ខេត្តកំពង់ឆ្នាំង៖ សត្វគោ-ក្របីជាច្រើនក្បាលដឹកតាមរថយន្តធុនធំចំនួន៤គ្រឿង ត្រូវបានមន្ត្រីការិយាល័យ ផលិតកម្មបសុព្យាបាលរបស់មន្ទីរកសិកម្ម រុក្ខាប្រម៉ាញ់និងនេសាទ ខេត្តកំពង់ឆ្នាំង សហការជាមួយនាយកដ្ឋានធ្វើការចាប់ឃាត់ជាបន្តបន្ទាប់ ខណៈរថយន្តខាងលើ ដឹកគ្មានច្បាប់បញ្ជាក់ពីមន្ត្រីជំនាញ និងដឹកលើសច្បាប់ដែលបានស្នើសុំ។…
ខេត្តកំពង់ឆ្នាំង៖ សត្វគោ-ក្របីជាច្រើនក្បាលដឹកតាមរថយន្តធុនធំចំនួន៤គ្រឿង ត្រូវបានមន្ត្រីការិយាល័យ ផលិតកម្មបសុព្យាបាលរបស់មន្ទីរកសិកម្ម រុក្ខាប្រម៉ាញ់និងនេសាទ ខេត្តកំពង់ឆ្នាំង សហការជាមួយនាយកដ្ឋានធ្វើការចាប់ឃាត់ជាបន្តបន្ទាប់ ខណៈរថយន្តខាងលើ ដឹកគ្មានច្បាប់បញ្ជាក់ពីមន្ត្រីជំនាញ និងដឹកលើសច្បាប់ដែលបានស្នើសុំ។ កិច្ចប្រតិបត្តិការបង្ក្រាបនេះ ធ្វើឡើងតាមបណ្តោយផ្លូវជាតិលេខ៥ ក្នុងភូមិសាស្ត្រខេត្តកំពង់ឆ្នាំងនៅយប់ថ្ងៃទី០១ និងរំលងអធ្រាត្រ ឈានចូលថ្ងៃទី២ ឧសភា ឆ្នាំ២០២០ ។
លោក ក្រឹង សំអាត ប្រធានការិយាល័យ ផលិតកម្ម និងបសុព្យាបាល ខេត្តកំពង់ឆ្នាំងបានបញ្ជាក់ថា ការចាប់ឃាត់រថយន្តដឹកគោ ក្របីចំនូន៤រថយន្តនេះ មានបទល្មើសចំនួន២ករណី ទី១-គឺការដឹកជញ្ជូនដោយគ្មានលិខិតបញ្ជាក់ការត្រួតពិនិត្យសុខភាពសត្វ ដែលចេញដោយមន្ត្រីជំនាញ ។ គឺមានន័យថារាល់ការដឹកជញ្ជូនសត្វពាហនៈឆ្លងកាត់ ពីខេត្តមួយទៅខេត្តមួយ ត្រូវមានលិខិតបញ្ជាក់ពីមន្ត្រីជំនាញ ដែលបានបញ្ជាក់សត្វគ្មានជំងឺ ។
ទី២-គឺដឹកលើសចំនួនច្បាប់ ដែលបានស្នើសុំដឹកជញ្ជូន ។ ជាក់ស្តែងក្នុងរថយន្តចំនូន៤គ្រឿងនេះ មាន សត្វ គោ ក្របី សារុប ចំនួន១៩២ក្បាល ក្នុងនោះសត្វគោចំនួន៩២ក្បាល និងក្របីចំនួន១០០ក្បាល ប៉ុន្តែ ក្នុងលិខិតអនុញ្ញាត្តិច្បាប់ មានតែចំនួន១១៨ក្បាលប៉ុណ្ណោះ គឺលើសគោក្របីសរុប ចំនួន ៧៤ក្បាល។គោក្របី ដែលមន្ត្រីជំនាញចាប់គឺជារបស់ក្រុមហ៊ុន អង្គរសុខសែនជ័យ ដែលក្នុងនោះ៣រថយន្តដឹកពីប្រទេសថៃ និង១រថយន្តដឹកចេញពីខេត្តបាត់ដំបង គោលដៅគឺដឹកទៅប្រទេសវៀតណាម ។
ប្រធានការិយាល័យ ពេទ្យសត្វរូបនោះបានបន្តថា៖ ទិសដៅបន្ត ត្រូវបូមឈាម សត្វគោ ក្របីទាំងអស់ យកទៅពិនិត្យនៅក្រសួងបើឃើញថា៖ គ្មានជម្ងឺទេ ត្រូវឱយក្រុមហ៊ុនធ្វើការបង់ផាកពិន័យក្នុងការដឹកជញ្ជូនគ្មានលិខិតបញ្ជាក់ពីមន្ត្រីជំនាញពេទ្យសត្វ ។ប៉ុន្តែបើរកឃើញថា៖មានជម្ងឺឆ្លងមន្ត្រីជំនាញ និងបន្តធ្វើការជំនាញរបស់ខ្លួន ។ ដោយឡែក ការដឹកជញ្ជូនលើច្បាប់កំណត់ដែលបានស្នើសុំ ត្រូវផាកពិន័យចំនួនសត្វដែលបានដឹកលើស ។
គួររំលឹកដែរថា មិនមែនតែសត្វគោក្របីទេដែលដឹកតាមផ្លូវជាតិលេខ៥ ពីប៉ែកខាងលិចប្រទេស ទៅប៉ែកខាងកើត សត្វជ្រូកក៏មានការដឹកជញ្ជូនយ៉ាងគគ្រឹកគគ្រេងដែរ ខ្លះក៏មានច្បាប់ ខ្លះក៏អត់ច្បាប់ តែខ្លះមានច្បាប់ហើយគឺដឹកលើសចំនួនដែលបានស្នើសុំ ។ ហើយសត្វជ្រូកទាំងនោះធាតុពិតគឺដឹកចេញពីប្រទេសថៃ ចូលមកកម្ពុជា រួចស្តុបនៅតាមព្រុំដែន ដែលមានកសិដ្ឋានចិញ្ជឹមជ្រូកដែលមានតែឈ្មោះ ដើម្បីបន្លំភ្នែកថា ជាជ្រូកខ្មែរ តែធាតុពិតជ្រូកនាំចូលពីប្រទេសថៃ ។ ការជ្រូកនាំចូលបែបនេះ មានរថយន្តជាច្រើនគ្រឿងដឹកជារៀងរាលថ្ងៃ ពុំដែលឃើញមន្ត្រីជំនាញបង្ក្រាបឡើយ។
ចែករំលែកព័តមាននេះ