ខេត្តកណ្តាល ៖ អ្នកលេងល្បែងស៊ីសងអាប៉ោងម្នាក់ត្រូវឃាត់ខ្លួន ក្នុងចំណោមជាច្រើននាក់រត់បាតជើងសព្រាត ពេលនគរបាលស្រុកស្អាងចុះប្រតិបត្តិការបង្ក្រាប និងឃាត់ខ្លួន ។ ប្រតិបត្តិការចុះបង្ក្រាបខាងលើនេះបានធ្វើឡើងកាលពី៧និង៣០នាទីយប់ថ្ងៃទី៣ ខែឧសភា ឆ្នាំ២០២០…
ខេត្តកណ្តាល ៖ អ្នកលេងល្បែងស៊ីសងអាប៉ោងម្នាក់ត្រូវឃាត់ខ្លួន ក្នុងចំណោមជាច្រើននាក់រត់បាតជើងសព្រាត ពេលនគរបាលស្រុកស្អាងចុះប្រតិបត្តិការបង្ក្រាប និងឃាត់ខ្លួន ។
ប្រតិបត្តិការចុះបង្ក្រាបខាងលើនេះបានធ្វើឡើងកាលពី៧និង៣០នាទីយប់ថ្ងៃទី៣ ខែឧសភា ឆ្នាំ២០២០ នៅចំណុចភូមិព្រែករុន ឃុំព្រែកគយស្រុកស្អាង ខេត្តកណ្ដាល។
ជនសង្ស័យម្នាក់ដែលត្រូវឃាត់ខ្លួនឈ្មោះភឿង សុភា ភេទប្រុស អាយុ៤១ឆ្នាំ មុខរបរកសិករ មានទីលំនៅភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្ដាល។
តាមប្រភពពីនគរបាលស្រុកស្អាងបានអោយដឹងថា មានប្រជាពលរដ្ឋរាយការណ៍មកថាមានករណីលេងល្បែងស៊ីសងខុសច្បាប់(អាប៉ោង)នៅចំណុចកើតហេតុខាងលើ។ ភ្លាមនោះកម្លាំងប៉ុស្តិ៍នគរបាលរដ្ឋបាលព្រែកគយ សហការជាមួយកម្លាំងផ្នែកនគរបាលយុត្តិធម៌ស្រុកបានចុះទៅដល់កន្លែងកើតហេតុឃាត់ខ្លួនជនសង្ស័យបានម្នាក់ រួមទាំងវត្ថុតាងខាងលើយកមកធ្វើការសាកសួរនៅប៉ុស្តិ៍ ។
បច្ចុប្បន្ន ជនសង្ស័យត្រូវបានសមត្ថកិច្ចបញ្ជូនមកអធិការដ្ឋាននគរបាលស្រុកស្អាងដើម្បីកសាងសំណុំរឿងចាត់ការតាមនីតិវីធី៕ (កែសម្រួលដោយ ៖ ធីតា)
ចែករំលែកព័តមាននេះ