ទោះបីជួបបញ្ហាកូវីដ ១៩ តែការនាំចេញកៅស៊ូទៅក្រៅប្រទេសនៅតែកើនឡើង
- ភ្នំពេញ
រាជធានីភ្នំពេញ ៖ នៅក្នុងរយៈពេល ១ត្រីមាសដើមឆ្នាំ ២០២០នេះ ជាពេលដែលពិភព លោកកំពុងជួបបញ្ហានូវជំងឺកូវីដ ១៩ ក្នុងនោះ បណ្ដាវិស័យជាច្រើនបានប៉ះពាល់…
រាជធានីភ្នំពេញ ៖ នៅក្នុងរយៈពេល ១ត្រីមាសដើមឆ្នាំ ២០២០នេះ ជាពេលដែលពិភព លោកកំពុងជួបបញ្ហានូវជំងឺកូវីដ ១៩ ក្នុងនោះ បណ្ដាវិស័យជាច្រើនបានប៉ះពាល់…
រាជធានីភ្នំពេញ ៖ នៅក្នុងរយៈពេល ១ត្រីមាសដើមឆ្នាំ ២០២០នេះ ជាពេលដែលពិភព លោកកំពុងជួបបញ្ហានូវជំងឺកូវីដ ១៩ ក្នុងនោះ បណ្ដាវិស័យជាច្រើនបានប៉ះពាល់ និងធ្វើ ឱ្យចរន្តសេដ្ឋកិច្ចរបស់ប្រទេសនីមួយៗបានធ្លាក់ចុះជាបន្តបន្ទាប់ ។ ដោយឡែកសម្រាប់ កម្ពុជាក៏ដូច្នោះដែរ ក្នុងនោះការនាំចេញក៏បានប៉ះពាល់ធ្ងន់ធ្ងរដែរ ក៏ប៉ុន្តែសម្រាប់ការនាំ ចេញកៅស៊ូរបស់កម្ពុជាទៅកាន់ទីផ្សារក្រៅប្រទេស ក្នុងរយៈពេលបីខែនេះ បានកើនឡើង ប្រមាណ ១០ភាគរយ ។
យោងតាមរបាយការណ៍របស់ក្រសួងកសិកម្មរុក្ខាប្រមាញ់ និងនេសាទ បានឱ្យដឹងថា គិត ត្រឹមដំណាច់ខែមីនា ២០២០នេះ ការនាំចេញកៅស៊ូទៅកាន់ទីផ្សារក្រៅប្រទេស មានចំនួន ប្រមាណ ៥៣.០៥៧តោន បានកើនឡើងចំនួនជាង៥ ពាន់តោន ហើយបើធៀបនឹងរយៈ ពេលដូចគ្នាកាលពីឆ្នាំ ២០១៩ បានកើនឡើងប្រមាណ ១០ភាគរយ ។
របាយការណ៍ដដែលនេះបានបង្ហាញផងដែរពីតម្លៃកៅស៊ូក្នុងត្រីមាសទី ១ ឆ្នាំ ២០២០ គឺ ក្នុងមត្លៃប្រមាណ ១.៤២០ដុល្លារអាមេរិកក្នុងមួយតោន បើធៀបនឹងត្រីមាសទី ១ឆ្នាំមុន តម្លៃនេះបានកើនឡើងប្រមាណ ១៤១ដុល្លារអាមេរិកក្នុងមួយតោន ឬប្រមាណ ១១ភាគ រយ ។ ដោយឡែកក្នុងខែមីនា តម្លៃកៅស៊ូលក់ចេញបានប្រមាណ ១៣៩៧ដុល្លារអាមេរិក ក្នុងមួយតោន ថយចុះប្រមាណ ១៧ដុល្លារអាមេរិកក្នុងមួយតោន ឬស្មើនឹងប្រមាណ ១,២១ ភាគរយ បើធៀបនឹងខែកុម្ភៈ ឆ្នាំ ២០២០ តែបើធៀបនឹងខែមីនា ឆ្នាំ ២០១៩គឺតម្លៃនេះកើន ឡើងប្រមាណ ៣៥ដុល្លារអាមេរិក ឬ ៣ភាគរយ ។
របាយការណ៍នេះក៏បានបង្ហាញពីផ្ទៃដីដាំកៅស៊ូសរុបប្រមាណ ៤០៥.៤៨៥ហិចតា ដែល ក្នុងនោះផ្ទៃដីចៀរជ័រកៅស៊ូមានប្រមាណ ២៥០.៧៥០ហិចតា ស្មើនឹងប្រមាណ ៦២ភាគរយ និងផ្ទៃដីកំពុងថែទាំមានចំនួន ១៥៤.៧៣៥ហិចតា ស្មើនឹងប្រមាណ ៣៨ភាគរយ ។ ក្នុងចំណោមផ្ទៃដីទទួលផលទាំងអស់ ក្នុងរយៈពេល ៣ខែនេះ ទទួលបានផលកៅស៊ូសរុប ប្រមាណ ៥៣.២៧២តោន កើនឡើង ៥.០៨៩ ស្មើនឹងប្រមាណ ១១ភាគរយធៀបនឹងរយៈ ពេលដូចគ្នាកាលពីឆ្នាំមុន ។
បើតាមលោក ខេង សេងឡាំង ម្ចាស់ចំការកៅស៊ូនៅខេត្តរតនគិរី បានឱ្យដឹងថា បើទោះបី ជាបញ្ហាកូវីដ ១៩ កើតឡើងនៅក្នុងប្រទេសក្ដី ក៏ដំណើរការចៀរជ័រកៅស៊ូ នៅក្នុងចំការ របស់លោកនៅតែបន្ត ដោយលោកបានចាប់ផ្ដើមចាក់ចៀរជ័របណ្ដើរៗហើយ តែយ៉ាងណា ទើបតែចាប់ផ្ដើមបែបនេះ មិនទាន់ដឹងថា ទិន្នផលនឹងបានប៉ុន្មាននោះទេ គឺរង់ចាំដល់ខែ វស្សាទើបដឹងថា វាទទួលបានទិន្នផលច្រើន ឬក៏តិច ។
លោកបន្តថា បើការនាំចេញវិញ ក៏មានភាពយឺតយ៉ាវដែរ ដោយសារតែត្រូវប្តូរទំនិញនៅ តំបន់សនៃច្រកព្រំដែននីមួយៗ ដូច្នេះហើយការនាំចេញនៅតែមានតែការដឹកជញ្ជូន ការ ផ្ទេរមិនដូចមុន ទើបធ្វើឱ្យឈ្មួញកណ្ដាលខ្លះគាត់យកឱកាសនេះ ដើម្បីបញ្ចុះតម្លៃកៅស៊ូ មកនៅទាបជាងមុន ។ លោកបន្ថែមទៀតថា ៖ «បើទោះបីជាយ៉ាងណាក៏ដោយក៏មានម្ចាស់ ចំការមួយចំនួនបន្តចៀរជ័រ ដើម្បីយកទុក និងដើម្បីឱ្យបងប្អូនកម្មករមានចំណូលខ្លះ បើពុំ នោះទេ គឺកម្មករមិនមានការងារធ្វើ ហើយពួកគាត់ក៏មិនមានប្រាក់ចំណូលសម្រាប់ផ្គត់ផ្គង់ ជីវភាពគ្រួសារគាត់ដែរ» ។
គួរបញ្ជាក់ថា សកម្មភាពនៃការនាំចេញកសិផលពីកម្ពុជា បើតាមរបាយការណ៍របស់ ក្រសួងកសិកម្ម រុក្ខាប្រមាញ់ និងនេសាទ ឃើញថានៅតែមានការនាំចេញជាហូរហែរ ដោយឡែកមានតែអង្ករស និងស្រូវប៉ុណ្ណោះ ដែលរាជរដ្ឋាភិបាលបានប្រកាសបិទការនាំ ចេញ ដើម្បីទុកផលិតផលទាំងនោះ សម្រាប់ផ្គត់ផ្គង់ក្នុងស្រុកបង្កាការខ្វះខាតណាមួយ ក្នុងពេលកូវីដ ១៩ រាលដាលយូរ ៕
ចែករំលែកព័តមាននេះ