រាជធានីភ្នំពេញ ៖ តំណាងអង្គការសុខភាពពិភពលោក (WHO)បានអះអាងថា នឹងធ្វើការសម្របសម្រួលឲ្យកម្ពុជាទទួលបានថ្នាំ ឬវ៉ាក់សាំងព្យាបាលជំងឺកូវីដ១៩ ដូចប្រទេសផ្សេងៗនៅពេលថ្នាំរកឃើញហើយ ប្រកាសឲ្យប្រើប្រាស់ជាផ្លូវការ ។ ទោះជាយ៉ាងណាក្តី…
រាជធានីភ្នំពេញ ៖ តំណាងអង្គការសុខភាពពិភពលោក (WHO)បានអះអាងថា នឹងធ្វើការសម្របសម្រួលឲ្យកម្ពុជាទទួលបានថ្នាំ ឬវ៉ាក់សាំងព្យាបាលជំងឺកូវីដ១៩ ដូចប្រទេសផ្សេងៗនៅពេលថ្នាំរកឃើញហើយ ប្រកាសឲ្យប្រើប្រាស់ជាផ្លូវការ ។
ទោះជាយ៉ាងណាក្តី WHO បានអះអាងរហូតដល់ពេលនេះមិនទាន់មានថ្នាំ ឬវ៉ាក់សាំងសម្រាប់ព្យាបាលជំងឺកូវីដ១៩ សម្រាប់ប្រើប្រាស់នៅលើទីផ្សានៅឡើយ ដែលទទួលស្គាល់ដោយ WHO នោះទេ ។ ថ្លែងក្នុងសន្នីសីទសារព័ត៌មាន ព្រឹកថ្ងៃទី៤ ខែឧសភា ឆ្នាំ២០២០ នៅទីស្តីការក្រសួងសុខាភិបាល ។
លោកស្រីវេជ្ជបណ្ឌិត Li Ailan តំណាងអង្គការសុខភាពពិភពលោកបានលើកឡើងថា យ៉ាងដូច្នេះថាលទ្ធផលជាក់ស្តែងមកដល់សព្វថ្ងៃនេះ គឺយើងមិនទាន់អាចរំពឹងទុកថា នឹងមានវ៉ាក់សាំងមួយដែលមានប្រសិទ្ធភាព ដែលអាចយកជាការបាននៅឡើយនោះទេ ប៉ុន្តែប្រហែលជារយៈពេល១២ខែ ឬ១ឆ្នាំកន្លះ ឬ៨ខែទៀត ទៅតាមស្ថានភាពជាក់ស្តែង ប៉ុន្តែមិនស្ថិតក្នុងរយៈពេលមួយដ៏ខ្លីនោះទេ ។
លោកស្រីបញ្ជាក់ថា៖«មកដល់សព្វថ្ងៃនេះអង្គការសុខភាពពិភពលោក បានកំពុងតែសម្របសម្រួលជាមួយប្រទេសផ្សេងៗដែលជាសមាជិកក្នុងការសាល្បងថ្នាំវ៉ាក់សាំងជាលក្ខណៈសាមគ្គី ដោយមានការចូលរួមពីប្រទេសលើកពិភពលោក ដែលមានប្រទេសមួយចំនួនធំបានចូលរួមក្នុងការធ្វើតេស្តសាកល្បងនេះហើយ យើងក៏មានបេក្ខភាពវ៉ាក់សាំង សា ល្បងមួយចំនួនដែរគឺយើងមានការវិវត្តន៍បានល្អប៉ុន្តែ ដូចអ្វីដែលនាងខ្ញុំប្រាប់ពីមុនអីចឹងការបង្កើតថ្នាំ ឬវ៉ាក់សាំងមួយមានប្រសិទ្ធភាព គុណភាព គឺយើងត្រូវការពេលវេលា ។ ទោះបីជា យើងមិនទាន់ការអនុវត្តជាក់លាក់ក្នុងការប្រើប្រាស់ថ្នាំពិនិត្យមែន តែយើងមានការវិវត្តន៍ទៅមុខបានល្អ» ។
លោកស្រីបន្ថែមថា អង្គការសុខភាពពិភពលោកបានសង្ឃឹមថា ប្រទេសកម្ពុជាអាចចូលខ្លួនទៅក្នុងការសាកល្បងណាមួយនៅពេលខាងមុខផងដែរ ហើយយើងក៏បានចាត់ទុកប្រទេសកម្ពុជា គឺជាប្រទេសមួយដែលមានអាទិភាពព្រោះថា បើមានឱសថព្យាបាលនោះ អង្គការសុខភាពនឹងសម្របសម្រួលក្នុងការទទួលបានសិទ្ធិនូវថ្នាំព្យាបាល ឬវ៉ាក់សាំងនេះ ឲ្យបានស្នើឲ្យបានស្នើៗគ្នា ។ យើងផ្តល់អាទិភាពដល់ប្រទេសណាដែលពុំសូវមានធនធានខ្លាំង ដែលប្រទេសស្ថិតនៅក្នុងប្រាក់ចំណូលទាប ឬក៏ចំណូលទាប់កម្រិតខ្ពស់ ៕
ចែករំលែកព័តមាននេះ