ក្របខ័ណ្ឌ Ligue 1, 2 ត្រូវរំសាយចោលដោយសារការរីករាលដាលនៃកូវីដ១៩
ប្រទេសបារាំង ៖ ក្របខ័ណ្ឌ Ligue 1, 2 រដូវកាល ២០១៩-២០ ត្រូវបានរំសាយចោល បន្ទាប់ពីការប្រកាសរបស់នាយករដ្ឋមន្ត្រីបារាំងលោក…
ប្រទេសបារាំង ៖ ក្របខ័ណ្ឌ Ligue 1, 2 រដូវកាល ២០១៩-២០ ត្រូវបានរំសាយចោល បន្ទាប់ពីការប្រកាសរបស់នាយករដ្ឋមន្ត្រីបារាំងលោក…
ប្រទេសបារាំង ៖ ក្របខ័ណ្ឌ Ligue 1, 2 រដូវកាល ២០១៩-២០ ត្រូវបានរំសាយចោល បន្ទាប់ពីការប្រកាសរបស់នាយករដ្ឋមន្ត្រីបារាំងលោក Edouard Philippe ថា រាល់ព្រឹត្តិការណ៍កីឡាទាំងអស់ ត្រូវបានផ្អាករហូតដល់ខែកញ្ញា នេះបើតាមការចុះផ្សាយពី Goal.com ។
លោក Edouard Philippe បានបញ្ជាក់ថា មិនមានលទ្ធភាពណាមួយនៃក្របខ័ណ្ឌកំពូល Ligue 1 ដែលអាចចាប់ផ្តើមឡើងវិញមុនខែកញ្ញា ចំពេលដែលមានការប្រយុទ្ធប្រឆាំងនឹងវីរុសកូវីដ១៩នោះទេ ដោយបច្ចុប្បន្នប្រទេសបារាំង កំពុងនៅតែស្ថិតក្នុងស្ថានភាពជាប់គាំងនៅឡើយ ។
លោកបានមានប្រសាសន៍នៅក្នុងសន្និបាតជាតិកាលពីថ្ងៃអង្គារថា «ព្រឹត្តិការណ៍កីឡាធំៗមិនអាចកើតឡើងមុនពេលខែកញ្ញាទេ ហើយបាល់ទាត់អាជីពរដូវកាល ២០១៩-២០ នឹងមិនអាចវិលត្រឡប់មកវិញបានទេ»។
ស្ថាប័នលីគអាជីពបារាំង (LFP) បានប្រកាសពីផែនការដើម្បីចាប់ផ្តើមយុទ្ធនាការលីគឡើងវិញនៅថ្ងៃទី ១៧ ខែមិថុនាសប្តាហ៍មុន ហើយ UEFA បានកំណត់ថ្ងៃទី២ ខែសីហា សម្រាប់បញ្ចប់លីគក្នុងស្រុក ដើម្បីឈានដល់ការប្រកួត Champions League និង Europa League ឡើងវិញ ។
ទោះយ៉ាងណា ការអត្ថាធិប្បាយរបស់លោក Edouard Philippe បានបញ្ចប់ក្តីសង្ឃឹមទាំងអស់នៃការចង់វិលត្រឡប់ទៅរកសកម្មភាព សម្រាប់ក្លិបបារាំងនៅរដូវក្តៅនេះ ដែលឥឡូវនេះ Ligue 1 និង Ligue 2 ត្រូវបានលុបចោលទាំងស្រុងតែម្តង ។
គណៈគ្រប់គ្រងបាល់ទាត់បារាំង គ្រោងនឹងជួបគ្នានៅខែឧសភា ដើម្បីពិភាក្សាពីចំណាត់ថ្នាក់លីគនាពេលបច្ចុប្បន្ន ដោយមិនទាន់កំណត់ថា នរណានឹងក្លាយជាម្ចាស់ជើងឯក និងនរណាជាក្រុមដែលត្រូវកាត់ចោល (Relegated) ហើយនរណានឹងជាក្រុមដែលត្រូវឡើងថ្មី (Promotion) ។
បើយើងក្រឡេកមកមើលចំណាត់ថ្នាក់ក្នុងតារាង Ligue 1 ក្រុម PSG កំពុងកាន់កាប់តំណែងកំពូលតារាងក្រោយមាន ៦៨ពិន្ទុ ។ ដោយឡែកក្រុម Marseille និងក្រុម Rennes កំពុងឈរនៅតំណែងកៅអី Champions League ខណៈដែលក្រុម Lille ស្ថិតនៅតំណែងកៅអី Europa League សម្រាប់រដូវកាលក្រោយ ។
ចំណែកឯក្រុម Nimes, Amiens និង Toulouse បច្ចុប្បន្នកំពុងស្ថិតនៅក្នុងតំបន់ ដែលត្រូវកាត់ចោល ។
គិតត្រឹមថ្ងៃទី ២៩ ខែ មេសា ករណីអ្នកឆ្លងវីរុសកូវីដ១៩មានជិត ១៦៦,០០០ករណី និងមានអ្នកសា្លប់សរុបចំនួន ២៣,៦៦០ នាក់ ៕ (ដកស្រង់ចេញពី Goal.com)
ចែករំលែកព័តមាននេះ