រាជធានីភ្នំពេញ ៖ ជនសង្ស័យបានឆ្លើយដាក់គ្នាជុំវិញករណីឆក់កាបូបស្ត្រីម្នាក់ បណ្តាលឲ្យដួលម៉ូតូបោកក្បាលបណ្តាលឱ្យបាត់បង់ជីវិតនៅលើផ្លូវចុះពីស្ពានស្ទឹងមានជ័យ ហើយជនសង្ស័យបានប្រាក់រាប់ម៉ឺនដុល្លារអាមេរិក យកទៅចែកគ្នាមិនស្មើ នៅពេលសំណុំរឿងនេះបញ្ជូនដល់តុលាការ ។ នគរបាលការិយាល័យព្រហ្មទណ្ឌកម្រិតស្រាលរាជាធានីភ្នំពេញ កាលពីរសៀសថ្ងៃទី២៧…
រាជធានីភ្នំពេញ ៖ ជនសង្ស័យបានឆ្លើយដាក់គ្នាជុំវិញករណីឆក់កាបូបស្ត្រីម្នាក់ បណ្តាលឲ្យដួលម៉ូតូបោកក្បាលបណ្តាលឱ្យបាត់បង់ជីវិតនៅលើផ្លូវចុះពីស្ពានស្ទឹងមានជ័យ ហើយជនសង្ស័យបានប្រាក់រាប់ម៉ឺនដុល្លារអាមេរិក យកទៅចែកគ្នាមិនស្មើ នៅពេលសំណុំរឿងនេះបញ្ជូនដល់តុលាការ ។
នគរបាលការិយាល័យព្រហ្មទណ្ឌកម្រិតស្រាលរាជាធានីភ្នំពេញ កាលពីរសៀសថ្ងៃទី២៧ ខែមេសា ឆ្នាំ២០២០ បានបញ្ជូនជនសង្ស័យ៣នាក់ទៅសាលាដំបូងរាជធានីភ្នំពេញ ពាក់ព័ន្ធនឹងករណីឆក់កាបូប បណ្តាលឲ្យជនរងគ្រោះបាត់បង់ជីវិត ។
ជនសង្ស័យទាំង៣នាក់នេះមាន ៖ ១-ឈ្មោះ ចាន់ មុន្នីរ័ត្ន ហៅពៅ ភេទប្រុស អាយុ២០ឆ្នាំ ជាសិស្ស ស្នាក់នៅផ្ទះលេខ៨១ ផ្លូវលេខ១០៧ សង្កាត់អូរឫស្សីទី៤ ខណ្ឌ៧មករា ២-ឈ្មោះ អាន សុខវិន ភេទប្រុស អាយុ២១ឆ្នាំ ស្នាក់នៅផ្ទះលេខ៣៧E0Z ផ្លូវលេខ១៤០ សង្កាត់មនោរម្យ ខណ្ឌ៧មករា និង៣-ឈ្មោះ ស៊ីន សុរ៉ាយុត្ន ហៅឌីន ភេទប្រុស អាយុ១៩ឆ្នាំ ស្នាក់នៅផ្ទះលេខ១៥០E0Zផ្លូវលេខ៦៣ សង្កាត់ចតុមុខ ខណ្ឌ៧មករា ។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាល បានឲ្យ
ដឹងថា កាលពីថ្ងៃទី២៥ ខែមេសា ឆ្នាំ២០២០ កម្លាំងការិយាល័យរបស់លោក បានស្រាវជ្រាវ និងឃាត់ខ្លួនជនសង្ស័យចំនួន៣នាក់ ដែលពាក់ព័ន្ធប្រព្រឹត្តបទល្មើសលួចមានស្ថានទម្ងន់ទោស ដោយសារមរណភាពនៃជនរងគ្រោះ ដោយការឆក់កាបូបក្រវាត់ចង្កេះជនរងគ្រោះនៅចំណុចដីឡូត៍លេខ២ ផ្លូវលេខ៤៣០ ភូមិ៤ សង្កាត់ទំនប់ទឹក ខណ្ឌបឹងកេងកង ។
ជនរងគ្រោះក្នុងអំពើឆក់នោះឈ្មោះ ហុង សុខចេង ភេទស្រី អាយុ៣៥ឆ្នាំ ស្នាក់នៅផ្ទះលេខ
០៥៧ ផ្លូវលំ ភូមិព្រែកទាល់ សង្កាត់ស្ទឹងមានជ័យទី២ ខណ្ឌមានជ័យ ។ បើតាមក្រុមគ្រួសារជនរងគ្រោះប្រាប់ថា ជាមួយនឹងមរណភាពជនរងគ្រោះ ក៏បានបាត់បង់ប្រាក់ជិត១ម៉ឺនដុល្លារអា
មេរិក ខ្សែកដាំត្បូងតម្លៃជាង២ម៉ឺនដុល្លារអាមេរិក និងឯកសារមួយចំនួនទៀតផងដែរ ។
ចំណែកជនសង្ស័យ នៅពេលឃាត់ខ្លួនបានសមត្ថកិច្ចបានធ្វើការដកហូតមាន ម៉ូតូស៊ុយហ្សុ៊យ
គីនិច២គ្រឿង មួយគ្រឿងពណ៌ទឹកក្រូច សេ៊រីឆ្នាំ២០២០ ពាក់ផ្លាកលេខ ភ្នំពេញ ១IH-៨៥១៥ ជាម៉ូតូជិះធ្វើសកម្មភាព និងមួយគ្រឿងទៀត ស៊េរីឆ្នាំ២០២០ដែរ ពណ៌សលាយទឹកប៊ិក ពាក់
ផ្លាកលេខ ភ្នំពេញ ១IE-២៣៦៤ ទូរស័ព្ទដៃ៣គ្រឿង កាបូបក្រវាត់ចង្កេះ១ អត្តសញ្ញាណប័ណ្ណ
សញ្ជាតិខ្មែរ១សន្លឹក កាបូបស្ពាយចំហៀង២ឧបករណីកែច្នៃសម្រាប់ប្រើប្រាស់គ្រឿងញៀនមួយសម្រាប់ ដែកកេះ២ កាបូបដៃ១ ប័ណ្ណបើកបររថយន្ត១ មួកសុវត្ថិភាព១ និងកាតATM ធនាគារABA១ ។
លោក ប៊ុន សត្យា បន្តថា ក្រោយពេលឃាត់ខ្លួនជនសង្ស័យបានសារភាពថា កាលពីថ្ងៃទី៩ ខែមេសា ឆ្នាំ២០២០ វេលាម៉ោងប្រហែល៥និង៣០នាទីល្ងាច ពួកគេមានបក្ខពួក៤នាក់ បានជិះ
ម៉ូតូចំនួន២គ្រឿង គឺឈ្មោះ ចាន់ មុន្នីរត្ន័ ហៅពៅ ជិះម៉ូតូស៊ុយហ្សុ៊យគីនិច ពណ៌ទឹកក្រូច ឌុបឈ្មោះ ឡាយ ពេជ្របញ្ញា និងឈ្មោះ អាន សុខវិន ជិះម៉ូតូហុងដាស្គូពីពណ៌ផ្កាឈូក សេ៊រីឆ្នាំ២០២០ ឌុបឈ្មោះ ស៊ីន សុរ៉ាយុត្ន ហៅឌីន ។
នៅពេលទៅដល់ចំណុចដីឡូត៍លេខ២ ផ្លូវលេខ៤៣០ ភូមិ៤ សង្កាត់ទំនប់ទឹក ខណ្ឌបឹងកេងកង ឃើញជនរងគ្រោះកំពុងជិះម៉ូតូហុងដាម្នាក់ឯង និងមានក្រវាត់កាបូបនៅចង្កេះផង ឈ្មោះ ចាន់ មុន្នីរ័ត្ន ហៅពៅ ក៏បើកម៉ូតូចូលទៅជិត ។ ចំណែកឈ្មោះ ឡាយ ពេជ្របញ្ញា ដែលអង្គុយខាងក្រោយ បានធ្វើសកម្មភាពឆក់យកកាបូបពីចង្កេះជនរងគ្រោះបានសម្រេច ចំណែកឈ្មោះ អាន សុខវិន ជិះម៉ូតូឌុបឈ្មោះ ស៊ីន សុរ៉ាយុត្ន ហៅឌីន បិទគូទពីក្រោយ គេចខ្លួនឡើងលើស្ពានអាកាសស្ទឹងមានជ័យ ។ ពេលនោះជនរងគ្រោះបានជិះម៉ូតូដេញតាមនិងស្រែកថាចោរៗ លុះទៅដល់លើស្ពានអាកាសស្ទឹងមានជ័យ ជនរងគ្រោះបើកម៉ូតូបុកជាមួយរ៉ឺម៉កបណ្តាលឲ្យដួល ហើយពួកគេក៏ជិះម៉ូតូគេចខ្លួនទាំងអស់គ្នាបាត់ទៅ ។
លោកនាយការិយាល័យថ្លែងទៀតថា បន្ទាប់មក ប្តីរបស់ជនរងគ្រោះក៏ទៅដល់ និងបានដឹក
ប្រពន្ធទៅសង្គ្រោះនៅមន្ទីរពេទ្យមិត្តភាពខ្មែរ-សូវៀត ប៉ុន្តែដោយសាររបួសធ្ងន់ជនរងគ្រោះក៏បានស្លាប់ទៅ ។
សូមបញ្ជាក់ថា ជនសង្ស័យឈ្មោះ ឡាយ ពេជ្របញ្ញា ដែលជាជនដៃដល់ឆក់កាបូបជនរងគ្រោះ ត្រូវបាននគរបាលព្រហ្មទណ្ឌ ក្រសួងមហាផ្ទៃឃាត់ខ្លួនបាននៅថ្ងៃតែមួយជាមួយបក្ខពួក៥នាក់ទៀត ពាក់ព័ន្ធនឹងករណីវាយសម្លាប់ជនរងគ្រោះនៅជិតវត្តកោះ ក្នុងខណ្ឌដូនពេញ ។
ជនសង្ស័យទាំង២ក្រុមនេះ ក៏ត្រូវបានសមត្ថកិច្ចបញ្ជូនទៅសាលាដំបូងរាជធានីភ្នំពេញក្នុងថ្ងៃតែមួយដែរ ។ នៅសាលាដំបូងរាជធានីភ្នំពេញពួកគេបានជួបមុខគ្នា ហើយបានបកអាក្រាតពីគ្នាទៅវិញទៅមក ពាក់ព័ន្ធនឹងផលប្រយោជន៍ដែលឆក់បានពីជនរងគ្រោះ ។
ជនសង្ស័យទាំង៣នាក់ បានប្រាប់នគរបាលការិយាល័យព្រហ្មទណ្ឌកម្រិតស្រាលរាជធានីភ្នំ
ពេញថា នៅពេលពួកគេធ្វើសកម្មភាព គឺឈ្មោះ ឡាយ ពេជ្របញ្ញា ជាអ្នកឆក់យកកាបូបពីជនរងគ្រោះ ហើយផលដែលឆក់បានក៏ឈ្មោះ ឡាយ ពេជ្របញ្ញា អ្នកបែងចែកឲ្យពួកគេដែរ ។ ពួកគេទទួលបានប្រាក់ដល់ដៃតែ៦០០ដុល្លារអាមេរិកក្នុងម្នាក់ ដែលឈ្មោះ ឡាយ ពេជ្របញ្ញា ចែកឲ្យប៉ុណ្ណោះ ។
ចំណែកឈ្មោះ ឡាយ ពេជ្របញ្ញា វិញបានប្រកែកថា ប្រាក់នោះគេបានចែកឲ្យទៅក្នុងម្នាក់២.០០០ដុល្លារអាមេរិក មិនមែន៦០០ដុល្លារដូចគូកនបាននិយាយនោះទេ ។
ទោះជាយ៉ាងណាក្តី ជាចុងក្រោយជនរងគ្រោះ ទំនងមិនអាចទទួលបានសំណងរដ្ឋប្បវេណីមកវិញទេ ព្រោះទ្រព្យរបស់ខ្លួនត្រូវក្រុមចោរឆក់ហែកចែកគ្នាចាយវាយខ្ទេចខ្ទីអស់ទៅហើយ ៕
ចែករំលែកព័តមាននេះ