អាមេរិក ៖ តាមប្រភពព័ត៌មាន CNN បានឱ្យដឹងថា មនុស្សជាង៥០០នាក់បានប្រមូលផ្ដុំគ្នានៅកាលីហ្វ័រញ៉ាកាពីតូល កាលពីថ្ងៃសុក្រ ដើម្បីតវ៉ានឹងបទបញ្ជាឱ្យប្រជាជនស្នាក់នៅផ្ទះមិនចេញទៅណា របស់រដ្ឋាភិបាល Gavin។…
អាមេរិក ៖ តាមប្រភពព័ត៌មាន CNN បានឱ្យដឹងថា មនុស្សជាង៥០០នាក់បានប្រមូលផ្ដុំគ្នានៅកាលីហ្វ័រញ៉ាកាពីតូល កាលពីថ្ងៃសុក្រ ដើម្បីតវ៉ានឹងបទបញ្ជាឱ្យប្រជាជនស្នាក់នៅផ្ទះមិនចេញទៅណា របស់រដ្ឋាភិបាល Gavin។
យោងតាមការចេញផ្សាយពីគេហទំព័រ California Highway Patrol បានឱ្យដឹងថា៖ «បាតុករភាគច្រើនមិនបានពាក់ម៉ាស់ការពារផ្លូវដង្ហើមនោះទេ ហើយក៏មិនបានរក្សាគម្លាតសង្គមដែរ និងដល់ថ្នាក់ថា មានអ្នកខ្លះបានឈរកាន់ដៃគ្នាជាប់ថែមទៀតផង។ ការប្រព្រឹត្តបែបនេះ ពួកគេបានធ្វើឱ្យគ្រោះថ្នាក់ដល់សុខភាព និងសុវត្ថិភាពរបស់ពួកគេ ក៏ដូចជាមន្ត្រី និងអ្នកប្រឆាំងនឹងកូវីដ១៩ ទាំងអស់ ក្នុងកំឡុងពេលរោគរាតត្បាតកូវីដ១៩»។
ជាលទ្ធផលប៉ូលិសបានចាប់ខ្លួន ៣២នាក់ ពីបទមិនបានគោរពតាមបទបញ្ជាស្របច្បាប់ក្នុងការរក្សាគម្លាត ជាមួយនឹងការបំពានសុខភាពនិងសុវត្ថិភាព។
គួរបញ្ជាក់ផងដែរថា នៅពេលនេះ សហរដ្ឋអាមេរិក នៅតែបន្តឈរនៅលំដាប់ទី១ លើតារាងប្រទេសមានកូវីដ១៩ច្រើនជាងគេ។ ករណីឆ្លងសរុបនៅទីនោះមាន ១,១៥៩,៤៣០ករណី ករណីឆ្លងថ្មីមាន ២៨,៤០០ករណី ករណីបាត់បង់ជីវិតសរុបមាន ៦៧,៣៩១ករណី ករណីបាត់បង់ជីវិតថ្មីមាន ១,៦៣៨ករណី និងករណីជាសះស្បើយមាន ១៦០,៦៦៨ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ