ខេត្តព្រៃវែង ៖ យុវជន២នាក់ត្រូវបានកំលាំងសមត្ថកិច្ចចាប់ឃាត់ខ្លួន និងសាងសំណុំរឿងបញ្ជូនទៅកាន់សាលាដំបូងខេត្ត បន្ទាប់ពីពួកគេធ្វើសកម្មភាពវាយទៅលើជនរងគ្រោះ២នាក់ បណ្តាលអោយរងរបួសបែកក្បាល ក្នុងជម្លោះពាក្យសម្តីគ្នា ។ ហេតុការណ៍ខាងលើបានកើតឡើងកាលពីវេលាម៉ោង៦និង២០នាទីយប់ថ្ងៃទី២៨ មេសា…
ខេត្តព្រៃវែង ៖ យុវជន២នាក់ត្រូវបានកំលាំងសមត្ថកិច្ចចាប់ឃាត់ខ្លួន និងសាងសំណុំរឿងបញ្ជូនទៅកាន់សាលាដំបូងខេត្ត បន្ទាប់ពីពួកគេធ្វើសកម្មភាពវាយទៅលើជនរងគ្រោះ២នាក់ បណ្តាលអោយរងរបួសបែកក្បាល ក្នុងជម្លោះពាក្យសម្តីគ្នា ។
ហេតុការណ៍ខាងលើបានកើតឡើងកាលពីវេលាម៉ោង៦និង២០នាទីយប់ថ្ងៃទី២៨ មេសា នៅចំណុចភូមិព្រៃស្នៀតខាងជើង ឃុំព្រៃស្នៀត ស្រុកពារាំង ខេត្តព្រៃវែង។
យុវជនដែលត្រូវចាប់ខ្លួនទាំង២នាក់ខាងលើ ម្នាក់ឈ្មោះ ឡា វ៉ា ភេទប្រុស អាយុ២១ឆ្នាំ និងម្នាក់ទៀតឈ្មោះ ប៊ុន វីន ភេទប្រុស អាយុ២១ឆ្នាំ អ្នកទាំង២មានទីលំនៅក្នុងភូមិកើតហេតុ។ ចំណែកជនរងគ្រោះទាំង២នាក់ ម្នាក់ឈ្មោះ អុីម ផល្លា ភេទប្រុស អាយុ៣០ឆ្នាំ និងម្នាក់ទៀតឈ្មោះ អេង ប៊ុនថេង ភេទប្រុសអាយុ២៨ឆ្នាំ អ្នកទាំងពីរមានទីលំនៅក្នុងភូមិកើតហេតុ។
តាមប្រភពព័ត៌មានពីសមត្ថកិច្ចមូលដ្ឋានបានអោយដឹងថា អំពើហិង្សាខាងលើនេះកើតឡើង ដោយសារតែជនរងគ្រោះទាំង២នាក់មើលមុខក្រុមជនបង្ក ក្នុងពេលធ្វើដំណើរជួបគ្នាតាមផ្លូវ ហើយបានកើតទៅជាជម្លោះពាក្យសម្តីគ្នា រហូតឈានដល់កើតមានអំពើហិង្សាតែម្តង ដោយជនរងគ្រោះទាំង២នាក់ត្រូវក្រុមជនបង្កវាយនឹងឈើជ្រុងចំក្បាលផ្នែកខាងក្រោយម្នាក់១ឈើជ្រុង បណ្តាលអោយរយះបែកក្បាល។ ភ្លាមៗនោះជនរងគ្រោះបានរត់មកប្តឹងសមត្ថកិច្ច ទើបឈានដល់ការឃាត់ចាប់ខ្លួនជនបង្កបានទាំង២នាក់ ភ្លាមៗតែម្តង។
បច្ចុប្បន្ន យុវជនបង្កទាំង២នាក់ត្រូវបានឃាត់ខ្លួននៅអធិការដ្ឋាននគរបាលស្រុកពារាំង ដោយសមត្ថកិច្ចកំពុងកសាងសំណុំរឿងចាត់ការទៅតាមនីតិវិធី៕
ចែករំលែកព័តមាននេះ