ប្រទេសរុស្សុី៖ នាយករដ្ឋមន្ដ្រីរុស្សុីលោកមីខាអីុល មីឈូស្ទីន ប្រកាសនាថ្ងៃទី៣០មេសា ថាលោកត្រូវឆ្លងវីរុសCOVID-19 ខណៈរុស្សុីមានអ្នកឆ្លងកើនដល់លើសពី១០០.០០០នាក់និងអ្នកស្លាប់កើនដល់ជាង១.០០០នាក់ហើយ។ ប្រទេសនេះជួបប្រទះនឹងការឆ្លងប្រចាំថ្ងៃឡើងដល់កំពូលថ្មី។ នៅក្នុងវីដេអូខេនហ្វេរេនមួយ ជាមួយប្រធានាធិបតីរុស្សុីលោកវ្ល៉ាឌីមៀរ ពូទីន…
ប្រទេសរុស្សុី៖ នាយករដ្ឋមន្ដ្រីរុស្សុីលោកមីខាអីុល មីឈូស្ទីន ប្រកាសនាថ្ងៃទី៣០មេសា ថាលោកត្រូវឆ្លងវីរុសCOVID-19 ខណៈរុស្សុីមានអ្នកឆ្លងកើនដល់លើសពី១០០.០០០នាក់និងអ្នកស្លាប់កើនដល់ជាង១.០០០នាក់ហើយ។ ប្រទេសនេះជួបប្រទះនឹងការឆ្លងប្រចាំថ្ងៃឡើងដល់កំពូលថ្មី។
នៅក្នុងវីដេអូខេនហ្វេរេនមួយ ជាមួយប្រធានាធិបតីរុស្សុីលោកវ្ល៉ាឌីមៀរ ពូទីន លោកមីឈូស្ទីន អាយុ៥៤ឆ្នាំគូសបញ្ជាក់ថា លោកនឹងស្ថិតនៅដាច់ពីគេ និងស្នើតែងតាំងនាយករដ្ឋមន្ត្រីស្ដីទី១រូប។ ភ្លាមៗក្រិត្យផ្លូវការតែងតាំងលោកអានដ្រេប៊ីឡូអូសសូវ ដែលមកទល់ពេលនេះ ជាឧបនាយករដ្ឋមន្ត្រី ជានាយករដ្ឋមន្ត្រីស្ដីទីត្រូវបានចុះហត្ថលេខាដោយប្រធានាធិបតី។ លោកពូទីនក៏ជូនពរផងដែរឲ្យលោកមីឈូស្ទីន ឆាប់បានជាសះស្បើយឡើងវិញនិងសង្ឃឹមថា លោកនឹងនៅតែមានលទ្ធភាពធ្វើការ និងចូលរួមដោយសកម្ម ក្នុងការធ្វើសេចក្ដីសម្រេចចិត្តនានារបស់រដ្ឋាភិបាល។
លោកពូទីនអាយុ៦៧ឆ្នាំមិនត្រូវបានគេឃើញនៅក្បែរនាយករដ្ឋមន្ត្រីលោក ចាប់តាំងពីថ្ងៃទី២៤មេសាមក។ ការឆ្លងវីរុសរបស់នាយករដ្ឋមន្ត្រីរុស្សុីជួនពេលគ្នា ជាមួយតួលេខថ្មីគួរឲ្យព្រួយបារម្ភនៃការឆ្លងវីរុសនៅក្នុងប្រទេស ។
យោងតាមវេបសាយព័ត៌មានរបស់រដ្ឋាភិបាលថា ជំងឺនោះបណ្ដាលឲ្យមនុស្សស្លាប់ឡើងដល់១.០៧៣នាក់ ហើយអ្នកឆ្លងកើនដល់១០៦.៤៩៨នាក់ ភាគច្រើននៅក្រុងមូស្គុ តំបន់ទីក្រុងនោះនិងក្រុងសាំងប៉េទ័រស្បួរ ជាទីក្រុងធំទី២របស់ប្រទេស។ ម្្យ៉ាងវិញទៀតអ្នកឆ្លងថ្មី៧.០៩៩នាក់ត្រូវបានជំរឿនឃើញ រយៈពេល២៤ម៉ោងចុងក្រោយនេះ ដែលនោះជាតួលេខដ៏ខ្ពស់មួយកត់សម្គាល់ឃើញ តាំងពីចាប់ផ្ដើមការឆ្លងមក៕
ចែករំលែកព័តមាននេះ