លោកត្រាំថា ពលរដ្ឋអាមេរិកបាត់បង់ជីវិតអាចដល់១សែននាក់
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ ថ្លែងនាថ្ងៃទី៣ ឧសភាថា លោកយល់ថាមនុស្សដល់ទៅ១០០.០០០នាក់អាចបាត់បង់ជីវិត ដោយសារវីរុស COVID-19 នៅសហរដ្ឋអាមេរិក…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ ត្រាំ ថ្លែងនាថ្ងៃទី៣ ឧសភាថា លោកយល់ថាមនុស្សដល់ទៅ១០០.០០០នាក់អាចបាត់បង់ជីវិត ដោយសារវីរុស COVID-19 នៅសហរដ្ឋអាមេរិក ដែលនៅទីនោះតុល្យការនៃការឆ្លងមានលើសរួចហើយការវាយតម្លៃពីដំបូងរបស់លោក តែលោកនិយាយថា លោកមានទំនុកចិត្តដែលវ៉ាក់សាំងមួយអាចផលិតបាននាចុង
ឆ្នាំនេះ ។
ក្នុងកិច្ចពិភាក្សាជាសាធារណៈមួយមានរយៈពេល២ម៉ោង ចេញផ្សាយតាមទូរទស្សន៍ FOX
NEWS លោកត្រាំអះអាងថា យើងនឹងបាត់បង់មនុស្សរវាងពី៧៥.០០០នាក់ទៅ១០០.០០០នាក់ ។ នេះជារឿងដ៏សែនទារុណមួយ ។ កាលពីសប្ដាហ៍មុនលោកត្រាំបានលើកពីលទ្ធភាពដែលចំនួនអ្នកស្លាប់មានរវាងពី៦០.០០០ទៅ៧០.០០០នាក់ ។ ប៉ុន្តែគិតដល់ថៃ្ងទី៣ ឧសភា នៅសហរដ្ឋអាមេរិកចំនួនអ្នកឆ្លងវីរុសបានឡើងដល់១.១៥៨.០៤០នាក់ ហើយចំនួនអ្នកស្លាប់វិញឡើងដល់៦៧.៦៨០នាក់រួចហើយ ។
ជិតពាក់កណ្ដាលនៃរដ្ឋអាមេរិកបានប្រកាន់យកការបន្ធូរបន្ថយការរិតត្បិត ខណៈអ្នកឆ្លងថ្មីប្រចាំថ្ងៃចាប់ផ្ដើមនៅទ្រឹងឬចុះថយ ហើយមានផ្ទុះបាតុកម្មនានាទាមទារឲ្យសម្រាលការរិតត្បិតដែលបណ្ដាលឲ្យសេដ្ឋកិច្ចធ្លាក់ក្នុងវិបត្តិ ។
លោកត្រាំថាយើងមិនអាចនៅតែបិទ ប្រទេសឡើយ ។ ផ្ទុយពីការព្យាករណ៍របស់អ្នកជំនាញការសុខាភិបាលមួយចំនួន ប្រធានាធិបតីអាមេរិកនិយាយទៀតថា លោកជឿជាក់ថានឹងមានវ៉ាក់សាំងប្រឆាំងវីរុស COVID-19មួយ នាដំណាច់ឆ្នាំនេះ ។ បណ្ដាគ្រូពេទ្យនិយាយថាលោកមិនត្រូវនិយាយបែបនេះទេ ។ តែខ្ញុំនិយាយចំពោះអ្វីដែលខ្ញុំគិតឃើញ ។ យើងនឹងមានវ៉ាក់សាំងមួយក្នុងពេលដ៏ឆាប់ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ