រាជធានីភ្នំពេញ ៖ ប្រិយមិត្តទស្សនិកជនមួយចំនួនប្រហែលជានៅចាំឈ្មោះតារាសម្តែងផ្កាយ វលក្ខណ៍ ដែលធ្លាប់សាងស្នាដៃសិល្បៈអំឡុងមានឈ្មោះបោះសំឡេង។ អ្នកនាងបានចាកឆ្ងាយសិល្បៈជាច្រើនឆ្នាំ ក្រោយជួបស្នេហ៍ ហើយក៏ទទួលបានកូនប្រុសម្នាក់ និងស្រីម្នាក់។ យ៉ាងណាមិញ…
រាជធានីភ្នំពេញ ៖ ប្រិយមិត្តទស្សនិកជនមួយចំនួនប្រហែលជានៅចាំឈ្មោះតារាសម្តែងផ្កាយ វលក្ខណ៍ ដែលធ្លាប់សាងស្នាដៃសិល្បៈអំឡុងមានឈ្មោះបោះសំឡេង។ អ្នកនាងបានចាកឆ្ងាយសិល្បៈជាច្រើនឆ្នាំ ក្រោយជួបស្នេហ៍ ហើយក៏ទទួលបានកូនប្រុសម្នាក់ និងស្រីម្នាក់។ យ៉ាងណាមិញ ផ្កាយ វលក្ខណ៏ នៅតែចិញ្ចឹមចិត្តបោះជំហានក្នុងសិល្បៈឡើងវិញ ប្រសិនបើមានពេលទំនេរ ព្រោះញឹកញយនាងប្រាប់អ្នកសិល្បៈថា ចង់វិលមកវិញ។
ផ្កាយ វលក្ខណ៍ ជាតារាធ្លាប់ចែងចាំង មានឈ្មោះអំឡុងជិត១០ឆ្នាំមុន ដោយប្រមូលបាន ការងារសម្តែង ផ្នែកថតខារ៉ាអូខេ ច្រើនលើសលុបឱ្យផលិតកម្មក្រៅស្រុក។ អ្នកនាងក៏មានឱកាសចេញទៅសម្តែងនៅក្រៅប្រទេសជាញឹកញាប់ ដូចជាបារាំង អូស្ត្រាលី អាមេរិកជាដើម។ មានឈ្មោះ មានសម្រស់ ផ្កាយ វលក្ខណ៏ មិនទទួលយកស្នេហ៍បុរសក្រៅស្រុកនោះទេ ពោលគឺអ្នកនាងបានប្រគល់ស្នេហ៍ឱ្យ អ្នកក្នុងស្រុក។
យ៉ាងណាមិញពេលនេះ អ្នកនាងក្រៅពីមើលថែទាំជីវិតក្នុងរង្វង់គ្រួសារ ក៏ឃើញឆ្លៀត ពេលចូលរួមតាមកម្មវិធីនានារបស់មិត្តសិល្បករ ដូចជាជប់លៀង ខួបកំណើត ពិធីមង្គលការជាដើម។ អ្វីដែលប្លែកអ្នកនាងនៅតែស្អាត ហើយជីវភាពហ៊ឺហារ បង្ហាញស្នាមញញឹម ឱ្យសិល្បៈជំនាន់ក្រោយមើលឃើញ។
បើរំលឹកឡើងវិញឱ្យកាន់តែឫសគល់នោះ អ្នកនាង ផ្កាយវលក្ខណ៍ ក៏ជាអតីតក្រុមកំប្លែងជាមួយនាយក្រឹមដ៏ជំនាញម្នាក់ដែលមានថ្វីមាត់និយាយយ៉ាងគួរឱ្យចាប់អារម្មណ៍។
ហើយនៅពេលសួរនាំរឿងចូលសិល្បៈជាថ្មី អ្នកនាងថា នៅតែត្រៀមចិត្ត តែរង់ចាំបញ្ហាកូវីដ១៩ស្ងប់សិន ទើបគិត ។ ម្យ៉ាងក្រុមផលិតករនានា ក៏គេចាំឱ្យស្ងាត់កូវីដ១៩ ទើបសម្រុកថតឡើងវិញ។ ដូចនេះនាងរំពឹងថា ក្រោយស្ងប់បរិយាកាសកូវីដ១៩ សិល្បករទាំងអស់ និងមានការងារធ្វើឡើងវិញពេញដៃជើងម្តងទៀត ហើយកុំភ្លេចរក្សាអនាម័យឱ្ បានខ្ពស់មិនអាចធ្វេសប្រហែសបានឡើយ។ (កែសម្រួលដោយ ៖ បុប្ផា)
ចែករំលែកព័តមាននេះ