រាជធានីភ្នំពេញ៖ ថ្លែងនៅសន្និសីទសារព័ត៌មានស្ដីពីបច្ចុប្បន្នភាពជំងឺ COVID-19 នៅក្នុងប្រទេសកម្ពុជា នាព្រឹកថ្ងៃទី០៤ ខែឧសភា ឆ្នាំ២០២០នេះ រដ្ឋមន្ត្រីក្រសួងសុខាភិ បាលលោក ម៉ម…
រាជធានីភ្នំពេញ៖ ថ្លែងនៅសន្និសីទសារព័ត៌មានស្ដីពីបច្ចុប្បន្នភាពជំងឺ COVID-19 នៅក្នុងប្រទេសកម្ពុជា នាព្រឹកថ្ងៃទី០៤ ខែឧសភា ឆ្នាំ២០២០នេះ រដ្ឋមន្ត្រីក្រសួងសុខាភិ បាលលោក ម៉ម ប៊ុនហេង បានក្រើនរម្លឹកជាថ្មីថា បើសិនជាបងប្អូនខ្មែរបន្តជួបជុំគ្នាក្នុងចំនួនច្រើនដោយមិនគោរពបទបញ្ជាសម្តេចតេជោ ហ៊ុន សែន នាយករដ្ឋមន្ត្រីកម្ពុជា និងការណែនាំក្រសួងសុខាភិបាល «នោះយើងនឹងជួបហានិភ័យខ្ពស់នៃការចម្លងកូវីដ-១៩ជាថ្មី» ។
លោក ម៉ម ប៊ុនហេង បានបញ្ជាក់ថា បើសិនជាបងប្អូនខ្មែរបន្តជួបជុំគ្នាក្នុងចំនួនច្រើនដោយមិនគោរពបទបញ្ជារសម្តេចតេជោ និងការណែនាំក្រសួងសុខាភិបាល នោះយើងនឹងជួបហានិភ័យខ្ពស់នៃការចម្លងកូវីដ-១៩ ជាថ្មី ពេលនៅះសេចក្តីសោកសៅ ការវេទនា ការបាត់បង់នឹងកើតមានចំពោះមុខលោក លោកស្រី បើមិនប្រព្រឹត្តតាមការអនុវត្តខ្ជាប់ខ្ជួនសារជាថ្មី» ។
លោកបានបន្ថែមថានៅកម្ពុជាយើងមិនចង់ដាក់ក្តាមឈូស ដូចប្រទេសផ្សេងៗទេ តែបងប្អូនត្រូវរក្សាគម្លាតសុវត្ថិភាពយ៉ាងហោច ១.៥ ម៉ែត្រ ទៅ ២ ម៉ែត្រ ជាពិសេសគឺត្រូវលាងសម្អាដៃនឹងសាប៊ួ អាល់កុល ជែល ជាដើមឲ្យបានញឹកញាប់ ។
យ៉ាងណាមិញ លោករដ្ឋមន្ត្រីបានបញ្ជាក់ថាបងប្អូនខ្មែរភាគច្រើនអនុវត្តបានល្អក្នុងការប្រយុទ្ធនឹងកូវីដ-១៩ ហើយមកដល់ពេលនេះគឺកម្ពុជាអត់មានការរាតត្បាតអីគួរឲ្យកត់សម្គាល់ទេ ហើយក៏ពុំមានការរកឃើញនូវករណីថ្មីនៃការឆ្លងកូវីដ-១៩ នោះទេ ។
សូមបញ្ជាក់ថាកម្ពុជាមានករណីកូវីដ-១៩សរុប ១២២នាក់ដែលក្នុងនោះព្យាបាលជាសះស្បើយបានចំនួនច្រើន ដោយគិតត្រឹមថ្ងៃទី ៣ ឧសភាមានអ្នកជំងឺកូវីដ-១៩ តែ២នាក់ប៉ុណ្ណោះនៅបន្តព្យាបាលនៅមន្ទីរពេទ្យ ៕
ចែករំលែកព័តមាននេះ