រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បន្លែគ្រប់ប្រភេទបានឡើងថ្លៃ និងមានទីផ្សារល្អប្រសើរនៅក្នុងរយៈពេលប្រមាណជិតកន្លះខែមកហើយ ខណៈពេលដែលជំងឺកូវីដ១៩ បានរាតត្បាតធ្វើឱ្យប្រជាកសិករមានការភ័យខ្លាច ហើយមិនបានដាំដុះ ។ នេះបើយោងតាមការឱ្យដឹងពីអាជីវករលក់បន្លែបោះដុំ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បន្លែគ្រប់ប្រភេទបានឡើងថ្លៃ និងមានទីផ្សារល្អប្រសើរនៅក្នុងរយៈពេលប្រមាណជិតកន្លះខែមកហើយ ខណៈពេលដែលជំងឺកូវីដ១៩ បានរាតត្បាតធ្វើឱ្យប្រជាកសិករមានការភ័យខ្លាច ហើយមិនបានដាំដុះ ។ នេះបើយោងតាមការឱ្យដឹងពីអាជីវករលក់បន្លែបោះដុំ និងរាយនៅផ្សារដើមគរ តាមដងផ្លូវព្រះមុន្នីរ៉េត និងតាមបណ្តោយផ្លូវនានាក្នុងសង្កាត់ទួលស្វាយព្រៃ២ ខណ្ឌបឹងកេងកង ។
បើតាមអ្នកជាអ្នក់លក់ទិញបន្លែលក់ដុំឈ្មោះ ចែ ពៅ អាយុ៤២ឆ្នាំ រស់នៅសង្កាត់ស្ទឹងមានជ័យ បានឱ្យដឹងថា បន្លែគ្រប់ប្រភេទឡើងថ្លៃចាប់តាំងពីថ្ងៃចូលឆ្នាំថ្មីប្រពៃណីខ្មែរមកម្ល៉េះ ដោយសារតែបន្លែនាំចូលមិនគ្រប់គ្រាន់សម្រាប់តម្រូវការចែកចាយនៅទីផ្សារនានាក្នុងរាជធានីភ្នំពេញ ក៏ដូចជាតាមបណ្តាខេត្ត។ ចំណែកបន្លែដែលនាំមកចែកចាយនៅផ្សារដើមគរជាបន្លែនៅក្នុងស្រុក ហើយភាគច្រើនជាបន្លែដាំដុះនៅស្អាងព្រែកតូច និងមួយចំនួនទៀតនាំចូលពីប្រទេសវៀតណាម ប៉ុន្តែបន្លែនាំពីវៀតណាម តម្លៃថោកជាងបន្លែដាំក្នុងស្រុក ។
ចំណែកលោកស្រី អឿន សុខឃាង អាយុ៣០ឆ្នាំ ជាអ្នកដាំសាឡាត់នៅស្ពាងព្រែកតូច បានឱ្យដឹងថា បន្លែគ្រប់មុខទាំងអស់បានឡើងថ្លៃ មូលហេតុ ដោយសារតែប្រជាកសិករ មានការភ័យខ្លាចពីជំងឺកូវីដ១៩ រាតត្បាតពុំបានដាំដុះបន្លែ បង្ការ ជាហេតុធ្វើឱ្យបន្លែខ្សត់ទើបឡើងថ្ងៃ។
ចំណែកអាជីវករម្នាក់ទៀតជាអ្នកលក់ត្រសក់សុំមិនបញ្ចេញឈ្មោះ បានឱ្យដឹងថា ឆ្នាំនេះបន្លែឡើងថ្លៃគ្រប់មុខទាំងអស់ ដូចជាត្រសក់ដែលនាំមកពីខេត្តកំពង់ស្ពឺ បានថ្លៃ១គីឡូក្រាម១៥០០រៀល និងត្រប់ស្រួយ ១៥០០រៀល ដែលឆ្នាំមុនកន្លងមកតម្លៃ៣០០ទៅ៤០០រៀលតែប៉ុណ្ណោះ។
គួរបញ្ជាក់ថា ផ្សារដើមគរ គឺជាទីផ្សារបន្លែធំសម្រាប់ចែកចាយនៅទូទាំងប្រទេស ។ ចំណែកការតាំងលក់បន្លែនេះ មិនមែនស្ថិតនៅក្នុងផ្សារដើមគរទេ គឺលក់នៅតាមដងផ្លូវព្រះមុនីរ៉េតខាងកើតផ្សារ និងតាមផ្លូវនានានៅសង្កាត់ទួលស្វាយព្រៃ២ ដែលការដាក់តាំងលក់ នេះចាប់ពីរសៀលរហូត់ដល់ភ្លឺ ហើយបង្កឱ្យមានការកក់ស្ទះចរាចរណ៍ផងដែរ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព៕ (កែសម្រួលដោយ ៖ បុប្ផា)
ចែករំលែកព័តមាននេះ