូតដល់ថ្ងៃទី៣១ឧសភា ព្រោះរដ្ឋាភិបាលយល់ថា វាជាការប្រញាប់ប្រញាល់ពេក ដែលត្រូវលុបចោលការប្រកាសអាសន្ននេះ ប្រឈមមុខនឹងការឆ្លងរាលដាលនៃវីរុស ។
លោកសីុនហ្សូអាបេក្នុងសន្និសីទសារព័ត៌មានមួយថ្លែងថា ខ្ញុំសូមស្នើដល់លោកអ្នករក្សាទុកការខិតខំប្រឹងប្រែងរបស់លោកអ្នក ក្នុងរយៈពេលមួយចំនួនទៀត។ លោកថាសម្រាប់ពេលនេះការចុះថយនៃចំនួនអ្នកឆ្លងនៅមិនទាន់គ្រប់គ្រាន់នៅឡើយទេ។
លោកអាបេបានចេញការប្រកាសអាសន្ននៅក្រុងតូក្យូនិងក្នុងតំបន់ដទៃៗទៀត កាលពីថ្ងៃទី៧មេសា បន្ទាប់មកបានពង្រីកដល់ក្នុងប្រទេសទាំងមូល ហើយដែលត្រូវផុតកំណត់នាថ្ងៃទី៦ឧសភា។ ប៉ុន្តែនាយករដ្ឋមន្ត្រីគូសបញ្ជាក់ថា ចំនួនអ្នកឆ្លងថ្មីនៅតែមានលើសចំនួន អ្នកជំងឹដែលព្យាបាលជាចាកចេញពីមន្ទីរពេទ្យ នៅទូទាំងប្រទេស។ យើងត្រូវធ្វើឲ្យចំនួនអ្នកឆ្លងថ្មីរាល់ថៃ្ងស្ថិតក្រោមកម្រិតនោះ ដើម្បីកាត់បន្ថយសម្ពាធលើប្រព័ន្ធសុខាភិបាលសាធារណៈរបស់ប្រទេស។
ទោះបីយ៉ាងណារដ្ឋាភិបាលជប៉ុនបានបើកទ្វារចំហ សម្រាប់ការលុបចោលការប្រកាសអាសន្នមុនដំណាច់ខែនេះ ក្រោយការពិនិត្យសភាពការណ៍ឡើងវិញគ្រោងរង្វង់ថ្ងៃទី១៤ឧសភា ក្នុងគ្រប់តំបន់របស់ប្រទេស។ប្រទេសជប៉ុន ដែលមានប្រជាជនប្រមាណជា១២៦លាននាក់ ជួួបប្រទះអ្នកឆ្លងវីរុសដំបូងកាលពីពាក់កណ្ដាលខែមករា ។
តាំងពីចាប់ផ្ដើមការឆ្លងមកប្រទេសនោះមានអ្នកឆ្លងវីរុសសរុបជាង១៥.០០០នាក់និងអ្នកស្លាប់៥១០នាក់ ពិតជាមានទាបជាងប្រទេសដទៃៗទៀត៕
ចែករំលែកព័តមាននេះ