ប្រទេសអង់គ្លេស ៖ សត្វស្វាចំនួន៦ក្បាល ដែលត្រូវបានចាក់វ៉ាក់សាំងការពារជំងឺកូវីដ១៩ ដែលត្រូវបានបង្កើតឡើងដោយអ្នកស្រាវជ្រាវមកពីសាកលវិទ្យាល័យ Oxford មិនបានឆ្លងវីរុសនេះទេ ទោះបីជាមានការប៉ះពាល់ខ្លាំងក៏ដោយ។ នេះគឺជាសញ្ញាជោគជ័យមួយសម្រាប់វ៉ាក់សាំងដែលអាចត្រូវបានប្រើសម្រាប់មនុស្ស។ កាសែត…
ប្រទេសអង់គ្លេស ៖ សត្វស្វាចំនួន៦ក្បាល ដែលត្រូវបានចាក់វ៉ាក់សាំងការពារជំងឺកូវីដ១៩ ដែលត្រូវបានបង្កើតឡើងដោយអ្នកស្រាវជ្រាវមកពីសាកលវិទ្យាល័យ Oxford មិនបានឆ្លងវីរុសនេះទេ ទោះបីជាមានការប៉ះពាល់ខ្លាំងក៏ដោយ។ នេះគឺជាសញ្ញាជោគជ័យមួយសម្រាប់វ៉ាក់សាំងដែលអាចត្រូវបានប្រើសម្រាប់មនុស្ស។
កាសែត The Times បានរាយការណ៍ថា សត្វស្វាប្រភេទនេះ ត្រូវបានការពារដោយវ៉ាក់សាំង ដែលផលិតដោយវិទ្យាស្ថាន Jenner និងក្រុមវ៉ាក់សាំង Oxford ដែលជាផ្នែកមួយនៃការពិសោធន៍ ដែលធ្វើឡើងនៅចុងខែមីនា ដោយអ្នកស្រាវជ្រាវរដ្ឋាភិបាលនៅមន្ទីរពិសោធន៍ Rocky Mountain នៃវិទ្យាស្ថានជាតិសុខាភិបាលនៅ Montana។
បន្ទាប់មកសត្វស្វាទាំងនេះ ត្រូវបានប៉ះពាល់ទៅនឹងវីរុសកូវីដ១៩ជាច្រើនដង តែក្រោយរយៈពេល២៨ថ្ងៃមក វានៅតែមិនមានជំងឺ។ លោក Vincent Munster ប្រធានអង្គភាពអេកូឡូស៊ីវីរុសនៅមន្ទីរពិសោធន៍បានប្រាប់កាសែត The Times ថា៖ «ស្វាម៉ាស្កាសរូហ្សិត គឺជាសត្វដែលស្រដៀងនឹងមនុស្សបំផុត»។
ការសាកល្បងវ៉ាក់សាំងរបស់មនុស្សដែលមានឈ្មោះថា ChAdOx1 nCoV-19 កំពុងដំណើរការហើយ ដោយមានតេស្តសំរាប់មនុស្សជាង ៦០០០នាក់នៅចុងខែក្រោយ។ ក្រុមអ្នកស្រាវជ្រាវមានសុទិដ្ឋិនិយមថា ប្រសិនបើការសាកល្បងបង្ហាញថា មានសុវត្ថិភាព និងប្រសិទ្ធភាព ហើយអាចប្រើបាននៅខែកញ្ញា។
គួរបញ្ជាក់ផងដែរថា វ៉ាក់សាំងសម្រាប់ជំងឺកូវីដ១៩ ចំនួន៨០ប្រភេទ កំពុងស្ថិតក្នុងការអភិវឌ្ឍ ហើយមន្ត្រីសុខភាពសាធារណៈបាននិយាយថា វ៉ាក់សាំងមួយអាចចំណាយពេលពី ១២ ទៅ ១៨ខែ មុនពេលវាចេញលក់បានទូលំទូលាយ៕ ដកស្រង់ចេញពីវេបសាយ ៖ changing (កែសម្រួលដោយ ៖ បុប្ផា)
ចែករំលែកព័តមាននេះ