ក្រសួងដឹកជញ្ជូន ៖ រយៈពេល១០ថ្ងៃ ពលរដ្ឋយករថយន្ដទៅធ្វើឆៀកជាង២ម៉ឺនគ្រឿង
- ភ្នំពេញ
រាជធានីភ្នំពេញ ៖ ក្រសួងសាធារណការ និងដឹកជញ្ជូនបានឲ្យដឹងថា រយៈពេល១០ថ្ងៃ គិតពីថ្ងៃទី២៣ មេសា -២ ឧសភា ឆ្នាំ២០២០…
រាជធានីភ្នំពេញ ៖ ក្រសួងសាធារណការ និងដឹកជញ្ជូនបានឲ្យដឹងថា រយៈពេល១០ថ្ងៃ គិតពីថ្ងៃទី២៣ មេសា -២ ឧសភា ឆ្នាំ២០២០…
រាជធានីភ្នំពេញ ៖ ក្រសួងសាធារណការ និងដឹកជញ្ជូនបានឲ្យដឹងថា រយៈពេល១០ថ្ងៃ គិតពីថ្ងៃទី២៣ មេសា -២ ឧសភា ឆ្នាំ២០២០ មានប្រពលរដ្ឋយករថយន្ដទៅត្រួតពិនិត្យលក្ខណៈបច្ចេកទេសយានយន្ត (ឆៀក) ទូទាំងប្រទេសចំនួន ២៤.៨៩៧ គ្រឿង ។
បើយោងតាមគេហទំព័រហ្វេសប៊ុករបស់ក្រសួងសាធារណការចេញផ្សាយនៅថ្ងៃទី៣ ខែឧសភា ឆ្នាំ២០២០ថា ក្រសួងថ្លែងអំណរគុណដល់ប្រជាពលរដ្ឋដែលបានគោរពអនុវត្តតាមការណែនាំដែលរក្សាបានសណ្តាប់ធ្នាប់ និងរបៀបរៀបរយ ជាពិសេសអត់ធ្មត់រង់ចាំទទួលសេវា ខណៈការត្រួតពិនិត្យនេះត្រូវការពេលវេលា ដើម្បីពិនិត្យម៉ត់ចត់ ដើម្បីសុវត្ថិភាពទាំងអស់គ្នា ។
ក្រសួងដដែលបាមបញ្ជាក់ថា «គិតចាប់ពីថ្ងៃទី២៣ ខែមេសា ដល់ថ្ងៃទី២ ខែឧសភា ឆ្នាំ២០២០ ការត្រួតពិនិត្យលក្ខណៈបច្ចេកទេសយានជំនិះទូទាំងប្រទេស សរុបចំនួន ២៤.៨៩៧ គ្រឿង ។ ទិន្នន័យនេះមានការកើនឡើងខ្ពស់ជាគំហុក ជាពិសេស៤ថ្ងៃចុងក្រោយ ដែលគិតជាមធ្យម ប្រមាណ៤ពាន់គ្រឿងក្នុង១ថ្ងៃ» ។
ជាមួយគ្នានោះដែរ ក្រសួងសាធារណការស្នើឲ្យប្រជាពលរដ្ឋបន្តគោលការណ៍អនាម័យពាក់ម៉ាស់ត្រឹមត្រូវតាមការចាំបាច់ និងរក្សាគម្លាត ដើម្បីទប់ស្កាត់ការរីករាលដាលនៃជំងឺកូវីដ-១៩ ទាំងអស់គ្នា ។
សូមជម្រាបថា បន្ទាប់ពីរាជរដ្ឋាភិបានពង្រឹកការគោរពច្បាប់ចរាចរណ៍ដោយបង្កើនការផាកពិន័យទ្វេដងនោះ គេសង្គេរឃើញប្រជាពលរដ្ឋយករថយន្តទៅឆៀកឡើងកកស្ទះនៅទីតាំងដែលទទួលឆៀកផងដែរ ៕
ចែករំលែកព័តមាននេះ