រដ្ឋាភិបាលបានសម្រេចដាក់ការផាកពិន័យកាន់តែច្រើន ដើម្បីទប់ស្កាត់ការគ្រោះថ្នាក់ចរាចរណ៍ ការស្លាប់ និងរបួសតាមដងផ្លូវ ដោយការពិន័យមានចាប់ពី១៥ ដុល្លារដល់ ១០០០ដុល្លារ។ នេះបើតាមអនុក្រិតចំនួន ៩ទំព័រ ស្តីពី ការកែសម្រួលអនុក្រិត្យ ស្តីពីការពិន័យអន្តរការណ៍ចំពោះបទល្មើសនឹងច្បាប់ចរាចរណ៍ផ្លូវគោក។
អនុក្រិត្យថ្មីនោះ អ្នកមិនពាក់មួសុវត្ថិភាព ឬក៏មិនមានឯកសារជាប់ខ្លួន ឬក៏មិនគោរពតាមសញ្ញាបញ្ជាចរាចរណ៍នឹងត្រូវពិន័យជាប្រាក់ចំនួន៦ម៉ឺនរៀល ឬ១៥ដុល្លារ។
អ្នកស្រវឹងពេលបើកបរនឹងត្រូវពិន័យធ្ងន់ជាងគេបំផុត។
តាមអនុក្រិត្យថ្មីនេះ បានអោយដឹងថា អ្នកបើកបរនៅពេលស្រវឹងនឹងត្រូវពិន័យជាប្រាក់ពី១លានរៀលដល់៤លានរៀល។
អ្នកបើកបរទោក្រយានយន្ត ឬអ្នកបើកបរយានយន្ត សណ្តោងរ៉ឺម៉ក ឬត្រីចក្រយានយន្ត ឬម៉ូតូកង់បួន នឹងត្រូវពិន័យជាប្រាក់ចំនួន ១ លានរៀល បើសិនជាពួកគេបើកបរនៅពេលស្រវឹង។
ចំណែកអ្នកបើកបរយានយន្តធន់ស្រាល នឹងត្រូវពិន័យជាប្រាក់ចំនួន២លាន៥សែនរៀល (២៥០០ ០០០លានរៀល) បើសិនជាពួកគេបើកបើរពេលស្រវឹង។
ចុងក្រោយនិងឹធ្ងន់ជាងគេ អ្នកបើកបររថយន្តធន់ធ្ងន់នឹងត្រូវពិន័យ ជាប្រាក់ចំនួន រហូតដល់៤លានរៀល បើសិនជាបើកបរនៅពេលស្រវឹង។
ដូច្នេះ សូមទាំងអស់គ្នា សូមកុំបើកបរ បើដឹងខ្លួនថា បានផឹកគ្រឿងស្រវឹង។ បើមិនដូច្នេះទេ នឹងត្រូវធ្ងន់.កហើយ៕ (កែសម្រួលដោយ ៖ បុប្ផា)
ចែករំលែកព័តមាននេះ