លោកអធិការរងដែលអនុវត្តលើសច្បាប់ចរាចរណ៍ កំពុងស្ថិតក្នុងស្នងការនៅឡើយ
- ស្វាយរៀង
ខេត្តស្វាយរៀង ៖ សេចក្តីរាយការណ៍បន្តឱ្យដឹងថា គិតត្រឹមព្រឹកថ្ងៃទី០៤ ឧសភា នេះ លោកវរសេនីយ៍ទោ សួគ៌ ធី អធិការរងនគរបាលស្រុកចន្ទ្រាទទួលបន្ទុកចរាចរណ៍…
ខេត្តស្វាយរៀង ៖ សេចក្តីរាយការណ៍បន្តឱ្យដឹងថា គិតត្រឹមព្រឹកថ្ងៃទី០៤ ឧសភា នេះ លោកវរសេនីយ៍ទោ សួគ៌ ធី អធិការរងនគរបាលស្រុកចន្ទ្រាទទួលបន្ទុកចរាចរណ៍ ដែលត្រូវបានផ្អាកការងារជាបណ្តោះអាសន្ននោះ កំពុងស្ថិតនៅស្នងការដ្ឋាននគរបាលខេត្តនៅឡើយ ។ ខណៈលោកត្រូវមកបង្ហាញមុខនៅការិយាល័យបុគ្គលិកស្នងការដ្ឋាននគបាលខេត្តបណ្តោះអាសន្ន រង់ចាំសេចក្តីសម្រេចជាថ្មី ។
សូមរំលឹកថា៖ រឿងរ៉ាវផ្ទុះកំហឹងសង្ខាងលើវិថីត្រួតពិនិត្យចរាចរណ៍ តើខាងណាខុស?(វីដេអូ)
សូមរំលឹកថា កាលពីថ្ងៃទី៣ ឧសភា នេះ អគ្គស្នងការដ្ឋាននគរបាលជាតិ បានសម្រេចដាក់វិន័យកងកម្លាំងនគរបាលជាតិ ចំពោះលោកវរសេនីយ៍ទោ សួគ៌ ធី អធិការរងនគរបាល ស្រុកចន្ទ្រា ទទួលបន្ទុកចរាចរណ៍ ដោយបានផ្អាកការងារជាបណ្ដោះអាសន្ន បន្ទាប់ពីលោកអធិការរងរូបនេះបានអនុវត្តន៍លេីសគោលការណ៍ណែនាំរបស់ថ្នាក់ដឹកនាំ បង្កឱ្យប្រជាពលរដ្ឋមានការថ្នាំងថ្នាក់ ។
ប្រភពបញ្ជាក់ទៀតថា ការដាក់វិន័យបែបនេះ មហាជននឹងគាំទ្រនូវចំណាត់ការរបស់លោកនាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដែលបានពង្រឹងវិន័យមន្ត្រីក្នុងការអនុវត្តន៍ច្បាប់ឱ្យបាន«ត្រឹមត្រូវ ទន់ភ្លន់ ម៉ឺងម៉ាត់» ។
មហាជនបានសម្តែងមតិថា សូមប្រជាពលរដ្ឋ មេត្តាចូលរួមគោរពច្បាប់ទាំងអស់គ្នា ដេីម្បីសុវត្ថិភាពខ្លួនអ្នក និងក្រុមគ្រួសារអ្នក ព្រមទាំងសង្គមជាតិទាំងមូល ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ