មិនថា ក្នុងស្ថានការណាទេ មនុស្សជាទូទៅតែងតែត្រួតពិនិត្យមើលលុយឡើងវិញពេលដែលមានបញ្ហាអ្វីមួយ ។ ហើយការធ្វើដូច្នេះអាចបង្កជាអារម្មណ៍ស្ត្រេសព្រោះតែរឿងលុយ ។ បូកផ្សំជាមួយនឹងការព្រួយបារម្ភខណៈដែលប្រទេសកំពុងតែទប់ទល់នឹងការផ្ទុះកូវីដ១៩ នេះទៀត ការស្ត្រេសព្រោះតែរឿងលុយអាចបង្កបញ្ហាជាច្រើនដែលរួមមានបញ្ហាដល់សុខភាពរបស់អ្នកផងដែរ ។…
មិនថា ក្នុងស្ថានការណាទេ មនុស្សជាទូទៅតែងតែត្រួតពិនិត្យមើលលុយឡើងវិញពេលដែលមានបញ្ហាអ្វីមួយ ។ ហើយការធ្វើដូច្នេះអាចបង្កជាអារម្មណ៍ស្ត្រេសព្រោះតែរឿងលុយ ។ បូកផ្សំជាមួយនឹងការព្រួយបារម្ភខណៈដែលប្រទេសកំពុងតែទប់ទល់នឹងការផ្ទុះកូវីដ១៩ នេះទៀត ការស្ត្រេសព្រោះតែរឿងលុយអាចបង្កបញ្ហាជាច្រើនដែលរួមមានបញ្ហាដល់សុខភាពរបស់អ្នកផងដែរ ។
ដោយហេតុដូចនេះទើបអ្នកត្រូវបង្កើតទម្លាប់ល្អៗដែលជួយកាត់បន្ថយការស្ត្រេសព្រោះតែរឿងលុយ និងពង្រឹងស្មារតីឡើងវិញដើម្បីអាចឆ្លងផុតគ្រោះមួយនេះដោយរលូន។
ជំហានដំបូងដែលអ្នកត្រូវធ្វើគឺការពិនិត្យមើលចំណាយនិងចំណូលរបស់អ្នកជារៀងរាល់ថ្ងៃ ឬសប្តាហ៍ មិនមែនពិនិត្យតែពេលមានបញ្ហាទេ។ អ្នកគួរតែរួមបញ្ចូលវាទៅក្នុងទម្លាប់ប្រចាំថ្ងៃរបស់អ្នករហូតដល់អ្នកអាចធ្វើវាដោយស្វ័យប្រវត្តិបាន។ ការធ្វើដូច្នេះជួយឲ្យអ្នកយល់ដឹងច្បាស់ពីចំណាយ និងចំណូល ដែលជួយជៀសវាងការព្រួយបារម្ភព្រោះតែអ្នកមិនដឹងច្បាស់ពីស្ថានការហិរញ្ញវត្ថុរបស់ខ្លួន។
អ្នកអាចបង្កើតបរិស្ថានដែលធូរអារម្មណ៍ពេលដែលអ្នកពិនិត្យមើលស្ថានការហិរញ្ញវត្ថុរបស់ខ្លួន ឬគ្រួសារ និងកំណត់ពេលវេលាឲ្យបានច្បាស់លាស់។ ប្រសិនបើអាច អ្នកគួរតែសាកល្បងកត់ត្រាទុកនូវគំនិត និងអារម្មណ៍របស់អ្នកពេលដែលអ្នកពិនិត្យចំណាយ និងចំណូលផងដែរ។
ការកត់ត្រាទុកនេះជួយឲ្យអ្នកយល់ដឹងបន្ថែមពីអ្វីពិតប្រាកដែលធ្វើឲ្យអ្នកមានអារម្មណ៍ស្ត្រេស និងព្រួយបារម្ភច្រើនជាងគេ និងរកវិធីដើម្បីដោះស្រាយវាបានលឿននិងមានប្រសិទ្ធិភាព។
អ្នកជំនាញផ្នែកហិរញ្ញវត្ថុម្នាក់បានផ្តល់យោបល់ឲ្យអ្នកស្តាប់បទចម្រៀងដែលអ្នកចូលចិត្ត និងកត់ត្រាពីគោលដៅសំខាន់ៗដែលអ្នកចង់សម្រេចផងដែរ។ បន្ទាប់មកទៀត អ្នកក៏អាចឈ្លាតឱកាសគិតពីគំនិតថ្មីៗដើម្បីរកចំណូលបន្ថែមទៀតផង។
ការបង្កើតទម្លាប់ខាងលើសម្រាប់ខ្លួនជួយឲ្យអ្នកស្ងប់អារម្មណ៍ជាងមុន ព្រោះអ្នកឈប់គេចវេសបញ្ហា និងទទួលយកស្ថានការហិរញ្ញវត្ថុរបស់ខ្លួន៕
ចែករំលែកព័តមាននេះ