ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា ឪពុកម្នាក់ត្រូវបានសមត្ថកិច្ចចាប់បញ្ជូនទៅសាលាដំបូង កាលពីថ្ងៃទី២៨ ខែមេសា ឆ្នាំ២០២០ ក្រោយពីធ្វើសកម្មភាពបំពានសេពសន្ថវៈមកលើកូនស្រីបង្កើតរហូតធ្វើឱ្យមានផ្ទៃពោះ៧ខែ ក៏ត្រូវម្តាយឃើញកូនមានផ្ទៃពោះដូច្នេះ ក៏ជជីកសួរនាំកូនស្រី…
ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា ឪពុកម្នាក់ត្រូវបានសមត្ថកិច្ចចាប់បញ្ជូនទៅសាលាដំបូង កាលពីថ្ងៃទី២៨ ខែមេសា ឆ្នាំ២០២០ ក្រោយពីធ្វើសកម្មភាពបំពានសេពសន្ថវៈមកលើកូនស្រីបង្កើតរហូតធ្វើឱ្យមានផ្ទៃពោះ៧ខែ ក៏ត្រូវម្តាយឃើញកូនមានផ្ទៃពោះដូច្នេះ ក៏ជជីកសួរនាំកូនស្រី ទើបកូនស្រីប្រាប់ម្តាយពីរឿងរ៉ាវរបស់បំពាននាងតែម្តង។
សេចក្តីរាយការណ៍បន្តថា ជនសង្ស័យខាងលើមានឈ្មោះ សិង សៃ អាយុ៤២ឆ្នាំ ត្រូវសមត្ថកិច្ចឃាត់ខ្លួនកាលពីថ្ងៃទី២៦ មេសា នៅឃុំណងឃីលឹក ស្រុកកោះញែក។
បើតាមលោក សូ សុវណ្ណ ស្នងការរងនគរបាលខេត្តបានឲ្យដឹងថា ជនសង្ស័យជាឪពុកបានធ្វើ
សកម្មភាពបំពានសេពសន្ថវៈលើកូនបង្កើតលើកទី១ កាលពីអំឡុងខែតុលា ឆ្នាំ២០១៩ និងប្រព្រឹត្តជាបន្តបន្ទាប់រហូតដល់នាងមានផ្ទៃពោះតែម្តង ។
លោកស្នងការរងបន្តថា ជនសង្ស័យបានធ្វើសកម្មភាពបំពានកូនស្រីខ្លួនឯងនៅលើផ្ទះពេលយប់ ខណៈពេលដែលម្ដាយមិននៅ ដោយឡើងទៅខ្ទប់មាត់នាង រួចបំពានរហូតបានសម្រេចតែម្តង ហើយគំរាមកូនស្រីនោះថា នឹងសម្លាប់ចោល បើសិនជាហ៊ានប្រាប់ម្ដាយ ឬសាច់ញាតិ ។
បើតាមចម្លើយរបស់ជនសង្ស័យបានសារភាពប្រាប់ថា បានធ្វើសកម្មភាពបំពានសេពសន្ថវៈកូនស្រីនៅលើផ្ទះចំនួន៣លើក និងនៅឯខ្ទមចាំស្រែចំនួន៦លើកទៀត ។ ដោយសារមានការបំពានជាច្រើនលើកច្រើនសាបែបនេះ ទើបឪពុក និងកូនហាក់មានភាពស្និទ្ធស្នាលខុសប្លែកពីធម្មតា ហើយកូនស្រីបានសួរទៅឪពុកថា តើបន្តការស្រឡាញ់រូបនាងបែបនេះទៀតឬក៏យ៉ាងណា ?
តាមចម្លើយជនសង្ស័យសារភាពបន្តថា ចាប់តាំងពីពេលនោះមក ឪពុកម្នាក់នេះក៏ឈប់បង្កើតភាពស្និទ្ធស្នាលជាមួយកូនស្រីនោះទៀត ។ រហូតកូនស្រីមានផ្ទៃពោះ ក៏ចាប់ផ្ដើមមានការសួរនាំពីម្ដាយ និងសាច់ញាតិ ហើយកូនស្រីរូបក៏បានសារភាពថា ត្រូវឪពុកបង្កើតបំពាននាង ។ ពេលនោះម្ដាយក៏សម្រេចចិត្តប្ដឹងទៅសមត្ថកិច្ចឱ្យចាប់ខ្លួនឪពុកតែម្ដង ។
សូមបញ្ជាក់ថា ករណីឪពុកបំពានសេពសន្ថវៈលើកូនបង្កើតរហូតមានផ្ទៃពោះនេះ ជនសង្ស័យត្រូវសមត្ថកិច្ចឃាត់ខ្លួនកាលពីថ្ងៃទី២៦ មេសា នៅឃុំណងឃីលឹក និងត្រូវបានបញ្ជូនទៅសាលាដំបូងនៅរសៀលថ្ងៃទី២៨ ខែមេសា ៕ (កែសម្រួលដោយ ៖ បុប្ផា)
ចែករំលែកព័តមាននេះ