រដ្ឋាភិបាលនឹងរំសាយលីគ Serie A បើក្លិប និងអ្នកជំនាញសុខភាព មិនចុះសម្រុងគ្នា
ប្រទេសអុីតាលី ៖ រដ្ឋមន្ត្រីកីឡាលោក Vincenzo Spadafora បាននិយាយថា រដ្ឋាភិបាលនឹងសម្រេចលុបចោលក្របខ័ណ្ឌ Serie A រដូវកាលនេះ…
ប្រទេសអុីតាលី ៖ រដ្ឋមន្ត្រីកីឡាលោក Vincenzo Spadafora បាននិយាយថា រដ្ឋាភិបាលនឹងសម្រេចលុបចោលក្របខ័ណ្ឌ Serie A រដូវកាលនេះ…
ប្រទេសអុីតាលី ៖ រដ្ឋមន្ត្រីកីឡាលោក Vincenzo Spadafora បាននិយាយថា រដ្ឋាភិបាលនឹងសម្រេចលុបចោលក្របខ័ណ្ឌ Serie A រដូវកាលនេះ ប្រសិនបើមិនមានកិច្ចព្រមព្រៀងគ្នាស្តីពីដំណើរការដោះស្រាយការចាប់ផ្តើមលីគឡើងវិញរវាងក្លិប និងអ្នកជំនាញសុខភាព ។
លីគបាល់ទាត់អុីតាលីត្រូវបានផ្អាកចាប់តាំងពីថ្ងៃទី ៩ ខែ មីនា ដោយសារតែការរាតត្បាតពីមេរោគកូវីដ-១៩ ។ បើទោះបីជាវាត្រូវបានគេសង្ឃឹមថា នឹងអាចចាប់ផ្តើមការហ្វឹកហាត់ឡើងវិញនៅដើមខែ ឧសភា ប៉ុន្តែបញ្ហាជាបន្តបន្ទាប់បាននាំឲ្យមានភាពមិនចុះសម្រុងគ្នាមួយរវាងសហព័ន្ធបាល់ទាត់អ៊ីតាលី (FIGC) និង អាជ្ញាធរពាក់ព័ន្ធ ។
លោក Spadafora បានប្រាប់ទៅកាន់វិទ្យុក្នុងស្រុក Rai កាលពីថ្ងៃព្រហស្បតិ៍ថា «យើងនឹងបញ្ជាក់វាយ៉ាងច្បាស់ ។ ប្រសិនបើភាគីទាំងអស់ព្រមព្រៀងលើពិធីសារក្នុងការហ្វឹកហាត់ ហើយលទ្ធផលបន្ទាប់វានឹងក្លាយជាសញ្ញាវិជ្ជមាន ទាក់ទងនឹងការចាប់ផ្តើមលីគឡើងវិញ ប៉ុន្តែប្រសិនបើគ្មានកិច្ចព្រមព្រៀង នោះយើងនឹងធ្វើការប្រកាសលុបចោលលីគរដូវកាលនេះតែម្តង» ។
កាលពីថ្ងៃពុធលោក Spadafora ធ្លាប់បានបញ្ជាក់ប្រាប់ទៅកាន់ទូរទស្សន៍ឯកជន La7 ថាលោកមានជំនឿថាលីគ Serie A ទំនងជាមិនអាចបញ្ចប់យុទ្ធនាការរដូវកាលនេះបានទេ «ខ្ញុំមើលឃើញពីផ្លូវដ៏តូចចង្អៀតកាន់តែខ្លាំងឡើង សម្រាប់ការបន្តដំណើរការនៃក្របខ័ណ្ឌ Serie A ។ ប្រសិនបើខ្ញុំជាប្រធានក្លិប ខ្ញុំនឹងផ្តោតលើរដូវកាលក្រោយវិញ» ។
សូមរំលឹកជូនថា លីគបាល់ទាត់ប្រទេសបារាំង និងហូឡង់បានសម្រេចធ្វើការប្រកាស រំសាយលីគរដូវកាលនេះរបស់ខ្លួនរួចរាល់ហើយ ខណៈដែលលីគកំពូលអង់គ្លេស អេស្ប៉ាញ និងអ៊ីតាលីផ្ទាល់ សុទ្ធតែបង្ហាញគោលជំហររបស់ពួកគេ ចង់បញ្ចប់លីគបាល់ទាត់រដូវកាលនេះ ៕ (ដកស្រង់ចេញពី AS)
ចែករំលែកព័តមាននេះ