កម្ពុជានៅសល់តែ២នាក់ខណៈព្រឹកនេះព្យាបាលជាសះស្បើយ ១នាក់ទៀត
- ភ្នំពេញ
រាជធានីភ្នំពេញ ៖ រហូតដល់ម៉ោង ៧:៣០នាទីព្រឹក ថ្ងៃទី២ ឧសភា ២០២០ យើងពុំរកឃើញករណីជំងឺ COVID-19 ថ្មីទេ…
រាជធានីភ្នំពេញ ៖ រហូតដល់ម៉ោង ៧:៣០នាទីព្រឹក ថ្ងៃទី២ ឧសភា ២០២០ យើងពុំរកឃើញករណីជំងឺ COVID-19 ថ្មីទេ ជាសរុបប្រទេសយើងមានករណីជំងឺកូវីដ១៩ ចំនួន១២២ករណីដដែល និងមានករណីជាសះស្បើយថ្មី ១ករណីទៀត ដូច្នេះករណីជាសះស្បើយសរុបមានចំនួន១២០នាក់ និងអ្នកជំងឺនៅសល់សំរាកព្យាបាលនៅពេទ្យចំនួន ២នាក់ប៉ុណ្ណោះ ។ នេះបើយោងតាមផេកក្រសួងសុខាភិបាលចេញផ្សាយនៅថ្ងៃទី០២ ខែឧសភានេះ ។
ពិតមែនតែពុំរកឃើញករណីថ្មីក៏ដោយ សូមបងប្អូនបន្តប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ ។
សូមបញ្ជាក់ថា ប្រទេសយើងរកឃើញករណីជំងឺកូវីដ១៩ដំបូងបំផុតនៅថ្ងៃទី ២៧ មករា ២០២០ ៕
ចែករំលែកព័តមាននេះ