លោក សៀក ពិសិទ្ធ បុគ្គលិកលក់មីឆាបានកែប្រែវាសនា ដែលធ្វើការឱ្យគេអស់រយៈពេល៣ឆ្នាំមកជាម្ចាស់អាជីវកម្មខ្នាតតូច នៅម្តុំផ្សារទំនើបអុីអន១ ក្រោយមានទុន៥០លានរៀលដែលឈ្នះពីក្រវិលកំប៉ុងភេសជ្ជៈប៉ូវកម្លាំង វើក WURKZ ។…
លោក សៀក ពិសិទ្ធ បុគ្គលិកលក់មីឆាបានកែប្រែវាសនា ដែលធ្វើការឱ្យគេអស់រយៈពេល៣ឆ្នាំមកជាម្ចាស់អាជីវកម្មខ្នាតតូច នៅម្តុំផ្សារទំនើបអុីអន១ ក្រោយមានទុន៥០លានរៀលដែលឈ្នះពីក្រវិលកំប៉ុងភេសជ្ជៈប៉ូវកម្លាំង វើក WURKZ ។
ថៅកែក្មេងអាយុ២១ឆ្នាំ ដែលបច្ចុប្បន្នស្នាក់នៅសង្កាត់ទន្លេបាសាក់ ខណ្ឌចំការមនបានឱ្យដឹងថា៖ «វាពិតជាមហាសំណាងសម្រាប់ជីវិតខ្ញុំមែន ។ គ្រាន់តែមួយប៉ប្រិចភ្នែក ខ្ញុំអាចបង្កើតមុខរបរមួយដែលខ្ញុំមានជំនាញស្រាប់ហើយ ដែលតែងតែប៉ងប្រាថ្នាចង់មានរបរនេះជារបស់ខ្លួនយូរមកហើយ បានសម្រេចក្នុងវ័យប៉ុណ្ណេះ» ។
លោករំលឹកការឈ្នះថា៖ «ដំបូងឡើយ ខ្ញុំទិញវើក WURKZ ត្រឹម១កំប៉ុង ហូបពេលរសៀលម៉ោងប្រហែល៤ រួចក៏ត្រូវរង្វាន់១កំប៉ុង ខ្ញុំក៏យកទៅដូរ ស្រាប់តែកំប៉ុងដូរនោះឈ្នះបានទឹកប្រាក់៥ពាន់រៀល ហើយក៏យកទៅដូរ និងទិញថែមផ្តាច់មួយកំប៉ុងដែលនៅសល់ពីអ្នកលក់នោះស្រាប់តែគាស់ឈ្នះបាន ៥០លានរៀល ពីកំប៉ុងដូរចុងក្រោយនោះតែម្តង» ។
លោកបន្តថា៖ «ខ្ញុំសឹងមិនជឿនឹងភ្នែកខ្លួនឯង ។ អ៊ីចឹងហើយកាលថ្ងៃឈ្នះនោះ ខ្ញុំក្តាប់ក្រវិលកំប៉ុងជាប់រត់ទៅសួរអ្នកលក់ ឡើងគេផ្អើលពេញភូមិរត់មកឱបខ្ញុំ ជួយអរខ្ញុំគ្រប់គ្នា»៕
ចែករំលែកព័តមាននេះ