រាជធានីភ្នំពេញ ៖ រថយន្តតាកូម៉ានិងម៉ូតូបានរងការខូចខាត ហើយ២នាក់ប្តីប្រពន្ធនិងកូនតូចម្នាក់ បានរងរបួសស្រាល ខណៈដែលរថយន្តដឹកឥដ្ឋមួយគ្រឿងជាន់ហ្វ្រាំងមិនស៊ី ទាញចង្កូតគេចរថយន្តដឹកដី ក៏ជ្រុលឆ្លងផ្លូវទៅបុកពេញទំហឹង ។គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោងប្រមាណ៨…
រាជធានីភ្នំពេញ ៖ រថយន្តតាកូម៉ានិងម៉ូតូបានរងការខូចខាត ហើយ២នាក់ប្តីប្រពន្ធនិងកូនតូចម្នាក់ បានរងរបួសស្រាល ខណៈដែលរថយន្តដឹកឥដ្ឋមួយគ្រឿងជាន់ហ្វ្រាំងមិនស៊ី ទាញចង្កូតគេចរថយន្តដឹកដី ក៏ជ្រុលឆ្លងផ្លូវទៅបុកពេញទំហឹង ។គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោងប្រមាណ៨ និង១៥នាទីព្រឹកថ្ងៃទី០៤ ឧសភា នៅតាមមហាវិថីឈ្នះឈ្នះកែវ ផ្លូវឡុងឈីន ក្នុងភូមិ ឡកំបោរ សង្កាត់ស្វាយប៉ាកខណ្ឌប្ញស្សីកែវ រាជធានីភ្នំពេញ ។
រថយន្ត ដែលបង្កគ្រោះថ្នាក់ ម៉ាកហ៊ីយ៉ាន់ដាយដឹកឥដ្ឋ ពណ៌ស ពាក់ស្លាកលេខភ្នំពេញ៣B.៣៤២៤ បើកបរដោយឈ្មោះចាន់ ផានិត ភេទប្រុសអាយុ ២៨ឆ្នាំ មានលំនៅភូមិ សំបួរ ឃុំបឹងដោរ ស្រុកព្រះស្តេច ខេត្តព្រៃវែងត្រូវបាននគរបាលចាប់វាយខ្នោះ។ចំណែករថយន្តរងគ្រោះម៉ាកតូយូតា តាកូម៉ា ពាក់ស្លាកលេខ ភ្នំពេញ២X.២២៤៤ និងម៉ូតូម៉ាកហុងដា ស្លាកលេខ កំពត១E.០៦៧៥ជិះគ្នា ៣នាក់បានរងរបួសស្រាល។
តាមសាក្សីបានអោយដឹងថា នៅមុនពេលកើតហេតុគេឃើញរថយន្តដឹកបានធ្វើដំណើរក្នុងទិសដៅពីកើតទៅលិច ។នៅពេលធ្វើដំណើរ មកដល់កន្លែងកើតហេតុដែលជាប៉ុស្តិ៍ ត្រួតពង្រឹងច្បាប់ចរាចរណ៍ មានរថយន្តដឹកដី ធ្វើដំណើរ បញ្ច្រាស់ទិសគ្នា បត់ឆ្លងផ្លូវនៅពីមុខ រថយន្តដឹកឥដ្ឋបានទាញចង្កូតគេច ទៅឆ្វេង ដៃបណ្តាលអោយបុករថយន្តនិងម៉ូតូដែលបើកបរ ក្នុងទិសដៅបញ្ច្រាស់គ្នាជាបន្តបន្ទាប់ តែម្តង។
តាមសាក្សីបានអោយដឹងថា នៅក្នុងគ្រោះថ្នាក់ រថយន្តដឹកដីក៍បានបុករថយន្តតាកូម៉ាចំពីមុខពេញទំហឹង បណ្តាលអោយខ្ទេចមុខ ហើយជ្រុលទៅបុកម៉ូតូដែលជិះ២នាក់ប្តីប្រពន្ធនិងកូនតូចប្រុសអាយុ៣ឆ្នាំ ម្នាក់ បានរងរបួសស្រាល ហើយ រថយន្តកិនម៉ូតូនិងជ្រុលទៅបុកខឿនសួនច្បារ របស់ស្ថានីយប្រេងតូតាល់ ជាប់។តាមព័ត៌មានបានអោយដឹងទៀត ថាបន្ទាប់ គ្រោះថ្នាក់អ្នកបើកបរ ក៏បានរ៉ឺយ៉ែលរថយន្តទៅបុករថយន្តនោះបន្លែមទៀត រួចក៏រត់គេចខ្លួន តែត្រូវបានកម្លាំងនគរបាលខណ្ឌព្រែកព្នៅ ដែលដាក់គោលដៅពង្រឹងច្បាប់ចរាចរណ៍ដេញចាប់ខ្លួនបានវាយខ្នោះ។ តាមអ្នកបើកបរ បានអោយដឹងថា គ្រោះថ្នាក់នេះបណ្តាលមកពីរថយន្តជាន់ហ្វ្រាំង មិនស៊ីហើយទាញចង្កូចគេចរថយន្តដឹកដីនៅពីមុខបញ្ជៀសគ្រោះថ្នាក់ ក៍ជ្រុលទៅរថយន្តរថយន្តនិងម៉ូតូដែលនៅម្ខាងផ្លូវ៕
ចែករំលែកព័តមាននេះ